Salary Radar՝ նոր ծառայություն staff.am-ից

Read in English

Ուրախ ենք հայտարարել մեր նոր ծառայության՝ Salary Radar-ի թողարկման մասին, որը մի քանի ամսվա քրտնաջան աշխատանքի արդյունք է։ Շարունակեք կարդալ Salary Radar-ի մասին ավելին իմանալու համար։

Ի՞նչ է Salary Radar-ը։

Մենք շարունակաբար ստանում ենք շուկայում առաջարկվող աշխատավարձի չափի մասին հարցումներ ինչպես մեր գործատու ընկերություններից, այնպես էլ աշխատանք փնտրողներից։
Salary Radar-ի միջոցով գործատուները և աշխատանք փնտրողները կարող են տեղեկացված լինել աշխատաշուկայում տարբեր մասնագիտությունների համար առաջարկվող վարձատրության դրույքներից։
Հաշվի առնելով այն հանգամանքը, որ ընկերությունների շրջանում անցկացվող աշխատավարձի հարցումները ժամանակատար են և ոչ այդքան արդյունավետ, իսկ անհատների շրջանում անցկացվող անանուն հարցումներն ապահովում են միայն մասնակի պատկեր շուկայի մասին, մենք հիմնվում ենք staff.am-ի տվյալների վրա՝ ապահովելով գործատուների, թափուր հաստիքների և թեկնածուների ամենամեծ բազան մեկ վայրում։

Ինչպե՞ս ենք մենք հավաքագրում տվյալները և ապահովում դրանց գաղտնիությունը։

Օրական կտրվածքով staff.am-ի միջոցով մշակվում են հարյուրավոր հաստիքների և հազարավոր դիմումների տվյալներ։ Հենց այս տվյալներն էլ լայնորեն կիրառվում են Salary Radar-ի հիմքում։ Մասնավորապես, նոր հաստիքի ստեղծման ժամանակ գործատուին առաջարկվում է տրամադրել տվյալ հաստիքի համար սահմանված զուտ աշխատավարձի չափը ՀՀ դրամով։ Ինչ վերաբերում է թեկնածուներին, ապա նրանք staff.am-ի միջոցով աշխատանքի դիմելիս նույնպես մուտքագրում են ակնկալվող զուտ աշխատավարձի չափը ՀՀ դրամով։ Մուտքագրված տվյալները գաղտնագրված են (encrypted) և ապահով։

Ինչպե՞ս օգտվել Salary Radar-ից:

    • Թեկնածուների համար` Salary Radar-ի օգնությամբ, աշխատանք փնտրողները հնարավորություն ունեն համեմատել իրենց ցանկալի աշխատավարձը ընկերության կողմից վճարվող աշխատավարձի հետ։ Տվյալ հաստիքի համար գործատուի կողմից սահմանված աշխատավարձը կոնֆիդենցիալ է, սակայն մենք հնարավորություն ենք տալիս ընդհանուր պատկերացում կազմել թե որքանով է համապատասխանում այն ձեր սպասելիքներին, և ինչպիսին են աշխատաշուկայի զարգացման միտումները աշխատավարձի չափով։
    • Գործատուների համար` Salary Radar-ը հնարավորություն է տալիս գործատուներին դարձնել աշխատավարձի պարբերական վերանայումներն առավել տվյալահեն, և օգտագործել մեր կողմից տրամադրված տեղեկատվությունը բենչմարքեթինգի համար։ Salary Radar-ի օգնությամբ գործատուները հնարավորություն են ունենալու նաև համեմատել հաստիքի համար սահմանված աշխատավարձը staff.am-ի միջոցով տվյալ հաստիքին դիմած թեկնածուի աշխատավարձային սպասելիքների հետ։ Եվս մեկ առավելություն գործատուների համար՝ Salary Radar-ի տվյալների միջոցով մենք կարող ենք տրամադրել աշխատաշուկայի պարբերական վերլուծություններ տվյալ պահին վճարվող միջին աշխատավարձերի, դրանց աճի և նվազման միտումների մասով։ Նման տեղեկատվությունը մեծ պահանջարկ ունի աշխատաշուկայում։

Ե՞րբ է ծառայությունը հասանելի լինելու և ինչպե՞ս կարող եմ օգտվել։

Մենք այս պահին տվյալների հավաքագրման փուլում ենք, ինչը նշանակում է, որ շատ շուտով հնարավորություն կունենանք թողարկել Salary Radar-ը և տրամադրել ծառայությունն իր ողջ ծավալով։
Անչափ կարևոր է staff.am-ից օգտվող յուրաքանչյուր ակտիվ գործատուի և թեկնածուի մասնակցությունը։ Դիմելով տվյալ հաստիքին որպես թեկնածու, կամ տեղարելով հաստիք որպես գործատու, ձեզանից կպահանջվի ընդամենը տասը վայրկյան ակնկալվող և սահմանված աշխատավարձի չափը մուտքագրելու համար։ Դրանով դուք օգնում եք ամբողջ աշխատաշուկային ունենալ կարևորագույն տվյալներ, որոնք պահանջված են շատերի կողմից։

Հարցերի դեպքում ուրախ կլինենք պատասխանել։ Զանգահարեք՝ 011 900 901 կամ hello@staff.am։