staff.am-ը մշտապես մեծ ուշադրություն է դարձնում մեր հայրենակիցների կողմից աշխատանքի որոնումը դյուրին և արագ դարձնելուն, ինչին էլ ուղղված են մեր ռեսուրսներն ու նվիրված աշխատանքը։
Միշտ արագ արձագանքել ենք զբաղվածության խնդիրներին, որոնք կապված են եղել, օրինակ, 2020թ. Բեյրութի պայթունով պայմանավորված հայրենադարձության հետ, 2020թ. պատերազմի հետևանքով արցախահայության տեղահանության, 2022թ. Ռուս-ուկրաինական պատերազմի հետևանքով ռուս ազգաբնակչության ռելոկացիայի և այժմ էլ Արցախից մեր հայրենակիցների բռնի տեղահանության հետ։
Այս անգամ staff.am-ը թողարկել է միասնական կարիերայի հարթակ, որը հասանելի է www.staff.am/artsakh հղմամբ։ Իհարկե, staff.am-ում հրապարակված հայտարարությունները վերաբերում են բոլոր աշխատանք փնտրողներին, սակայն այս առանձին Հարթակում ներկայացված են այն գործատուների աշխատանքի հայտարարությունները, ովքեր պատրաստել են հատուկ ծրագրեր աշխատանքում արցախահայության հնարավորինս արագ ինտեգրման համար կամ պատրաստ են ներգրավել նոր աշխատակիցների։
Աշխատանք հայրենակիցների համարՊայմանավորված արցախահայության բնակության վայրերով, ակտիվ աշխատանք ենք իրականացնում հատկապես մարզերում գործատուների հետ, որպեսզի տեղահանված հայրենակիցների համար աշխատանքի հայտարարությունները հրապարակեն միասնական հարթակում անվճար հիմունքներով։
Ինչպես նաև՝
Հավաքագրում ենք Արցախից տեղահանված մեր հայրենակիցների տվյալները, որոնք ունեն աշխատանքի կարիք https://forms.gle/macgbPNSv4dvfbX59
Գործատուներից հավաքագրում ենք համապատասխան աշխատանքի հնարավորությունների մասին տեղեկատվությունը https://forms.gle/Eywb1VJwVhGDzoZ49
Հավաքագրում ենք HR մասնագետների տվյալներ, որոնք պատրաստ կլինեն օժանդակել մեր թիմին խորհրդատվական կամ այլ աշխատանքներում https://forms.gle/AByugh6eYm84bbvk8
Այս պահին երեք ուղղություններով ունենք ակտիվ դիմումներ, աշխատանքի հայտարարությունների քանակը շարունակ աճում է՝ արդեն գերազանցելով 300-ը, իսկ մյուս կողմից մեզ դիմում են բավականին հմուտ, տարբեր ոլորտներում մասնագիտացած հայրենակիցներ։
Մասնակցում ենք նաև այլ քննարկումների, որոնք ուղղված են հայրենակիցների զբաղվածության ոլորտում ջանքերի և աշխատանքների միավորմանը էլ ավելի լավ արդյունք ապահովելու համար։
Այլ նախաձեռնություններով նույնպես կկիսվենք ընթացքում՝ ապահովելով մեր հայրենակիցների իրազեկվածությունը աջակցության ծրագրերին։
