StaffBlog-ի այս նախագծի նպատակն է բոլոր մոտիվացված երիտասարդներին և ուսանողներին լիարժեք տեղեկատվություն տրամադրել տարբեր ոլորտներում առաջատար ընկերությունների ինթերնշիփային ծրագրերի մասին։ Ստորև ուրախ ենք ներկայացնել Synergy International Systems ընկերության ինթերնշիփային ծրագիրը։
[/one
Երևան, ՀՀ
ԻՆԹԵՐՆՇԻՓԱՅԻՆ ԾՐԱԳՐԻ ՄԱՍԻՆ
Ավելի քան 150 աշխատակից ունեցող ՏՏ ոլորտի առաջատար ընկերություններից Synergy Armenia ընկերությունը 1999թ․-ից լայնածավալ գործունեություն է ծավալում Հայաստանում։ Ընկերությունը մասնագիտացած է տեղեկատվական և վերլուծական համակարգերի ստեղծման մեջ, որոնք նպաստում են ավելի քան 65 երկրների կառավարությունների և միջազգային կազմակերպությունների աշխատանքի արդյունավետությանը՝ դարձնելով վերջիններիս արդյունքներն առավել թափանցիկ, իսկ մարդկանց կյանքը՝ առավել բարեկեցիկ։
Բացի այն, որ Synergy Armenia-ն իր գործունեությամբ նպաստել է Հայաստանի համար այսչափ կարևոր ոլորտի զարգացմանը, այն նաև մեծ ներդրում ունի նոր մասնագետների պատրաստման գործում: Այդ է փաստում ընկերության ամառային դպրոցը, որի շնորհիվ 2005 թվականից ի վեր կրթվում են համալսարանականները։ Ամառային դպրոցն անցկացվում է անվճար հիմունքներով։ Երկամսյա դասընթացները հրաշալի հնարավորություն են ընձեռում տեխնիկական ֆակուլտետների ուսանողներին՝ ձեռք բերելու պրակտիկ գիտելիքներ հետևյալ առարկաներից՝ MS SQL, Java, HTML/CSS, JavaScript, սովորել փորձառու մասնագետներից, խելացի ուսանողների կողքին, շատ ջերմ և ընկերական մթնոլորտում։
Ընկերության կարևորագույն առանձնահատկություններից մեկն էլ համարվում է այն, որ ընկերության ավագ սերնդի ներկայացուցիչները սիրով կիսվում են իրենց փորձով ավելի երիտասարդ ներկայացուցիչների հետ՝ օգնելով նրանց զարգացնել իրենց գիտելիքները։ Այստեղ աշխատակիցները նվիրված են իրենց աշխատանքին և իսկապես սիրում են այն, ինչ անում են: Իր ինթերնշիփային ծրագրի պատմությամբ մեզ հետ է կիսվում նաև Օլեգը, ով հաջողությամբ ավարտել է ամառային ինթերնշիփը և ստացել հիմնական աշխատանքի առաջարկ Synergy International Systems-ից։
«Մանկուց երազել եմ դառնալ ծրագրավորող։ Ինձ ծրագրավորողները միշտ թվացել են հանճարեղ մարդիկ։ Երբ լսեցի Սիներջիի ամառային դպրոցի մասին, հասկացա, որ դա հրաշալի հնարավորություն է` երազանքս իրականացնելու համար։ Ամառային դպրոցում ամեն օր մեզ համար նորույթ էինք բացահայտում։ Դասընթացը հիանալի սկիզբ էր յուրաքանչյուրիս համար։ Եթե դուք իսկապես մոտիվացված եք, պատրաստ եք անդադար սովորել և աշխատել ձեր ինքնազարգացման վրա, ցանկանում եք դառնալ լավ մասնագետ, ուրեմն Սիներջիի ամառային դպրոցը հենց ձեզ համար է, որտեղ միշտ սիրով կպատասխանեն ձեր հարցերին և կօգնեն անցնել բոլոր դժվարությունները»,– Օլեգ Հովսեփյան, Synergy International Systems ընկերության ամառային ինթերնշիփ ծրագրի մասնակից, այժմ՝ Software Developer։
ԻՆԹԵՐՆՇԻՓԱՅԻՆ ԾՐԱԳՐԻ ԱՌԱՎԵԼՈՒԹՅՈՒՆՆԵՐԸ
Անվճար ուսուցում,
Երկամսյա դասընթաց,
Վարպետաց դասեր այլ մասնագետների հետ,
Ամառային դասընթացի ավարտին հեքեթոնին մասնակցության հնարավորություն,
Դասընթացների ժամանակ ժամանցային խաղերից օգտվելու հնարավորություն՝ սեղանի թենիս, football, play station։
ԻՆԹԵՐՆՇԻՓԱՅԻՆ ԾՐԱԳՐԻ ԸՆԴՈՒՆԵԼՈՒԹՅԱՆ ՊԱՀԱՆՋՆԵՐԸ
Դիսկրետ մաթեմատիկա,
Բուլյան հանրահաշիվ,
Կոմբինատորիկա,
Հավանականության տեսություն,
Ծրագրավորման որևէ լեզվի տարրական իմացություն։
ԻՆԹԵՐՆՇԻՓԱՅԻՆ ԾՐԱԳՐԻ ՏԵՎՈՂՈՒԹՅՈՒՆԸ
2 ամիս1-3 ամիս4-6 ամիսԻՆԹԵՐՆՆԵՐԻ ՆՈՐ ՍԵՐՆԴԻ ՀԱՎԱՔԱԳՐՄԱՆ ԳՈՐԾԸՆԹԱՑՆ ԻՐԱԿԱՆԱՑՎՈՒՄ Է
Մրցույթի միջոցով, որին կարող են դիմել պահանջներին համապատասխանող թեկնածուները։
Մշտապես բաց հավաքագրման միջոցով, պարզապես անհրաժեշտ է լրացնել ձևաթուղթը ընկերության կողմից դիտարկվելու համար։
Համալսարանների և այլ ուսումնական հաստատությունների միջոցով։
ԻՆԹԵՐՆՇԻՓԻ ԾՐԱԳՐԻ ԱՎԱՐՏԻՑ ՀԵՏՈ ՄԱՍՆԱԿԻՑՆԵՐԻ ՔԱՆԻ ՏՈԿՈՍՆ Է ԱՆՑՆՈՒՄ ՀԻՄՆԱԿԱՆ ԱՇԽԱՏԱՆՔԻ
Ամառային դպրոցի հայտերն արդեն ընդունվուն են։ Կարող եք լրացնել այստեղ։
Դասընթացների տևողություն՝ Հուլիս-Օգոստոս
Դասերի ժամացուցակը՝ 9։00-13։00 բոլոր աշխատանքային օրերին։
Ծրագիրը հաջողությամբ ավարտած թեկնածուները սեպտեմբերին կարող են ստանալ հիմնական աշխատանքի առաջարկ և միանալ տեխնոլոգիական ոլորտի խոշորագույն ընկերության՝ Synergy-ի #tech թիմին։
Ի դեպ, ապրիլի 16-20-ը Synergy-ն մեկնարկում է իր ամենամյա ուսանողական շաբաթ ծրագիրը։ Մասնակից դարձեք այս կարևոր միջոցառմանը՝ ծանոթանալու տեխնոլոգիական ոլորտի հնարավորություններին և ժամանակակից միտումներին։
Հավատացած ենք, որ բոլոր երիտասարդների և շրջանավարտների համար, ովքեր առաջին քայլերն են կատարում իրենց կարիերայում, օգտակար կլինի <<Հայաստանյան ընկերություններում ինթերնշիփային ծրագրերը>> StaffBlog հատուկ նախագիծը։ Յուրաքանչյուր թողարկման ժամանակ անդրադառնալու ենք այն ընկերություններին, որոնք աշխատաշուկայում առանձնանում են իրենց ինթերնշիփային ծրագրի հաջողության պատմություններով։
