Հետևելով մեր խոստումին՝ ահա և Ձեզ ենք ներկայացնում “Հայաստանյան գործատուների կողմից տրամադրվող բենեֆիթների փաթեթները” StaffBlog նախագծի 2-րդ մասը։ ՀՀ-ում ՏՏ ոլորտի զարգացմանը զուգընթաց մեծանում է նաև այն ընկերությունների թիվը, որոնք շատ մեծ կարևորություն են տալիս բենեֆիթներին և արտոնություններին, որոնք կապահովեն իրենց աշխատակիցների “ԿՅԱՆՔ – ԱՇԽԱՏԱՆՔ” բալանսը։
Ըստ 2017թ․ օգոստոսին 1000 հոգանոց ընտրանքով անցկացված staff.am հետազոտության, Հայաստանում աշխատանք փնտրողների 26,7%-ը նշում են, որ նոր աշխատանք ընտրելիս մեծ նշանակություն են տալիս այն բենեֆիթներին և առավելություններին, որ առաջարկում է Գործատուն, իսկ մեծամասնությունը (50% և ավելին) մեծ ուշադրություն են դարձնում աշխատանքային անձնակազմի պրոֆեսիոնալիզմին։
Այսպես, հետազոտության արդյունքները խոսում են այն կարևոր փաստի մասին, որ աշխատանք փնտրողները աշխատանք ընտրելիս հաշվի են առնում մի քանի կարևոր գործոններ, այդ թվում նաև գործատու ընկերության կողմից տրամադրվող բենեֆիթները։ Իսկ թե որոնք են այդ գործոնները և ինչ առաջնահերթությամբ են առաջնորդվում թեկնածուները, կարող եք դիտել մեր կողմից իրականացված վիճակագրական հետազոտությունում՝ “Վիճակագրական հետազոտություն գործատու ընկերությունների ընտրության հարցում թեկնածուների կողմից կարևորվող չափանիշների վերաբերյալ”:
Այսպիսով, հաշվի առնելով աշխատանք փնտրողների հետաքրքրության աճը գործատուների կողմից տրաամադրվող բենեֆիթների նկատմամբ, այս անգամ անդրադարձել ենք մեր լավագույն գործատուներից Synopsys Armenia, PicsArt, Optym Armenia, IU Networks, WIC WorldCom International Communications, Webb Fontaine, Aarki և 4H ընկերությունների կողմից տրամադրվող բենեֆիթներին և արտոնությունների փաթեթներին։
Սինոփսիսի տեխնոլոգիաները գտնվում են այնպիսի նորարարությունների սրտում, որոնք փոխում են մեր ապրելակերպն ու աշխատանքը. IoT, ինքնավար ավտոմեքենաներ, «Smart» բժշկական սարքեր, ապահով ֆինանսական ծառայություններ, մեքենայական ուսուցում և այլն: Այս առաջխաղացումներն են բերում մեզ մի այնպիսի դարաշրջան, որ Սինոփսիսում անվանում են` Smart, Secure Everything, որտեղ սարքերն էլ ավելի խելացի են, ամեն ինչ կապված է ներքին ցանցով, ամեն ինչ պետք է ապահով լինի, և տեխնոլոգիայի այս նոր դարաշրջանի դինամիկան առաջադեմ սիլիկոնային չիպերն են: Սինոփսիսը` Smart, Secure Everything– ի համաշխարհային առաջատարն է, սիլիկոնային չիպերի նախագծման, ստուգման, IP ինտեգրման եւ կիրառման անվտանգության ստուգման համար, իր լավագույն գործիքներով:
Սինոփսիս ընկերությունը սկսել է իր գործունեությունը Հայաստանում 2004 թ.-ից: Ունենալով ավելի քան 700 որակյալ հայ մասնագետ՝ Սինոփսիսը Հայաստանի ՏՏ ոլորտի խոշորագույն գործատուներից մեկն է, և իհարկե, ամեն կերպ հոգում է իր աշխատակիցների մասին` առաջարկելով հրաշալի բենեֆիթ փաթեթ:
Բժշկական ապահովագրություն, ոչ միայն աշխատակիցների, և նրանց անմիջական ընտանիքի այլ նաև ծնողների համար
Վճարվող “Sick Leave” օրեր
Բոնուսային համակարգ
Մասնագիտական զարգացման և կարիերայի աճի հնարավորություն
Մասնագիտական թրեյնինգներ. առցանց, լսարանային և արտերկրյա
Emploee Referral, Computer Donation, Welcome bag ծրագրեր
Առողջ ապրելակերպ քարոզող սպորտային փաթեթներ և միջոցառումներ
Կորպորատիվ սոցիալական պատասխանատվության միջոցառումներ
Ճկուն աշխատանքային գրաֆիկ ուսանողների համար
Անգլերեն լեզվի դասընթացներ
Գործուղումներ:
Հայ ծրագրավորողների կողմից ստեղծված ամերիկյան ընկերություն, որի լուսանկարների խմբագրման հավելվածից ամբողջ աշխարհում օգտվում են միլիոնավոր մարդիկ։ Այո՛, խոսքը PicsArt ընկերության մասին է, որի Picsart Animator հավելվածն այս ամիս ճանաչվել է լավագույններից մեկը Google Play-ում։ ֆոտոխմբագրման և նկարելու համար նախատեսված այս հավելվածի ծրագրավորման հիմքը դրվել է Հայաստանում հայ ծրագրավորողների և կրեատիվ մարդկանց կողմից, որոնց համար ընկերությունը տրամադրում է հիանալի բենեֆիթներ և արտոնություններ՝
Բժշկական ապահովագրություն
Վճարովի time off
Կրեատիվ միջավայր
Կարիերայի զարգացման հնարավորություններ
Լավ կատարողականության համար բոնուսներ
Ռեֆերալ բոնուսներ
Անգլերենի դասընթացներ
Սուրճ-թեյ-քաղցրավենիք
Մարզասրահից օգտվելու համար նախատեսված փաթեթներ
Յոգայի համար նախատեսված փաթեթներ
Մերսումների հնարավորություն
Մեքենայի կայանատեղի։
WIC WorldCom International-ը, որի գլխավոր գրասենյակը գտնվում է Մեծ Բրիտանիայում և ունի գրասենյակներ նաև Իսրայելում, Հայաստանում և Հոնկ Կոնգում, ոչ միայն ապահովում է թարմ, խելացի և նորարար լուծումներ հեռահաղորդակցության ոլորտում, այլ նաև գնահատում և կարևորում է իր թիմի յուրաքանչոյւր անդամին։ Երբ աշխատակիցները բավարարված են իրենց աշխատանքով, իրենք կարող են լիարժեք կատարել իրենց պարտականությունները։ Հաշվի առնելով այդ հանգամանքը, WIC WorldCom International ընկերությունն առաջարկում է մեծ փաթեթներ իր աշխատակիցներին, ինչն ապահովում է աշխատանքի շատ մեծ արդյունավետություն և բարձր որակ։
Վճարվող “Sick days”
Day off-ի հնարավորություն
Աշխատավարձի վերանայման ֆիքսված համակարգ
Միջազգային թիմի հետ բաց հաղորդակցման հնարավորություն
Մարզասրահից օգտվելու համար նախատեսված փաթեթներ
Բոնուսային ճկուն համակարգ
Անգլերենի դասընթացներ
Աշխատակիցների հավատարմության ծրագիր։
Optym Armenia-ն ԱՄՆ Ֆլորիդա նահանգում գտնվող Optym ընկերության մասնաճյուղն է: Ընկերությունը մասնագիտացած է տրանսպորտային ցանցերում օպտիմալացման ալգորիթմների և որոշումների կայացման համակարգերի մշակման գործում: Ընկերության խելացի ծրագրային լուծումները թույլ են տալիս տրանսպորտային ընկերություններին նվազեցնել ծախսերը, ավելացնել շահութաբերությունը և բարելավել սպասարկման որակը: Ընկերությունում աշխատում են մոտ 100 բարձրակարգ մասնագետներ, որոնք օգտվում են ընկերության կողմից տրամադրվող փաթեթներից։
Առողջապահական պրեմիում ապահովագրություն աշխատակիցների և նրանց ընտանիքի համար
Մարզասրահից օգտվելու հատուկ պայմաններ
Ֆինանսական աջակցություն մասնագիտական հմտությունների զարգացման և կարիերայի աճի համար
Պարգևավճարներ աշխատակիցներին թափուր հաստիքների համար թեկնածուներ առաջարկելու համար
Արտերկրում մասնագիտական կոնֆերանսներին մասնակցելու հնարավորություն
Կազմակերպության բաժնետոմսերի տրամադրում աշխատակիցներին
Գործուղումներ
Lunch and Learn քննարկումներ
Քաղցրավենիք, մրգեր, սուրճ, թեյ
Հանգստի և խաղերի համար նախատեսված սենյակ
Բոնուսներ աշխատակիցների ամուսնության և երեխաների ծննդյան կապակցությամբ
Լավ կատարողականության համար բոնուսներ:
4H-ը Հայաստանում գործող software ծրագրավորման ընկերություն է, որի հիմնական նպատակն է ստեղծել cloud based, առավելագույնս ճկուն, ամբողջովին ավտոմատացված թրեյնինգների պլատֆորմ։
Ընկերությունում աշխատելն առավել քան հաճելի է։ Այն ապահովում է դեմոկրատական և կրեատիվ պայմաններ՝ միևնույն ժամանակ հաշվի առնելով յուրաքանչյուրի գաղափարը և կարծիքը։ Իսկ 4H-ի տաղանդավոր և իրենց աշխատանքի մեջ հմուտ մասնագետներն օգտվում են մի շարք արտոնություններից և բենեֆիթներից՝
Challenging modeling problems
Ամբողջությամբ ավտոմատացված CI/CD միջավայր
Առողջապահական ապահովագրություն
Լեզվի և տեխնոլոգիական օնլայն դասընթացներ
Կարիերայի զարգացման լայն հնարավորություններ
Հատուկ բոնուսներ բարձր կատարողականության համար
Խելացի մասնագետների և հրաշալի թիմի հետ աշխատելու հնարավորություն
Ժամանակակից լուծումներով հարուստ, գրավիչ և տրամադրող աշխատավայր։
Շահութաբեր դառնալով իր հիմնադրման առաջին իսկ տարում` 2010 թվականին, Aarki ընկերությունը շատ կարճ ժամանակահատվածում գրավել է իր ուրույն տեղը գովազդային ոլորտում և Inc. 5000 ամսագրի կողմից ստացել “Ամենաարագ զարգացող ընկերություն” մրցանակը։ Aarki- ն գլոբալ ընկերություն է, որը գրասենյակներ ունի Մաունթին Վյուում, Նյու Յորքում, Մանիլայում, Տոկիոյում եւ Երեւանում։ Ընկերությունը կարևորում է իր աշխատակիցների հարմարավետությունը և անում ամեն հնարավորին բան, որպեսզի աշխատանքային մթնոլորտը լինի հաճելի, արդյունավետ և նորարար։
Խելացի գործընկերներ և մասնագիտական զարգացման, կարիերայի աճի հնարավորություն
Գործուղումներ արտերկիր
Հնարավորություն` ուղիղ ազդեցություն ունենալու ընկերության հաջողությունների վրա
Աշխատանքային ճկուն ժամանակացույց՛
Մրցակցային աշխատավարձ
Ֆինանսական հավելավճարներ (referal բոնուսներ, ամուսնության, երեխայի ծննդյան կապակցությամբ նվերներ)
Ծննդյան փարթիներ աշխատավայրում
Շա՜տ այլ արտոնություններ, ներառյալ անվճար լանչ, անսահմանափակ քանակությամբ ըմպելիքներ, քաղցրավենիք
Զվարճալի միջոցառումներ՝ թիմի կառուցմանն ուղղված խաղեր, կորպորատիվ միջոցառումներ։
Webb Fontaine ընկերությունը, որի գլխամասային գրասենյակը գտնվում է Շվեյցարիայում՝ Ժնևում, մասնագիտացած է Առևտրի և մաքսային համակարգերի մոդեռնիզացմանը խթանող տեխնոլոգիական լուծումների մշակման մեջ։ Իր մասնաճյուղերը ունենալով Եվրոպայում, Մերձավոր Արևելքում, Ասիայում և Աֆրիկայում`Հայաստանյան իր ներկայացուցչության աշխատակիցներին տրամադրում է “կյանք-բալանս” հավասարակշռությունը ապահովող բենեֆիթ փաթեթներով։
Մասնագիտական զարգացման միջավայր
Մասնագիտական թրեյնինգներին մասնակցելու հնարավորություն
Գործուղումներ
Առողջության ապահովագրություն
Անգլերեն լեզվի դասընթացներ աշխատանքային ժամերին
Սպորտային օրեր
Պարգևատրություններ կատարված աշխատանքի համար
13-րդ աշխատավարձ
Ուրբաթ օրերին կազմակերպվող “Happy Hour”
Թիմբիլդինգի և կորպորատիվ միջոցառումների կազմակերպում։
IU Networks ընկերությունը, հիմնադրվելով 2008 թվականին Հայաստանում, այժմ արդեն ունի մոտ 270 աշխատակիցներ: Առաջարկելով համակարգչային սարքավորումների մատակարարման և ծրագրային ապահովումների մշակման համալիր լուծումներ` «Այյունեթվորքս» ընկերությունը օժանդակում է մասնավոր և պետական կառույցներին՝ զարգացնելու իրենց գործունեությունն ու ապահովելու բարձր կատարողականը: «Այյունեթվորքս» ընկերությունը իր պատվիրատուներին առաջարկում է ծրագրային ապահովման մշակման, մատակարարման և համակարգի ինտեգրման, էլեկտրա–մոնտաժման և ցանցային լուծումների ծառայություններ: Իսկ որակյալ աշխատանքի գրավականը իր աշխատակիցներին տրամադրվող արտոնյալ աշխատանքային պայմաններն են՝
Աշխատանքային օրենսդրությամբ նախատեսված բոլոր պայմանները
Ուսուցում և մասնագիտական զարգացում ընկերության հաշվին
Մասնագիտական որակավորման քննությունների հատուցում
Տարվա լավագույն աշխատողների խրախուսում
Ճկուն աշխատանքային գրաֆիկ ուսանողների համար
Պարգևատրումներ
Բժշկական ապահովագրություն
Մարզասրահներից օգտվելու հատուկ պայմաններ
Սպորտային ակումբների գումարի հատուցում
«Յուքոմ» ընկերության ծառայություններից օգտվելու 50% զեղչ
Կորպորատիվ հեռախոսահամար (ամսեկան գումարի հատուցումով)
Ամենամյա արձակուրդից զատ՝ հավելյալ վճարվող ազատ օրեր
Ֆինանսական փոխառություն՝ հատուկ պայմաններով
Անգլերեն լեզվի դասընթացներ գրասենյակում
Կորպորատիվ միջոցառումներ, թիմբիլդնիգներ
Նորածինների համար պարգևատրում և նվերներ
Կինոպարկի տոմսերի 50% զեղչ
Մշակութային միջոցառումների տոմսերի տրամադրում
Սուրճ, թեյ, սեզոնային հյուրասիրություն։
Մեր լավագույն գործատու ընկերությունները անընդհատ համալրում են իրենց թիմը վառ անհատականություններով և նոր մասնագետներով, ուստի շարունակեք ակտիվորեն հետևել staff.am աշխատանքներին 2018 թվականը Ձեր ցանկալի աշխատանքով սկսելու համար։
Մեր գործընկեր մյուս ՏՏ ընկերությունների կողմից տրամադրվող բենեֆիթների մասին կարող եք տեղեկանալ StaffBlog “Հայաստանյան գործատուների կողմից տրամադրվող բենեֆիթների փաթեթները: Մաս 1”-ում։
