2018թ․ ապրիլին staff.am կարիերայի հարթակի կողմից իրականացվել է <<ՀՀ աշխատաշուկայի վիճակագրական վերլուծություն>> վերջին 18 ամիսների ընթացքում հավաքագրված վիճակագրական տվյալների հիման վրա: Վերլուծության հիմքում գործատուների կողմից մեր հարթակում հայտարարված թափուր աշխատանքների տվյալներն են, օգտագործվել է 3,000-5,000 տող տվյալ, կախված ուսումնասիրության շրջանակից։ Հաշվի առնելով նախորդ հետազոտության տվյալները, կատարվել է նաև համեմատական վերլուծություն վերջին 6 ամիսների և նախորդ ժամանակահատվածի արդյունքների միջև։
Վերջերս նաև staff.am հարթակի միջոցով աշխատավարձերի վերաբերյալ անանուն հարցում էր կազմակերպվել, որին մասնակցել են ավելի քան 1,000 անհատներ՝ տրամադրելով տեղեկատվություն գործատուի, իրենց պաշտոնի և գործունեության ոլորտի և աշխատավարձի վերաբերյալ, նշելով, իհարկե, թե քանի տարվա փորձ ունեն այս ոլորտում։
Հիմնվելով վերը նշված տվյալների վրա՝ կատարվել է ուսումնասիրություն, որի նպատակն է հասկանալ՝ ՀՀ-ում որ ոլորտներում և ինչ աշխատանքային փորձով է հնարավոր վաստակել 300,000 դրամ և ավելի աշխատավարձ։
ՏՏ/ Ինժեներ
Ըստ ՀՀ-ում իրականացված աշխատավարձերի ուսումնասիրության, ՏՏ ոլորտում 3 և ավելի տարիների փորձ ունենալու դեպքում Ձեր աշխատավարձի չափը միջինում կգերազանցի 300,000 դրամի սահմանը:
Դիտել աշխատանքները
Նախագծերի/ Պրոդուկտի կառավարում
Գրեթե նույն պատկերը Նախագծերի/ Պրոդուկտի կառավարման ոլորտում է: Այս ոլորտի աշխատակիցները, ունենալով 2,5-ից 3 տարիների աշխատանքային փորձ, միջինում վաստակում են 300,000 դրամ և ավելի գումար: 
Դիտել աշխատանքները
Բանկային/ Ֆինանսական
Ֆինանսական ոլորտում, որպեսզի աշխատավարձը հատի 300,000 դրամի սահմանը, աշխատակիցը հիմնականում պետք է ունենա 4 և ավելի տարիների աշխատանքային փորձ:
Դիտել աշխատանքները
Մարքեթինգ/ Գովազդ/ PR
Մարքեթինգի ոլորտում 300,000 դրամ և ավելի աշխատավարձ ստանալու համար միջինում պահանջվում է 4 և ավելի տարիների աշխատանքային փորձ:
Մարդկային ռեսուրսների կառավարում
Գրեթե նույն պատկերն է Մարդկային ռեսուրսների կառավարման ոլորտում: Այստեղ Ձեզ անհրաժեշտ կլինի 4-6 տարիների աշխատանքային փորձ 300,000 դրամ և ավելի աշխատավարձ ստանալու համար:
Հաշվապահություն
Հաշվապահության ոլորտում վիճակագրական տվյալները փոքր-ինչ այլ են: Անհրաժեշտ է ունենալ միջինում 10 և ավելի տարիների աշխատանքային փորձ 300,000 դրամ աշխատավարձի շեմը հատելու համար:
Դիզայն/ Ճարտարապետություն
Նույն վիճակագրական տվյալները Դիզայն և ճարտարապետություն ոլորտում են: Աշխատակիցը 300,000 դրամ և ավելի աշխատավարձ ստանալու համար պետք է ունենա միջիում 10 և ավելի տարիների փորձ:
Վաճառք/ Սպասարկում
Վաճառքի և սպասարկման ոլորտում 300,000 դրամ և ավելի վաստակելու համար Ձեզ անհրաժեշտ կլինի 10 և ավելի տարիների աշխատանքային փորձ:
Ադմինիստրատիվ/ Օֆիսային
Գրեթե նույն պատկերը Ադմինիստրատիվ/ Օֆիսային ոլորտում է: Այստեղ նույնպես Ձեզնից կպահանջվի միջինում 10 և ավելի տարիների աշխատանքային փորձ 300,000 դրամ և ավելի աշխատավարձ ստանալու համար:
Ամբողջական և ոլորտային վիճակագրական վերլուծությանը կարող եք հետևել ստորև․
- Վերլուծության ամփոփ տարբերակ
- Տեղեկատվական տեխնոլոգիաներ․ ոլորտային վերլուծություն
- Ֆինանսաբանկային․ ոլորտային վերլուծություն
