Թափուր աշխատատեղերի ուսումնասիրություն ըստ մասնագիտացումների և թափուր պաշտոնների․ ՄԱՍ 3

staff.am-ն իրականացրել է ՀՀ աշխատաշուկայի վիճակագրական վերլուծություն՝ վերջին մեկ տարվա ընթացքում հավաքագրված վիճակագրական տվյալների հիման վրա և ներկայացրել արդյունքները:

Այս հետազոտության շրջանակներում փորձել ենք պարզել թե թոփ 3 ամենապահանջված աշխատանքների կատեգորիաներում կոնկրետ ինչ մասնագիտացումների կարիք կա, և ինչպիսի թափուր պաշտոններ են հայտարարվել գործատուների կողմից: Մասնավորապես դիտարկվել է՝

 ՏՏ ոլորտի 10 ամենապահանջված մասնագիտացումները

 Մարքեթինգային բոլոր աշխատանքների բաշխվածությունն ըստ առավել նեղ մասնագիտացումների

 Ֆինանսաբանկային բոլոր աշխատանքների բաշխվածությունն ըստ առավել նեղ մասնագիտացումների:

Թոփ 10 թափուր աշխատատեղերը ՏՏ ոլորտում  (ընդհանուր ՏՏ կատեգորիայի մեջ զգալի կշիռ ունեցող)

 Վեբ դիզայն և ծրագրավորում մասնագիտացումն ամենահաճախ հանդպիող թափուր աշխատատեղն է գրանցել:

  PHP, Java և JavaScript տեխնոլոգիաներում մասնագիտացած աշխատակիցների կարքիը նույնպես զգալի մեծ է մեր աշխատաշուկայում, ինչը պայմանավորված է այս տեխնոլոգիաների բավականին մեծ տարածմամբ:

  Ակտուալ են նաև Նախագծերի կառավարման և պրոդուկտի մշակման/կառավարման մասնագիտացումները, որոնք նույնպես զգալի կշիռ ունեն ընդհանուր ՏՏ աշխատանքների մեջ:

Մարքեթինգային աշխատանքների բաշխվածությունն ըստ մասնագիտացումների

  Մարքեթինգային աշխատանքները գլխավորում է <<Մարքեթինգի մասնագետ>> թափուր աշխատատեղը: Իհարկե տարբեր ընկերություններում այս պաշտոնը զբաղեցնող մասնագետը կարող է ունենալ աշխատանքի տարբեր պարտականություններ, սակայն ընդհանուր առմամբ Մարքեթինգի ոլորտի բոլոր աշխատանքների 36%-ը Մարքեթինգի մասնագետն է կազմում:

  Երկրորդ տեղում է <<Մարքեթինգի ղեկավար/մենեջեր>> թափուր պաշտոնը, որը բոլոր Մարքեթինգային աշխատանքների 28%-է կազմում:

  Աճի տենդենց է գրանցում Սոց մեդիայի և առհասարակ թվային մարքեթինգի մասնագիտացումը: Բոլոր մարքեթինգային աշխատանքների 21%-ը հենց այս թափուր աշխատատեղի համար է:

  Եվ վերջում <<Վաճառք և Մարքեթինգ>> մասնագիտացումը, որը նույնպես կախված ընկերության ոլորտից կարող է ունենալ տարբեր պարտականություններ, սակայն հիմնականում մարքեթինգային գործառույթների և նաև հաճախորդների կառավարման պարտականությունների համախմբություն է:

Ֆինանսաբանկային աշխատանքների բաշխվածությունն ըստ մասնագիտացումների

  Ֆինանսաբանկային ոլորտում ըստ մասնագիտացումների գերակշռում է Վաճառք և սպասարկում թափուր աշխատատեղի համար տրամադրված հայտարությունները: Որպես աշխատանքի կատեգորիա այս մասնագիտացումը, Ադմինիստրատիվ և բեքոֆիսային ինչպես նաև Վարկային մասնագետի պաշտոնների հետ միասին կազմում են Ֆինանսաբանկային ոլորտի աշխատատեղերի մեծամասնությունը:

  ՏՏ մասնագետների կարիքը նույնպես զգալի է այս ոլորտում: Ընդ որում կարիք կա ինչպես ծրագրավորող ինժեներների, այնպես էլ ՏՏ անվտանգության, վեբ և գրաֆիկ դիզայնի, ՏՏ աջակցության և ՏՏ համակարգերի կառավարման մասնագետներ:

Ամբողջական նյութին կարող եք ծանոթանալ այստեղ։

ՀՀ աշխատաշուկայի վերաբերյալ staff.am-ի հետազոտության I, II և IV մասերին կարող եք հետևել ստորև նշված հղումներով։

ՄԱՍ 1  ՎԻՃԱԿԱԳՐԱԿԱՆ ՎԵՐԼՈՒԾՈՒԹՅՈՒՆ․ STAFF.AM ԿԱՐԻԵՐԱՅԻ ՀԱՐԹԱԿԻ ՀԻՄԱՆ ՎՐԱ ԱՇԽԱՏԱՇՈՒԿԱՅԻ ՎԵՐԼՈՒԾՈՒԹՅՈՒՆ
ՄԱՍ 2  ՈԼՈՐՏԱՅԻՆ ՈՒՍՈՒՄՆԱՍԻՐՈՒԹՅՈՒՆ
ՄԱՍ 4  ՍՈՖԹ ԵՎ ՄԱՍՆԱԳԻՏԱԿԱՆ ՀՄՏՈՒԹՅՈՒՆՆԵՐԻ ՎԵՐԼՈՒԾՈՒԹՅՈՒՆԸ