staffmedia.am-ը ամփոփում է աշնան առաջին ամիսը՝ արդեն հարազատ դարձած MND (Monthly News Digest) ձևաչափով։ Սեպտեմբերի MND-ի ընթացքում կայցելենք Աթենքի նոր և ընդարձակ գրասենյակ, կանդրադառնանք staff.am-ի մասնակցությանը Global Armenian Summit 2024-ին, կկիսվենք EasyDMARC-ի ֆանտաստիկ նորությամբ և կբացահայտենք Teleperformance Armenia-ն` որպես գործատու։
Դե ինչ, գնացի՜նք․․․
Աթենքի մարդկանց միավորող ու ջերմացնող գրասենյակը
«ՀՀ լավագույն գրասենյակներ» նախագծի շրջանակում այցելեցինք Աթենքի նոր, ընդարձակ և հարմարավետ գրասենյակ։ Ընկերությունը ստեղծել է աշխատակիցների հարմարավետությունն ու աշխատանքի գեղեցիկ և տրամադրող միջավայրն ապահովող բոլոր պայմանները։
Հետաքրքիր անվանումներով սենյակներ, լուսանկարներով զարդարված և խոսուն պատեր, բաց պատշգամբ և շատ այլ գրավիչ անկյուններ, որոնք անպայման տեսնել է պետք։ Այնպես որ առաջարկում ենք բաց չթողնել այս հետաքրքիր ֆոտոպատմությունը և անպայման աչքի անցկացնել մեր հոդվածը։
staff.am-ը մասնակցել է Global Armenian Summit 2024-ին
Սեպտեմբերի 17-20-ը ՀՀ սփյուռքի գործերի գլխավոր հանձնակատարի գրասենյակի կողմից Հայաստանում անցկացվեց Համաշխարհային հայկական 2-րդ գագաթնաժողովը (Global Armenian Summit 2024), որին այս անգամ ևս մասնակցել է staff.am-ը՝ ոչ միայն որպես կարիերայի առաջատար հարթակ, այլ արդեն որպես էկոհամակարգ։
Գագաթնաժողովի ընթացքում տարբեր ձևաչափերով քննարկվել են Հայաստանի և սփյուռքի արդի մարտահրավերներն ու խնդիրները, կայուն զարգացման հնարավորությունները, ներկայի և ապագայի կարևորագույն հարցերը։ Գագաթնաժողովը հիանալի հարթակ է գաղափարների փոխանակման և լուծումներ գեներացնելու համար։
EasyDMARC
Մեր գործընկեր EasyDMARC ընկերությունը ունեցել է 20 միլիոն ԱՄՆ դոլարի ներդրում, ինչը մեծ հաղթանակ է ոչ միայն ընկերության, այլև ՀՀ ստարթափ էկոհամակարգի համար:
Հայկական ծագման EasyDMARC ընկերությունը զբաղվում է կիբերանվտանգությամբ․ կանխում է ընկերությունների տվյալների արտահոսքը, պաշտպանում է նրանց ֆինանսական կորուստներից, էլեկտրոնային փոստի ֆիշինգային հարձակումներից և այլն։
Խորհուրդ ենք տալիս հետևել EasyDMARC-ի կարիերայի էջին staff.am-ում, որպեսզի բաց չթողնեք ընկերության հետ աճելու ձեր հնարավորությունը։
Teleperformance Armenia-ն՝ որպես գերմանախոս մասնագետների կարիերայի լավագույն ընտրություն
Ուշագրավ և իրենց ոլորտում առանձնացող գործատուներին բացահայտելու ճանապարհը այս անգամ մեզ տարավ Teleperformance Armenia։
Մեր այցի ընթացքում ընկերության թիմակիցների հետ զրուցել ենք Teleperformance Armenia-ի գործունեության, մասնագիտական և անձնային աճի հնարավորությունների, աշխատակիցներին տրամադրվող արտոնությունների, կարիերան սկսելու ճանապարհի և այլ հետաքրքիր մանրամասների մասին։ Այնպես որ, ձեզ սպասվում է հետաքրքիր և հնարավորություններով լի հոդված։
