Ավելի վաղ ձեզ հետ կիսվել էինք staff.am-ի կողմից մշակված HireBee.ai -ի ձեռքբերումներով։ Մեր deep-tech HR պրոդուկտն ընտրվել է Սիլիկոնյան հովտում մեծ ճանաչում ունեցող Berkeley Skydeck ծրագրի կողմից։
Ծրագրի մեկնարկից սկսած այս երեք ամիսների ընթացքում HireBee թիմն ինտենսիվ ներգրավված է եղել workshop-երում (սեմինար-քննարկումներ), ստարթափ համայնքի, ներդրողների հետ հանդիպումներում` միևնույն ժամանակ հասանելիություն ունենալով համալսարանի օնլայն կրթական և այլ տեխնոլոգիական հնարավորություններին: Այս ամենի շնորհիվ շարունակաբար կատարելագործվում է պրոդուկտն իր ողջ գործիքակազմով։ Ի դեպ, անպայման նշենք, որ պրոդուկտի զարգացումներին կարող եք հետևել HireBee Medium-ի մեր հարթակում, բաժանորդագրվել ու կիսվել ձեր կարծիքներով։
Իհարկե, ողջ ձեռքբերումները նաև թիմի միասնական ու համատեղ աշխատանքի արդյունք են, ինչին մոտիվացիայի նոր ալիք հաղորդեցին Skydeck ծրագրի շրջանակներում ԱՄՆ-ից, Մեքսիկայից, Սինգապուրից, Չինաստանից և Հնդկաստանից մեզ միացած Berkeley համալսարանի ուսանողները՝ որպես ինթերններ։
Բայց սա դեռ ամենը չէ, մենք ունենք ևս մեկ ուշագրավ նորություն։ Հունվարի 30-ին Berkeley Skydeck-ի կողմից անցկացվեց pitch (կարճ ելույթ) մրցույթ: Վերջինիս կարող էին մասնակցել ընտրված ստարթափներ, որոնց շարքում էր նաև HireBee-ն։ Նշենք, որ այն մեծ հավանության արժանացավ ծրագրի ղեկավարների և մյուս մասնակիցների կողմից։
ԻՍԿ Ի՞ՆՉ Է HIREBEE-Ն
HireBee-ն SaaS (Software as a Service) պրոդուկտ է, որն օգնում է փոքր և միջին կազմակերպություններին ավտոմատացնել հավաքագրման գործընթացը և մրցակցային դիրք գրավել շուկայում։
Քանի որ պրոդուկտը գլոբալ է, հաճախորդների աշխարհագրությունը նույնպես բավականին լայն է։
Արդեն HireBee-ից են օգտվում Հայաստանում և ԱՊՀ երկրներում գտնվող մի շարք առաջատար բանկային, վարկային, հեռահաղորդակցության, ՏՏ և այլ ոլորտների ընկերություններ։
Նոր սերնդի պրոդուկտն ամբողջովին լուծում է ռեքրութմենթի ոլորտում առկա խնդիրները՝ խնայելով թե՛ ժամանակ, և թե՛ ռեսուրսներ։
Վերջերս թողարկվեց նաև Google, Outlook և Zoom հարթակների հետ ինտեգրումը․ հնարավորություններ, որոնք համավարակի պայմաններում մեծ կիրառություն ունեն HR մասնագետների և ռեքրութերների կողմից։
Նշենք, որ Berkeley Skydeck ծրագրի տևողությունը վեց ամիս է, իսկ զարգացումները շարունակվում են 🙂 շուտով կվերադառնանք այլ նորույթներով։ Իսկ մինչ այդ կարող եք գրանցվել մեր վեբինարին, որի ժամանակ քննարկելու ենք մի շարք կարևոր թոփ HR-ական թեմաներ․
- Հավաքագրումը 2020-ից հետո, ինչպե՞ս լինել արդյունավետ,
- Որո՞նք են հավաքագրման թրենդները 2021-ին,
- Տեխնոլոգիական ի՞նչ լուծումներ է տրամադրում Hirebee.ai-ը, հավաքագրման նոր մարտահրավերներին ընդառաջ:
Վեբինարը տեղի կունենա փետրվարի 16-ին, ժամը 16:00-ին։
