Staff.am թիմը չի դադարում անակնկալներ մատուցել իր հավատարիմ օգտատերերին։ Դեռ հունիս ամսին սկսած մեր նախաձեռնությունը դարձել է ավանդույթ։ Վերջերս առիթ ենք ունեցել այցելելու 10-ից ավելի ընկերություններ` նոր աշխատակիցների առաջին աշխատանքային օրվա առիթով մեր փոքրիկ նվերը հանձնելու և շնորհավորական խոսքեր ասելու համար։
Ստորև կներկայացնենք այն ընկերությունները, որոնք համալրել են իրենց թիմերը։
Concept Studio, Հրաչ, Web Developer
Ընկերությունը հիմնադրվել է 2012 թվականին և մինչ օրս առաջարկում է դիզայներական լուծումներ։
Ընկերության նոր անդամը Հրաչն էր: Թիմում մեզ ընդունեցին մեծ հաճույքով: Հաճելի էր լսել ևս մեկ դրական կարծիք staff.am հարթակի վերաբերյալ:
Clubsixteen – Լիլիթ, Content Manager
Ընկերությունը ներկայացնում է նորարարական քեշբեք համակարգ, որը մշակվել է ավելի քան չորս տարիների ընթացքում փորձառու ֆինանսիստների, ծրագրավորողների և գործարարների կողմից։ Թիմին էր միացել Լիլիթը՝ որպես կոնտենտի պատասխանատու: Այնուհետև Լիլիթից ստացանք դրական կարծիք թե՛ մեր թիմի պրոֆեսիոնալ աշխատանքի հետ կապված, թե՛ հարթակի արդյունավետության:
Ingo Armenia–Լուսինե, Call Center Specialist
Ինգո ապահովագրական ընկերության հեռախոսազանգերի կենտրոնի թիմին էր միացել Լուսինեն։ Ցավոք անձամբ առիթ չունեցանք հանդիպելու կապված աշխատանքային գրաֆիկի հետ:
Pixomatic – Ռազմիկ, Videographer
ընկերության թիմը համալրել էր Ռազմիկը, ով մինչ օրս ամենաերիտասարդ օգտատերն էր, որ staff.am-ի միջոցով աշխատանքի է ընդունվել: Նրա համար մեր այցելությունն իսկապես անակնկալ էր:
AMF Consulting Վարդուհի, Intern
Ընկերությունը մասնագիտացված է խորհրդատվական ծառայություններում: Թիմին որպես փորձնակ միացել էր Վարդուհին:
EY Armenia Դավիթ, Legal Consultant
Առիթ ունեցանք այցելել նաև «Էրնսթ ընդ Յանգ» ընկերության հայաստանյան գրասենյակ, որը մասնագիտացված է խորհրդատվական, աուդիտորական, հարկային և գործարքային ծառայությունների ոլորտում։ Դավիթի համար անակնկալ էր այցը, երբ աշխատակիցները տեղեկացրեցին, որ staff.am-ից հատուկ նվերներով սպասում են։
Radisson Blu Hotel, Yerevan, Փառանձեմ, Housekeeping Manager
Հանդիսանալով ոլորտի առջատարներից՝ Radisson Blu Hotel, Yerevan-ը ևս համալրել էր առկա թափուր աշխատատեղերից մեկը: Սիրով հանձնեցինք մեր նվերը և շտապեցինք հաջորդ ընկերություն:
Neotrans, Լիլիթ, Bookkepper-Cashier
Միջազգային բեռնափոխադրումներ իրականացնող ընկերության թիմին էր միացել Լիլիթը, ում համար կրկին անակնկալ էր մեր այցը:
Այցելելով վերը նշված բոլոր ընկերություններ՝ ուրախ էինք տեսնել, որ staff.am-ի միջոցով յուրաքանչյուր օգտատեր կարողանում է գտնել իր հետաքրքրություններին և հմտություններին համապատասխան աշխատանք:
