Ուսանո՞ղ ես և փնտրում ես վարձատրվող պրակտիկա․ Ֆիլիպ Մորրիսը մեկնարկել է InKompass 2022-ը

4577

«Ֆիլիպ Մորրիս Արմենիա»-ի PMI Science գիտահետազոտական կենտրոնը հայտարարում է INKOMPASS 2022 պրակտիկայի ծրագրի հայտերի ընդունման մասին։ Ուսանողների և նորավարտ մասնագետների համար սա կարիերան միջազգային ընկերությունում սկսելու հիանալի հնարավորություն է։ 

Այս տարի այն իրականացվելու է երկու ուղղվածությամբ՝ գիտական և բիզնես։ Այս փուլում կարող են դիմել այն ուսանողներն ու մասնագետները, ովքեր ցանկանում են աշխատել տվյալագիտության, նորարարության, նախագծերի համակարգման և այլ գիտական ուղղվածություններով։ Բիզնես ուղղվածության դիմումները կընդունվեն մի փոքր ուշ՝ աշնանը։ 

ԻՆՉՈ՞Ւ

INKOMPASS 2022 ծրագրի ընթացքում փորձնակները վեց ամիս շարունակ հնարավորություն կստանան աշխատել իրական բիզնես նախագծերի վրա՝ անհատական մասնագիտական ​​աջակցություն ստանալով մենթորների կողմից՝ ի դեմս PMI Science կենտրոնի աշխատակիցների, և վարձատրվել։

Ո՞Վ

INKOMPASS ծրագիրը նախատեսված է վերջին կուրսի ուսանողների կամ վերջին 4 տարվա ընթացքում համալսարանն ավարտած ուսանողների համար: Անգլերենի իմացությունը պարտադիր է: Միաժամանակ՝ հարկավոր է հանձնարարված խնդիրները լուծելու և ձեր գիտելիքները անընդհատ բարելավելու ցանկություն: Դիմորդները կարող են ծրագրին մասնակցության դիմումներ լրացնել հետևյալ բնագավառներում՝ 

  • տվյալագիտության
  • տվյալների վերլուծության
  • տեղեկատվական համակարգեր 
  • գիտության և այլն

ԻՆՉՊԵ՞Ս

Շատ պարզ. ծրագրի անդամ դառնալու համար անհրաժեշտ է լրացնել առցանց հայտ: Պահանջներին համապատասխանող մասնակիցները կհրավիրվեն հաջորդ փուլ՝ առցանց հարցազրույցների: Այնուհետև անհրաժեշտ է հանձնել թեստ՝ ձեր ունակություններն ու հմտությունները բացահայտելու համար: Հավաքագրման գործընթացի վերջին փուլը կլինի հավանական թեկնածուի գնահատումը: 

Հայտերն ընդունվում են մինչև 2022 թվականի մայիսի 31-ը ներառյալ: 

«PMI Science»-Ի ՄԱՍԻՆ 

Այս տարի, չորրորդ անգամ անընդմեջ Top Employers ինստիտուտը «Ֆիլիպ Մորրիս Արմենիա»-ն ճանաչեց Հայաստանի Լավագույն գործատու 2022: Միջազգային սերտիֆիկացումը վկայում է այն մասին, որ ընկերությունը  հիանալի աշխատանքային պայմաններ և մասնագիտական ​​զարգացման հնարավորություններ է ապահովում աշխատակիցների համար: 

PMI Science գիտահետազոտական կենտրնը Ֆիլիպ Մորրիս Ինթերնեյշլի հիմնած երեք կենտրոններից մեկն է՝ Շվեյցարիայի ու Սինգապուրի հետ միասին։ 

Կենտրոնն աշխատում է մի շարք առաջնային ուղղություններով, ինչպիսիք են՝ տվյալագիտություն, տեխնոլոգիաներ, նյութագիտություն, մտավոր սեփականություն, նորարարությունների կառավարում և այլն։ Գիտահետազոտական կենտրոնը որդեգրել է եզակի մոտեցում՝ աջակցելու Հայաստանում հետազոտական և կրթական էկոհամակարգին։ Այն համագործակցում է ավելի քան 125 հայ գիտնականների հետ։ Կենտրոնի աջակցությամբ 121-ից ավելի մագիստրատուրայի ուսանողների և 40-ից ավելի ասպիրանտների շնորհվել են կրթաթոշակներ, որոնք բավարար են ուսման ծախսերը հոգալու և հետազոտություն իրականացնելու համար։

Powered by staff.am.