Հուլիսի MND-ն․ DISQO-ի համահիմնադրի միջոցառումը, Miro-ի երևանյան գրասենյակը և Թումո լաբորատորիաների նոր շենքը

286

staff.am-ը շարունակում է իր ամենամսյա նախագիծը՝ MND-ն (Monthly News Digest), որի շրջանակում մենք յուրաքանչյուր ամիս հակիրճ ներկայացնում ենք մեր գործընկեր ընկերությունների վերջին ամենահետաքրքիր նորությունները։

Այս ամառը բացառիկ թեժ է և ոչ «արձակուրդային»․ աշխատաշուկան «եռում» է, Հայաստան մուտք գործած նոր ընկերություններն իրար հերթ չեն տալիս, իսկ լավ մասնագետները պահանջված են առավել քան երբևէ։ 

DISQO

ԱՄՆ ամենահեռանկարային տեխնոլոգիական ընկերություններից մեկի՝ DISQO-ի, համահիմնադիր Դրո Քոչարյանը հուլիսին ժամանել էր Հայաստան։ Հուլիսի 19-ին DISQO-ն Leadership in Tech նախաձեռնության հետ միասին կազմակերպել էին բացառիկ միջոցառում, որի նպատակն էր բարձրացնել ու քննարկել ՏՏ ոլորտի մասնագետների համար կարևոր ու արդիական հարց՝ «Աճի ի՞նչ հնարավորություններ կան ավագ ինժեների համար»։ Հանդիպման և պանելային քննարկման ընթացքում Դրո Քոչարյանը,  ինժեներական թիմի տնօրեններ Ռուբեն Դիլանյանը և Հարություն Բաղդասարյանը քննարկել են Հայաստանում senior+ մակարդակի մասնագետների աճի հնարավորությունները, ընդգծել այն հեռանկարները, որոնք բացվում են տեխնոլոգիական ոլորտում ավագ մակարդակի հասած մասնագետի համար:

Miro

Այս տարի Հայաստանի տեխնոլոգիական քարտեզին հայտնվել է ևս մեկ խոշոր միջազգային ընկերություն՝ Miro-ն։ Ընկերությունը գրասենյակ է բացել Երևանում, և այդ գրասենյակը մշտական է լինելու․ Miro-ն չի պլանավորում լքել Հայաստանը։ Ընկերությունն այստեղ է տեղափոխել իր նախկին ռուսաստանյան գրասենյակի հարյուրավոր աշխատակիցներին՝ իրենց ընտանիքներով։ Այժմ ողջ աշխարհով մեկ միլիոնավոր օգտատերեր ունեցող՝ գրասենյակային աշխատակիցների համատեղ աշխատանքի համար նախատեսված հարթակ ստեղծած ընկերությունն ակտիվորեն ինտեգրվում է հայկական միջավայրին՝ կիսվելով նաև իր մշակույթով։

Թումո

Թումո ստեղծարար տեխնոլոգիաների կենտրոնի նորություններն այնքան շատ են, որ Թումոն անգամ որոշել է հուլիսին տարվա ամփոփում անել։ Իհարկե, տարին դեռ շարունակվում է, իսկ դա նշանակում է, որ նորությունները միայն կավելանան, բայց կարևորներով արդեն իսկ արժե կիսվել։ Այսպես, 42 Երևանը և Թումո լաբորատորիաները ժամանակավորապես տեղափոխվեցին նոր շենք, որը գտնվում է Թումոյի այգում. հաստատ շատերդ տեսել եք այդ սպիտակ, կլոր կառույցը: Բացի այդ, Թումոն իր նոր տուփերն է տեղադրել Հասատանի ու Արցախի մի շարք քաղաքներում՝ Թումոյի նորարարական կրթությունը հասանելի դարձնելով ևս մի քանի հարյուր պատանիների:

Powered by staff.am.