ՀՈՒԼ․ 30 | StaffLIVE Սաթի Բոյաջյանի հետ «Թվային անձնական բրենդավորում» թեմայով

124

Անչափ ուրախ ենք մեկնարկելու staff.am-ի բոլորովին նոր ֆորմատով նախագիծը – StaffLIVE, որտեղ հրավիրված են մասնակցելու տարբեր ոլորտի պրոֆեսիոնալ մասնագետներ օնլայն քննարկում ունենալու կարիերայի և HR ոլորտի կարևորագույն թեմաներով։ Այսպիսով, հուլիսի 30-ին, ժամը 18:30-ին մեր առաջին StaffLIVE-ը  IE University ռեգիոնալ ներկայացուցիչ, Savanage Business Services-ի հիմնադիր և Գործադիր տնօրեն Սաթի Բոյաջյանի հետ է «Թվային անձնական բրենդավորում» թեմայով։ Օնլայն քննարկումը կվարի staff.am և HireBee համահիմնադիր Լուիզա Ավետիսյանը։

Ընթացիկ համաճարակի ֆենոմենի արդյունքում ձեր բրենդը ավելի արագ, քան երբևէ տեղափոխվեց օնլայն տիրույթ։ Իսկ սա նշանակում է, որ թվային հարթակում ձեզ պետք է ճանաչեն ճիշտ այնպես, ինչպես իրական աշխարհում՝ անկախ նրանից ձեռքսեղմման, թե ձեռքի տակ եղած տեխնիկայով են ձեզ հետ շփվում։ Այս նպատակով էլ որոշեցինք ձեզ հետ կիսվել թվային անձնական բրենդավորման տարբեր ոլորտներում ունեցած հզոր ազդեցության մասին մասնագետի խորհուրդներով։ 

Հիմնական թեմաները, որոնք կքննարկենք LIVE սեսիայի ժամանակ հետևյալն են՝

  • Փոփոխություն պարադիգմայում, ֆիզիկական ինքնության և թվային ներկայության միջև տարբերության չեզոքացում, 
  • Անձնական բրենդինգ բոլորի համար՝ ձեռնարկատերեր, կորպորատիվ առաջնորդներ և երիտասարդ մասնագետներ, 
  • Որն է ձեր ստեղծած արժեքի իրական խոստումը, 
  • Ինչպես ձևավորել անձնական բրենդ՝ հնարքներ և տեխնիկաներ, 
  • Ձեր թվային ներկայության և առօրյա գործունեության միավորումը։

Ովքեր կարող են մասնակցել․

Թեմայի քննարկմանը կարող են միանալ բոլորը (ձեռնարկատերեր, կորպորատիվ առաջնորդներ, երիտասարդ մասնագետներ), ովքեր հետաքրքրված են բացահայտելու անձնական բրենդավորման կարևորությունը և ստեղծելու սեփական իրական իմիջը թվային աշխարհում։ 

Ինչպես մասնակցել․

«StaffLIVE Սաթի Բոյաջյանի հետ» հանդիպումը տեղի կունենա Facebook հարթակի միջոցով երկու փուլով՝ հիմնական քննարկում (30 րոպե) և հարց ու պատասխան լսարանի հետ (30 րոպե)։ Մասնակցության համար, պարզապես ավելացրեք այս վիրտուալ քննարկումը ձեր օրացույցում և անմիջապես միացեք Facebook-յան էջում։

Այսպիսով, միացեք այս մեկժամյա հագեցած վիրտուալ հանդիպմանը և ստեղծեք ձեզ հատուկ թվային անձնական բրենդ։    

Օրը՝ Հինգշաբթի, հուլիսի 30, 

Ժամը՝ 18։30, 

Խոսնակ՝ Սաթի Բոյաջյան, 

Թեմա՝ «Թվային անձնական բրենդավորում»: