Երբևէ ցանկացել ե՞ք կիսվել HR և կարիերայի ոլորտում Ձեր փորձով կամ ուղղակի ինչ-որ հետաքրքիր հարցի շուրջ քննարկում ծավալել, սակայն համապատասխան հարթակը հասանելի չի եղել։ Եթե այո, ուրեմն այս նորույթը Ձեզ համար է։
Մենք միշտ ողջունում ենք թարմ գաղափարները և մասնագիտական հարցերի շուրջ տարբեր տեսակետները, որոնք խորհրդատվական ուղեցույց են հանդիսանում մեր լսարանի համար և անչափ ուրախ ենք ներկայացնել StaffBlog մեր նոր նախագիծը` «Դարձի՛ր StaffBlog հեղինակ», որը ենթադրում է, որ Դուք նույնպես կարող եք ունենալ Ձեր հեղինակային հրապարակումը StaffBlog-ում՝ խոսելով HR ոլորտին առնչվող կարևոր թեմաների մասին։
StaffBlog-ը ներկայումս կարիերայի ոլորտում միակ մասնագիտական հարթակն է Հայաստանում, որը տեղեկատվություն է տրամադրում աշխատանք փնտրողներին և Գործատուներին աշխատաշուկայում առկա զարգացումների և նորությունների մասին։
Կիսվելով Ձեր մասնագիտական խորհուրդներով և ինչու չէ նաև փորձով՝ Դուք նաև անմիջապես Ձեր ներդրումն եք ունենում ՀՀ-ում աշխատանք և աշխատակից փնտրելու մշակույթի զարգացման գործում։
Ի՞նչ թեմաներով կարող են լինել հրապարակումները՝
Կադրերի կառավարման հիմնահարցերը,
Թեմաներ կարիերայի խորհրդատվության շուրջ, օրինակ՝ «Ինչպես սկսել առաջին քայլերն աշխատաշուկայում․ խորհուրդներ սկսնակ մասնագետներին»,
Գործատու ընկերություն ընտրելու մշակույթը․ ընդունելի և ոչ ընդունելի չափանիշներ։
Աշխատանքի դիմելու, CV և Cover letter ստեղծելու խորհուրդներ․
Թիմային աշխատանքի արվեստը․ ինչպես հասնել առավելագույն արդյունքի աշխատանքում,
Աշխատանք-կյանք հավասարակշռություն։
Թեմաներն իհարկե չեն սահմանափակվում վերոնշյալով․ HR ոլորտին առնչվող թեման կարող եք ընտրել ինքներդ և ներկայացնել մեզ, որի հաստատումից հետո արդեն կկազմակերպենք հաջորդող քայլերը։
Ո՞վ կարող է դառնալ StaffBlog հեղինակ
«Դարձի՛ր StaffBlog հեղինակ» նախագծին կարող են մասնակցել այն անձինք, ովքեր հետաքրքված են այս ոլորտով և սիրում են ստեղծել հետաքրքիր կոնտենտ, տիրապետում են աշխատաշուկայի վերջին զարգացումներին և կարող են կիսվել HR ոլորտին վերաբերվող թեմաներով։ Իսկ բոլոր մասնակիցներին մենք պատրաստել ենք հետաքրքիր անակնկալ նվեր staff.am-ի կողմից։
Կազմակերպչական
Հոդվածն անհրաժեշտ է ներկայացնել էլեկտրոնային տարբերակով, հայերեն լեզվով, որի առավելագույն չափը չպետք է գերազանցի 1,5 – 2 A4 ձևաչափի էջը։ Այնուհետև staff.am մարքեթինգ թիմի կողմից հաստատվելուց և խմբագրվելուց հետո կհրապարակվի StaffBlog Ձեր հեղինակային բաժնում և կտարածվի staff.am սոց․ էջերի միջոցով։
Հոդվածները պետք է լինեն օրիգինալ, չեն կարող լինել թարգմանություններ այլ աղբյուրներից, եթե հոդվածի որոշ մասերում օգտվել եք այլ աղբյուրներից, հղումները պարտադիր են։
Ինչպես մասնակցել նախագծին
Մասնակցելու համար սեղմեք «Մասնակցել» կոճակին և լրացրեք անհրաժեշտ ձևանմուշը, որից հետո մենք կապ կհաստատենք Ձեզ հետ։
Ձեր հեղինակային սյունյակը սպասում է Ձեզ StaffBlog-ում։ Հուսով ենք կօգտվեք այս հնարավորությունից, և կկիսվեք Ձեր փորձով և գիտելիքներով այս ոլորտում։
Անհամբեր սպասում ենք ?
