«Ինչ մասնագիտություն էլ ընտրես, ձգտիր այդ ոլորտում լինել լավագույնը», – Սյուզաննա Ենգիբարյան, Ալֆա-Ֆարմ, Մարդկային ռեսուրսների կառավարման դեպարտամենտի տնօրեն

1789

staff.am-ն այսօր զրուցում է ԱլֆաՖարմ դեղագործական ընկերության Մարդկային ռեսուրսների կառավարման դեպարտամենտի տնօրեն Սյուզաննա Ենգիբարյանի հետ:

Սյուզաննա, շատ ուրախ ենք այս հնարավորության համար, և հավատացած ենք, որ հաճելի և հետաքրքիր զրույց կունենանք:

Հարց 1. Ալֆա-Ֆարմ ընկերությունը բավականին մեծ աշխատակազմ ունի ինչպես Երևանում, այնպես էլ ՀՀ մարզերում: Կասեք խնդրեմ, ինչպե՞ս են տարբերվում նոր աշխատակիցներ փնտրելու և ընտրելու գործընթացները Երևանում և մարզերում, ինչպիսի՞ մարտահրավերներ ունեք այս տեսանկյունից: Արդյոք այն գործիքները, որոնք արդյունավետորեն աշխատում են Երևանում կիրառելի են նաև մարզերում բնակվող մասնագետների համար:

Ես ևս շատ ուրախ եմ մեր հանդիպման և մեր Ընկերությանը հատկացրած ուշադրության համար:

Այո՛, Դուք ճիշտ եք նկատել. մենք լայն տարածում ունենք Հայաստանի գրեթե բոլոր մարզերում և մոտ ապագայում դեռ ավելի ընդլայնվելու նպատակներ ունենք: Այս իմաստով մեզ համար շատ կարևոր է մարզերում [highlight color=”green”]կոմպետենտ ու պրոֆեսիոնալ անձնակազմի հավաքագրումը[/highlight]: Աշխատակազմի հավաքագրման պրոցեսներն ու ընթացակարգերը և´ Երևանում, և´ մարզերում կարելի է ասել գրեթե նույնն են, սակայն օգտագործվող մեթոդներն ու գործիքներն են տարբեր: Օրինակ, և՛ Երևանում, և՛ մարզերում աշխատանքը սկսում ենք թափուր հաստիքի հայտարարության տարածումից, և այս փուլում առանձնահատկությունը տարածման մեթոդների մեջ է, եթե Երևանում ավելի շատ կիրառելի են էլեկտրոնայcaptureին եղանակները, ապա մարզերում ավելի հաճախ աշխատում են տեղում փակցված հայտարարությունները: Հատկանշական է այն, որ սոցիալական ցանցերն ազդեցիկ են ինչպես Երևանում, այնպես էլ մարզերում:

Ընտրության ընթացակարգերը ևս ընդհանուր են և´ Երևանում, և´ մարզերում՝ թեստավորում, գնահատում: Իսկ ուսուցման հարցում, եթե խոսքը գնում է հեռավոր մարզերի մասին, և եթե հնարավոր չի լինում Երևանում կազմակերպել ուսուցումը, կիրառում ենք հեռակա ուսուցման եղանակը:

Հարց 2. Ի՞նչ խորհուրդ կտաք այն մասնագետներին, ովքեր ցանկանում են աշխատել Ալֆա-Ֆարմ ընկերությունում, մասնավորապես, ի՞նչ սկզբունքներով եք առաջնորդվում (1) թեկնածուների CV-ները դիտարկելու, (2) հարցազրույցի և (3) վերջնական ընտրության/ որոշումների կայացման փուլերում:

Ցանկացած հաստիքի համար ընկերությունն ունի աշխատանքի մշակված նկարագրեր և հստակ սահմանված պահանջներ: Եվ երբ թափուր հաստիք է հայտարարվում, մեր կողմից նշվում են այն հիմնական պահանջները, որոնց պետք է թեկնածուն բավարարի, որպեսզի դիտարկվի և հրավիրվի հարցազրույցի այդ հաստիքի համար:

Բնականաբար, կախված հաստիքից պահանջները տարբեր են ինչպես գիտելիքների, փորձի, այնպես էլ  հմտությունների առումով: Ինչ վերաբերում է դեղատներում աշխատելուն՝ [highlight color=”yellow”]պահանջը նաև ամրագրված է օրենքով[/highlight], և մենք անշեղորեն պահպանում ենք այդ պահանջը, այն է՝ դեղատանը կարող են աշխատել միայն որակավորված դեղագետներ ու դեղագործներ:  Դա նաև մեր հաճախորդների կողմից մեզ վստահության գրավականներից է: Բացի օրենքի պահանջից ու ֆորմալ կրթությունից, մենք ունենք մասնագիտական գիտելիքների գնահատման ու վերապատրաստման հստակ ընթացակարգ,  որն անցնում են մեր դեղատնային ցանցում աշխատել ցանկացող բոլոր թեկնածուները: Այն թեկնածուները, որոնք ունենում են նախնական ընտրության  շեմը հատող պարտադիր, բավարար գիտելիքներ, անցնում են լրացուցիչ վերապատրաստում ու խորհրդատվություն՝ ստանալու մեր դեղատներում աշխատանքի անցնելու համար անհրաժեշտ գիտելիքները:

Հարց 3. Ըստ Ձեզ, որո՞նք են այն 5 հմտությունները, որոնք կարևոր են երիտասարդ մասնագետների համար այսօր, և արդյո՞ք այդ հմտությունների ցանկն էական փոփոխություն է կրել վերջին 10 տարիների ընթացքում:

Նախ ուղղակի թվարկեմ մի քանի հմտություններ, որոնք իմ կարծիքով խիստ անհրաժեշտ են այսօրվա մասնագետներից մեծ մասին՝

  • արագ սովորելու և կողմնորոշվելու ունակությունը,downloaddownload
  • վաճառքի ու ազդեցություն գործելու ունակությունը
  • հաղորդակցման ու ներկայացման, բանակցելու հմտությունները,
  • ժամանակի և ժամկետների կառավարման ունակությունը,
  • համակարգչային ավտոմատացված համակարգերով աշխատելու ունակությունը:

Այս հմտությունները հատկապես այսօր ավելի մեծ կարևորություն են
ստանում սպասարկման ոլորտի արագ զարգացման, նոր ստանդարտների ձևավորման ու պահպանման պահանջներից ելնելով, նորագույն տեխնոլոգիաների արագ ներդրման տեմպերից ելնելով: Այս հմտությունների ցանկը եթե նույնիսկ վերջին տարիներին էական փոփոխություն  էլ չի կրել, ապա այսօր առավել ակտուալ է դարձել  դրանց պահանջը գործատուների կողմից, նույնիսկ երբեմն ավելի [highlight color=”blue”]մեծ կարևորություն է ստանում այս հմտությունների առկայությունը[/highlight], քան աշխատանքային փորձի առկայությունը:

Հարց 4. Դուք բավականին հարուստ փորձ ունեք HR ոլորտում, զբաղեցրել եք Մարդկային ռեսուրսների կառավարչի պաշտոններ տարբեր խոշոր ընկերություններում, հավատացած եմ, որ շատերին կհետաքրքրի, թե որն է Հայաստանում հաջողակ դառնալու գրավականը, նախապայմանները, ինչ հմտություններ են անհրաժեշտ, ինչպիսի դժվարություններ է պետք հաղթահարել և այլն:

Ես ընդհանուր կպատասխանեմ այդ հարցին, ոչ միայն HR Management-ի, այլև ցանկացած ոլորտում հաջողություն ունենալու համար իմ կարծիքով պետք է լինել շատ նպատակասլաց, հասկանալ ինչ ես ուզում և ուր ես գնում և [highlight color=”orange”]ձգտել առավելագույն արդյունքների[/highlight]:  Այստեղ ես մի փոքրիկ գաղտնիք բացեմ, դեռ մանկության տարիներից ինձ շատ հարազատ մարդուց ստացել եմ մի խորհուրդ, որն ինձ ամբողջ կյանքում ուղեկցել է՝ ինչպես մասնագիտության  ընտրության, այնպես էլ կարիերայի զարգացման բոլոր փուլերում, մինչև այս պահը, և կարծում եմ նաև այսուհետ. «Ինչ մասնագիտություն էլ ընտրես, ձգտիր այդ ոլորտում լինել լավագույնը»: Իհարկե դա բավականին բարդ հասանելի նշաձող է, բայց երբեք չպետք է դադարել: Իսկ լավագույն արդյունքներ ունենալու համար ես նույնպես դեռ երկար ճանապարհ ունեմ անցնելու:

benefitsofpharmacistԴժվարություններ, իհարկե, միշտ էլ լինում են հաջողության ճանապարհին, հատկապես ՄՌԿ համակարգի կայացման ներկա փուլում հայաստանյան ընկերություններում, երբ շատ ընկերություններում դեռևս պետք է «հիմնավորել ու ապացուցել ՄՌԿ ինստիտուտի գոյության իրավունքը»,  բայց հենց այդպես էլ կոփվում ու ուժեղանում ես որպես մասնագետ: Հաջողության նախապայմաններից կարևորագույններից են ինքնամոտիվացիան, պատրաստակամությունը, համբերատարությունը, համառությունը, աշխատասիրությունը:

«Ճիշտ չգնահատված չափազանց բարձր հավակնությունները» երբեմն խանգարում են երիտասարդ կադրերին  անցնելու մասնագիտական ձևավորման պատշաճ ուղի։

Նրանք  ուղղակի այլ ուղղություններ են ընտրում՝ չունենալով համբերություն ու խուսափելով դժվարություններից:

Եվ վերջապես ինչ աշխատանքի էլ լինես, պետք է միշտ փորձես ձեռք բերել ու սովորել այդտեղ առավելագույնը: Ես իմ  կարիերայի ընթացքում  շատ բարձր եմ գնահատում իմ բոլոր նախկին գործատուների դերը իմ մասնագիտական կայացման գործում, նրանցից յուրաքանչյուրը մեծ ներդրում է ունեցել իմ՝ որպես մասնագետի ձևավորման ու զարգացման գործում, և ես այսօր շատ շնորհակալ եմ նրանց, որ ունեցել եմ հնարավորություն անցնելու այդ ուղին:

Երբեմն աշխատանքի դիմող թեկնածուներից լսում ես. դուրս եկա աշխատանքից, որովհետև շատ էր ծավալը, ինձ հանձնարարեցին գործեր, որոնք իմ պարտականությունների մեջ չէին մտնում: Իսկ ես միշտ ուրախացել եմ, երբ ինձ վստահել են աշխատանք, որն իմ պարտականությունների մեջ չէր,  միայն այդպես կարող ես դուրս գալ  շրջանակներից ու աճել:

5. Եվ վերջում մի փոքր անձնական բնույթի հարց. արդյո՞ք կընտրեիք նույն մասնագիտությունը, եթե ամեն ինչ նորից սկսեիք: Եթե փոխեիք այն,  ի՞նչ մասնագիտական ոլորտ կընտրեիք:

Աշխատելով  ՄՌԿ ոլորտում և գործ ունենալով մեծ թվով  մասնագիտությունների հետ, նրանց  ֆունկցիոնալ նկարագրերի, պատասխանատվության ոլորտի, ես ինքս ինձ համար բացահայտեցի բավականին շատ հետաքրքիր մասնագիտություններ, որոնք կուզեի ավելի խորությամբ ուսումնասիրել:  Սակայն եթե նորից ընտրելու լինեի, միգուցե և նորից ընտրեի մարդկային ռեսուրսների կառավարումը:

Կարծում եմ ընկերության արդյունավետ կառավարման 2 կարևորագույն ուղղությունները մարդկային ռեսուրսների և ֆինանսների ճշգրիտ կառավարումն են: Այդ պատճառով, եթե, այնուամենայնիվ, փոխեի մասնագիտությունս, հավանաբար կընտրեի Ֆինանսների կառավարումը:


Զրուցեց
Նազելի Բադալյանը

Powered by staff.am.