Ժամանակակից աշխատաշուկայում հաջողության հասնելու համար կարևոր է ոչ միայն ունենալ որակյալ մասնագետներ, այլև հետևել նորարարական գործիքներին և ակտիվ համագործակցել ոլորտի առաջատար ընկերությունների հետ։ Այս սկզբունքով է առաջնորդվում staff.am-ը՝ ստեղծելով միջավայր, որտեղ բիզնես համայնքի ներկայացուցիչները կարող են համախմբվել, փոխանակվել փորձով և ծանոթանալ աշխատաշուկայի նորագույն լուծումներին։
Փետրվարի 27-ին, Ռամադա հյուրանոցում տեղի ունեցավ staff.am-ի բիզնես նախաճաշը, որը համախմբել էր տարբեր ընկերությունների ներկայացուցիչներին, որոնք հնարավորություն ունեցան անմիջական շփման միջոցով տեղեկանալ staff.am-ի 2025 թվականի միջոցառումների ծրագրին, ինչպես նաև նոր գործիքներին, որոնք նպաստում են հավաքագրման գործընթացի արդյունավետության բարձրացմանը։
Միջոցառման մասնակիցներին ողջունելիս staff.am-ի համահիմնադիր Լուիզա Ավետիսյանը նկատեց, որ ներկաները տարբեր ոլորտների ներկայացուցիչներ են՝ HR մասնագետներ, մարքեթինգի, վաճառքի, հաղորդակցության մասնագետներ, ինչը ևս մեկ անգամ փաստում է, որ staff.am-ն արդեն մեր գործընկերների կողմից ևս ընկալվում է ոչ միայն կարիերայի հարթակ, այլև լիարժեք էկոհամակարգ, իր բոլոր 4 ուղղություններով։
Համագործակցության նոր հնարավորություններ միջոցառումներով լի 2025թ․-ին
Հանդիպման ընթացքում մեր գործընկերներին ներկայացրինք 2025 թվականի միջոցառումների շարքը, որը ներառում է կոնֆերանսներ, միթափներ, քննարկում-հանդիպումներ, workshop-եր և նեթվորքինգ հնարավորություններ։ Միջոցառումները միտված են ոլորտի մասնագետների փորձի ու գիտելիքների փոխանակմանը, ինչպես նաև նոր գործարար կապերի հաստատմանը։
Խոսելով սպասվելիք միջոցառումների մասին staff.am-ի համահիմնադիր Լուիզա Ավետիսյանը ընդգծեց կազմակերպվող յուրաքանչյուր միջոցառման համար կրթական բաղադրիչի առկայության կարևորությունը։
Գործընկերության շրջանակներում ընկերությունները հնարավորություն կունենան ներկայացնել իրենց ապրանքանիշը, հանդես գալ որպես բանախոսներ կամ մասնակցել պանելային քննարկումներին՝ առավել սերտ կապ հաստատելով իրենց թիրախային լսարանի հետ։ staff.am-ի կազմակերպած միջոցառումները հիանալի հնարավորություն են ընձեռում տարբեր կազմակերպություններին ներկայացնելու իրենց բրենդը թիրախավորված լսարանին։
Խոսելով մեր գործընկերների կողմից ամենասպասված ամենամյա HR գալա միջոցառման մասին, Լուիզա Ավետիսյանը ընդգծեց․
Յուրաքանչյուր միջոցառում կազմակերպելիս մենք մեր առջև նպատակ ենք դնում ինքներս մեզ գերազանցել ամեն հաջորդ տարի։ Իսկ այս և նմանատիպ միջոցառումների նպատակը համայնք ձևավորելն է, որը երկարաժամկետ տքնաջան աշխատանք է պահանջում։
Նորարարական գործիքներ՝ հավաքագրման գործընթացի արդյունավետության բարձրացման համար
Հանդիպման երկրորդ հատվածում ներկայացրեցինք staff.am-ի նոր՝ AI Score և Actively Searching գործիքները, ինչպես նաև staff.am-ի և Repat Armenia-ի համագործակցության արդյուքնում ստեղծված նոր հարթակը։
AI Score-ը թեկնածուների արագ ֆիլտրման գործիք է, որը հաշված վայրկյանների ընթացքում հնարավորություն է տալիս ընտրել առավել համապատասխան դիմորդներին՝ խնայելով ժամանակ և բարձրացնելով հավաքագրման գործընթացի արդյունավետությունը։ Այս գործիքը հավաքագրման գործընթացում նվազեցնում է կարծրատիպային մոտեցումները։
Actively Searching-ը թեկնածուների բազայի հետ աշխատելու ֆիլտրման նոր հնարավորություն է։ Այս գործիքի միջոցով staff.am հարթակում ավելի քան 200,000 գրանցված թեկնածուների բազայից կարող եք պարզել, թե ովքեր են այս պահին ակտիվորեն փնտրում աշխատանք և անմիջապես կապ հաստատել նրանց հետ։
staff.am/repat հարթակը կամուրջ է հայրենադարձ մասնագետների և հայաստանյան գործատուների միջև՝ նպաստելով նրանց վերաինտեգրմանը տեղական աշխատաշուկայում։ Հարթակը տրամադրում է անվճար հնարավորություն ինչպես հայրենադարձ մասնագետներին՝ աշխատանք գտնելու, այնպես էլ գործատուներին՝ աշխատուժի ներգրավման համար՝ խթանելով փոխշահավետ համագործակցությունն ու մասնագիտական ներուժի իրացումը։
Հանդիպման արդյունքները հիմք են դնում նոր համագործակցությունների ձևավորման և աշխատաշուկայում նոր լուծումների կիրառման համար։
Դուք վայելեք միջոցառման լուսանկարները, իսկ մենք խոստանում ենք որ նման հանդիպումները մեր գործընկերների հետ լինելու են շարունակական և առավել հաճախակի ու հետաքրքիր։
