Ահա և մոտենում է տարեվերջը։ Մեկ ամսից սկսվում է 2017 թվականը, և ճիշտ ժամանակն է խորհելու և հասկանալու, թե ինչ նվաճումներ եք ունեցել այս մեկ տարվա ընթացքում։ Միգուցե Դուք հիանալի տարի եք ունեցել՝ լի հաջողություններով և ձեռքբերումներով, հասել եք Ձեր առջև դրված նպատակներին, սակայն, միգուցե և կարող էիք անել ավելին։ Այս առումով հետաքրքիր է Վիլյամ Թոմասի խոսքերը․
Ամանորն Ամանոր չի լինի, եթե զղջալու ոչինչ չլինի։
Չնայած նրան, որ նախորդ տարին անցկացրել եք ի օգուտ Ձեր շահերի, փորձեք ընդմիջել։ Մտածե՛ք, ի՞նչն է Ձեզ խանգարել էլ ավելի լավ աշխատել, բարձրացրե՛ք Ձեր չափանիշները և ինքներդ Ձեզնից պահանջեք առավելագույնը։
Ի ավելացում այս ամենին, ստորև ներկայացնում ենք մի քանի խորհուրդներ, որոնք կօգնեն բարձրացնել Ձեր աշխատունակությունն ու արդյունավետ աշխատելու կարողությունը։ Սկսե՛ք Նոր տարին նոր էջից։ Այս տարվա Ձեր նպատակը պետք է լինի հաջողություններն ու մասնագիտական նվաճումները կրկնապատկելը։
Օգտագործեք Ձեր ուժեղ կողմերը
Շատ հաճախ մենք կենտրոնանում ենք մեր թույլ կողմերի վրա և անտեսում ենք ուժեղ կողմերը։ Առանց աչքաթող անելու Ձեր այն կողմերը, որոնք ունեն շտկման կարիք, Դուք կարող եք Ձեզ ցույց տալ մեկ այլ տեսանկյունից։ Հասկացեք, որոնք են Ձեր առավելություններն ու փորձեք թիմում ավելի շատ օգտագործել դրանք։
Եթե Ձեզ մոտ լավ է ստացվում հաճախորդների հետ շփումը, շնորհանդեսների կազմակերպումը կամ թիմին միավորելը, ապա ավելի շատ օգտագործեք այդ կարողություններն ու ցույց տվեք Ձեր առավելությունները։ Գործելով այս կերպ՝ ղեկավարությանը կհասկանա Ձեր անգնահատելի ներդրման արժեքը։
Կատարելագործվե՛ք․ կատարեք ավելի բարձր որակավորումներ պահանջող աշխատանք
Վերցնելով ավելի շատ պատասխանատվություն, իհարկե, Ձեր առօրյա գործերն էլ ավելի կավելանան և ստիպված կլինեք շատ ժամանակ հատկացնել գրասենյակային գործերին։ Մյուս կողմից, վերցնելով ավելի շատ պատասխանատվություն, ոչ միայն կազատեք Ձեր ղեկավարին որոշ գործերից, այլև կդառնաք թիմի անբաժան մասնիկ։ Հարկ է նշել, որ այս կերպ կզարգացնեք ավելի շատ հմտություններ, որն էլ կօգնի Ձեզ Ձեր հետագա կյանքում և կարիերայում։
Իսկ առաջ շարժվելու համար Ձեզ հարկավոր է հմտությունների երաշխավորում և ինքնազարգացում, որի լավագույն տարբերակը խոչընդոտների հաղթահարումն ու նոր ունակությունների ձեռք բերումն է։
Ստեղծեք ընկերական հարաբերություններ աշխատանքի վայրում
Մարդիկ սովորաբար շփվում են միմյանց հետ համացանցի միջոցով աշխատանքից դուրս։ Դուք մասնակցում եք կոնֆերանսների և ընդունելությունների, միանում եք տարատեսակ կազմակերպությունների և բաժակ եք բարձրացնում հին աշխատակիցների հետ, որպեսզի պահպանեք ջերմ հարաբերությունները։ Սակայն ի՞նչ կասեք այն մարդկանց մասին, ում հետ անցկացնում եք Ձեր օրվա մեծ մասը, այն մարդկանց մասին, ում հետ Դուք աշխատում եք։ Նրանց հետ Դուք ամեն առավոտ վերելակ եք նստում, աշխատում եք նույն ոլորտում և ունեք նույն հետաքրքրությունները։
Շատ օգտակար է կապեր հաստատել նրանց հետ, ովքեր նույն կազմակերպության այլ բաժիններից են, ընդմիջումն անցկացրեք նրանց հետ։ Նոր հնարավորությունների ի հայտ գալուն պես Դուք նրանց մտքում առաջինը կլինեք։
Սկսած հունվար ամսից, առաջին քայլը կատարեցեք ինքներդ և ընդմիջեք անձնակազմից մեկի հետ, ում հետ դեռ ծանոթ չեք՝ գոնե ամսվա մեջ մեկ անգամ։ Ամեն դեպքում բոլորն էլ ընդմիջում են, ինչո՞ւ չճաշել մեկի հետ, ով Ձեր շրջապատի հետ առընչություն չունի։
Սովորեք Ձեր հասակակիցներից
Աշխատավայրում Դուք շրջապատված եք խելացի մարդկանցով։ Միգուցե մի քանի հարկ ներքև գտնվող Ձեր գործընկերը հիանալիորեն կարողանում է շնորհանդեսներ, միջոցառումներ կազմակերպել, կամ նոր ընդունված աշխատակիցը տպավորիչ բիզնես վերլուծություն է անում։ Ժամանակ հատկացրեք և սովորեք նրանցից որոշ հմտություններ։ Նրանց հետ լավ հարաբերություններ ստեղծելով՝ միգուցե, նրանք իրենց թանկ ժամանակից կարողանան Ձեզ հատկացնել և որոշ մասնագիտական գաղտնիքներ սովորեցնել։
Հիշե՛ք, եթե ինչ-որ մեկը տրամադրում է իր ժամանակը և Ձեզ ինչ-որ բան է սովորեցնում, ապա ժլատություն մի՛ արեք, սովորեցրեք նրանց այնպիսի հմտություններ, որոնք Ձեր կարծիքով նրանց նույնպես պետքական կլինեն։
Մի՛ նյարդայնացեք փոքր բաներից
Ինչո՞ւ եք նյարդայնանում այնպիսի բաներից, որոնք չեք կարող կառավարել։ Այդպիսի բաները խլում են Ձեր ուրախությունը և դարձնում աշխատանքը տհաճ։ Շեշտը դրեք այն ոլորտի վրա, որտեղ Դուք ազդեցություն ունեք և կարող եք կառավարել իրավիճակը։ Հարցրե՛ք ինքներդ Ձեզ, թե որքանով է այդ մանրունքը կարևոր։ Շատ ժամանակ և էներգիա եք վատնում Ձեզ համեմատելով ուրիշների հետ, նյարդայնանալով նրանից, թե ով պետք է հանդիպումների ժամանակ առաջինը ելույթ ունենա կամ մտածելով, թե ինչու աշխատակիցը չժպտաց միջանցքում Ձեզ տեսնելիս։ Կյանքն ավելի հեշտ կդառնա, երբ փոքր բաները դադարեն ազդեցություն ունենալ Ձեզ վրա։ Ավելի լավ է կենտրոնանաք Ձեր աշխատանքի և դրա արդյունավետության վրա։
Օգտագործելով վերը նշված խորհուրդները գալիք տարում՝ Դուք ճանապարհ կհարթեք Ձեր կարիերայի հաջողության համար և կստեղծեք հարմոնիա աշխատավայրում։
Թո՛ղ 2017 թվականը լինի նոր նպատակի, նոր կյանքի ու նոր հաջողությունների տարի։
