ՀՈԿ․ 8 | StaffLIVE Սարգիս Բազինյանի հետ․ Մինչբժշկական առաջին բուժօգնություն

46

Ցանկացած իրավիճակում աշխատավայրում, տանը, թե այլ հանրային վայրերում միմյանց հանդեպ հոգատար լինելն ու կյանքեր փրկելը մեզնից յուրաքանչյուրի գլխավոր խնդիրն ու նպատակն է՝ անկախ նրանից ծրագրավորող ենք, ֆինանսիստ, մեդիա փորձագետ, թե այլ մասնագետ։ Իսկ այս խնդրի լուծումը հնարավոր է միայն մինչբժշկական առաջին բուժօգնության կանոններին հետևելով։Այս առիթով staff.am #StaffLIVE առաջիկա նախագծի մեր հյուրը կլինի Հայաստանի Կրավ Մագայի Ֆեդերացիայի հիմնադիր, Կրավ Մագայի և անվտանգության միջազգային կարգի էքսպերտ, ՍԻԱՍ ակադեմիայի համահիմնադիր և փոխտնօրեն Սարգիս Բազինյանը, ով կկիսվի մինչբժշկական առաջին բուժօգնության և քաղաքացիական պաշտպանության մասին արժեքավոր գիտելիքներով։

StaffLIVE թողարկումը կվարի staff.am և HireBee համահիմնադիր Լուիզա Ավետիսյանը։ Հանդիպման ընթացքում քննարկվող գլխավոր թեմաներն են՝

  • Մինչբժշկական առաջին բուժօգնության կարևորությունն ու կանոնները,
  • Ինչպես օգնություն ցուցաբերել հրազենային կամ բեկորային վնասվածքների դեպքում,
  • Ինչից պետք է բաղկացած լինի սեփական անհատական օգտագործման դեղատուփը,
  • Աղետի ճամպրուկ․ պարագաներ, որոնք անպայման անհրաժեշտ է ներառել,
  • Տագնապի ազդանշան․ ի՞նչ անել։

Ովքե՞ր կարող են մասնակցել

StaffLIVE-ն օնլայն հանդիպում է բոլոր նրանց համար, ովքեր ցանկանում են ձեռք բերել մինչբժշկական առաջին բուժօգնության և քաղաքացիական պաշտպանության մասին գիտելիքներ ու հմտություններ։

Ինչպե՞ս մասնակցել

«StaffLIVE Սարգիս Բազինյանի հետ» հանդիպումը տեղի կունենա Facebook հարթակի միջոցով երկու փուլով՝ հիմնական քննարկում (մինչև 30 րոպե) և հարց ու պատասխան լսարանի հետ։Մասնակցության համար, պարզապես հաստատեք ձեր մասնակցությունը, փոխելով կարգավիճակը Facebook-ում (Going), և միացեք LIVE-ին։

Օրը՝ Հինգշաբթի, Հոկտեմբերի 8,

Ժամը՝ 18։30,

Հյուր՝ Սարգիս Բազինյան,

Թեմա՝ «StaffLIVE Սարգիս Բազինյանի հետ. Մինչբժշկական առաջին բուժօգնություն»: