Դեկտեմբերն իսկապես բացառիկ ամիս էր մեր գործընկերների համար՝ հագեցած նորարարական և նշանակալի իրադարձություններով։ Այս անգամ MND շարքում մենք կիսվում ենք այն ամենով, ինչը ոգևորել և ոգեշնչել է մեր գործընկերներին։
Դե ինչ, գնանք միասին բացահայտելու Easy Pay-ի նոր հնարավորությունները, Picsart Academy-ի նորարարական կրթական ծրագրերը, մասնակցենք Align technology-ի երևանյան գրասենյակում staff.am էկոհամակարգի կազմակերպած HR meetup-ին, տոնենք մեր գործընկերոջ՝ Hercules AI-ի գործունեության տասնամյակը և վայելենք staff.am գալա 2024-ի հիշարժան պահերը։
Ճանապարհորդությունը staffmedia-ում սկսված է:
Staff.am էկոհամակարգը հյուրընկալում է իր առաջին HR Meetup-ը Align Technology-ում
Staff.am էկոհամակարգը հաջողությամբ կազմակերպեց իր առաջին HR Meetup-ը Align Technology-ի երևանյան գրասենյակում, որտեղ միավորվեցին բազմազգ և ռելոկացված ընկերությունների HR մասնագետներ և ղեկավարներ։ Միջոցառումը դարձավ բաց քննարկումների և փորձի փոխանակման հարթակ, որի ընթացքում քննարկվեցին թիմերի կառավարման մարտահրավերներն ու հնարավորությունները Հայաստանում։ Մասնակիցները կիսվեցին իրենց փորձով՝ ներկայացնելով մշակութային տարբերությունները, տեղաշարժի մարտահրավերները և գլոբալ թիմերի դինամիկան։ Staff.am-ը շարունակաբար խթանում է HR համայնքում համագործակցությունը՝ դարձնելով նման հանդիպումները կանոնավոր և թեմատիկ քննարկումների հարթակ։
Easy Pay-ը միացել է iDram-ի բաց QR ենթակառուցվածքին
EasyPay-ն առաջիններից է, որը միացել է Իդրամի բաց QR ենթակառուցվածքին։ Սա նշանակում է, որ այժմ EasyPay-ի հաճախորդները կարող են իրենց հավելվածներով QR վճարումներ կատարել Իդրամի 22,000+ վաճառակետերում՝ առանց լրացուցիչ հավելվածներ ներբեռնելու:
Սա մեծ և նշանակալի քայլ է “open banking”-ի կայացման ճանապարհին։
Ներկայումս համակարգին միացած են EasyPay-ը, Evocabank-ը, Fast Shift-ը և Upay-ը:
Picsart Academy՝ Ձեր կարիերայի սկիզբը տեխնոլոգիական ոլորտում
Picsart Academy-ն հայտարարեց 2024թ.-ի նոր ուսումնական տարվա մեկնարկը՝ առաջարկելով 12-ամսյա խորացված դասընթացներ տեխնոլոգիական ոլորտի առավել պահանջված ուղղություններով։
Ակադեմիան առաջարկում է հինգ հիմնական ծրագիր՝ AI (ML & Data Science), Web Development, DevHack, C++ և Graphic Design: Յուրաքանչյուր դասընթաց ներառում է երկու մասնագիտացում մեկ ամսավճարով։
Ծրագիրն առանձնանում է մի շարք առավելություններով, ինչի մասին կարող եք կարդալ ամբողջական հոդվածում։
Տասնամյակի ուժը Hercules AI-ում
HerculesAI-ը (նախկին Zero Systems) տոնում է իր 10-ամյա հոբելյանը՝ նշելով արհեստական բանականության ոլորտում իր նշանակալի ձեռքբերումները: Սկսելով որպես B2C հավելված՝ էլ․փոստի կառավարման համար, ընկերությունը վերափոխվեց՝ դառնալով B2B ոլորտի առաջատար, հատկապես իրավաբանական ծառայությունների ավտոմատացման բնագավառում:
2024-ին Zero Systems-ից HerculesAI վերանվանումը նշանավորեց ընկերության նոր փուլը, որի ընթացքում այն ընդլայնում է իր գործունեությունը դեպի ապահովագրական և ֆինանսական ոլորտներ՝ առաջարկելով անվտանգ և արդյունավետ AI լուծումներ:
staff.am գալա 2024. La boheme և ևս մեկ անմոռանալի միջոցառում
2024 թվականի դեկտեմբերի 14-ին Կամերային երաժշտության տանը տեղի ունեցավ «Ազնավուր 100» խորագրով staff.am գալա 2024-ը՝ մի իրադարձություն, որը միավորեց մշակույթը, բիզնեսը և նորարարությունը։ «Ազնավուր 100» խորագրով «staff.am գալա 2024»-ը չէր կարող ավելի համահունչ բացում ունենալ, քան Ազնավուրյան հնչյուններն են, այն էլ Հայաստանի պետական կամերային նվագախմբի կատարմամբ։ Միջոցառման ընթացքում staff.am-ը, որպես աշխատաշուկայի առաջատար էկոհամակարգ, ներկայացրեց իր չորս հիմնական ուղղությունները՝ staff.am կարիերայի հարթակը, staffmedia.am մեդիա հարթակը, Career Factory կրթական ծրագրերը և Compass վերլուծական ուղղությունը։
Միջոցառումը դարձավ իրկական հարթակ նեթվորքինգի և փորձի փոխանակման համար, իսկ ավարտին ավանդական դարձած համայնքի ընդհանուր լուսանկարը խորհրդանշեց staff.am-ի հանձնառությունը՝ շարունակել նորարարական լուծումներ առաջարկել հայաստանյան աշխատաշուկայի զարգացման համար։
