“Մեր առաքելությունը մարդկանց երջանիկ տեսնելն է, երբ նրանք գտնում են սիրած աշխատանք կամ տաղանդավոր աշխատակից”,- այս առաքելությամբ staff.am-ը մուտք գործեց հայկական շուկա։ Այսուհետ աշխատանք փնտրելը, նոր աշխատակիցներ ներգրավելը, գործատու և մասնագետ փոխհարաբերությունները կիրականացվեն բոլորովին նոր գործիքներով։ Բացի կայքի ընձեռած ֆունկցիոնալ հնարավորություններից, կարելի է թվարկել նաև մի շարք առավելություններ, որոնց միջոցով staff.am-ը Հայաստանում մարդկային ռեսուրսների կառավարման ոլորտում աշխատակիցների փնտրման նոր մշակույթ ստեղծեց։
staff.am լոգոտիպն ու անվանումը նույնպես պատահականորեն չեն ընտրված, կրում են իրենց ուրույն իմաստն ու արտացոլում մեր սկզբունքները։
Գործընթացը հնարավորինս պարզեցված է, հարմարեցված շուկայի պահանջարկին, նույնիսկ առկա են գործիքներ, որոնք առաջին անգամ են կիրառություն ստանալու Հայաստանում։ Օրինակ, առանց որևէ աշխատանքի հայտարարության դիմելու անհատը կարող է ստանալ հարցազրույցի հրավեր գործատու ընկերության կողմից, եթե իր անձնական էջը լիարժեք լրացված է և համապատասխանում է գործատուի պահանջներին։ Կամ կարող է ստանալ աշխատանքի թիրախային ծանուցումներ իր կողմից ընտրված չափանիշներով (գործատու ընկերություն, բանալի բառ, կատեգորիա)։
Կայքում գործում է նաև հմտությունների՝ մասնագիտական և սոֆթ, գնահատման համակարգ։ Որակյալ ծառայություն մատուցելը և հմտությունների օբյեկտիվ գնահատումը մեր առաջնահերթություններն են։ Հաշվի առնելով նաև այն հանգամանքը, որ շատ հաճախ անհատները դժվարանում են օբյեկտիվորեն գնահատել իրենց հմտությունները, մենք առաջարկում ենք լեզվի իմացության և այլ մասնագիտական հմտությունների գնահատում staff.am-ի և գործընկեր կազմակերպության կողմից։ Թեստավորման արդյունքները դրական լինելու դեպքում, անհատի էջում արտացոլվում է՝ <<Հաստատված է staff.am-ի կողմից>> բեջը։
Եվ սա դեռ ամենը չէ: Մենք շարունակաբար բարելավելու ենք մեր կողմից մատուցվող ծառայությունները, ներկայացնելու ենք նոր ֆունկցիոնալ և հնարավորություններ: Հետևեք մեզ սոց. ցանցերում, բաժանորդագրվեք մեր StaffBlog-ին, իսկ ամենակարևորը գրանցեք Ձեր անհատական էջը staff.am-ում վերը նշված բոլոր հնարավորություններից օգտվելու համար:
Այցելեք staff.am գրանցվելու համար
