#ՏարինԱմփոփ Սինոփսիս Արմենիայի հետ․ 150-ից ավելի նոր թիմակից, պրոդուկտիվ հեռակա աշխատանք և ապագայի մեծ պլաններ

2441

Սինոփսիս Արմենիան  2021 թվականին ևս շարունակել է իր գործունեությունն ու համայնքային նախագծերը նույն ակտիվությամբ և արդյունավետությամբ, ինչ նախակովիդյան ժամանակ։ GirlsGoEngineering-ը, Միկրոէլեկտրոնիկայի Միջազգային Օլիմպիադան, Լավագույն ՏՏ ուսանողների Կրթական պարգևը Հայաստանի ՏՏ ոլորտի զարգացմանն ու գրավչության բարձրացմանն ուղղված՝ ընկերության կողմից իրականացվող նախագծերից մի քանիսն են միայն։ 

Սինոփսիս
GirlsGoEngineering

staff.am-ի #ՏարինԱմփոփ նախագծի շրջանակում  Սինոփսիս Արմենիայի ղեկավարներից Անահիտ Սարգսյանը (ASIC Physical Design Manager) և Միքայել Փիլոյանն (Sr A&MS Circuit Design Manager) ամփոփել են տարին՝ պատմելով իրենց թիմերի մասին։


Բարդ և յուրահատուկ 2021-ը

«2021 թվականը ամբողջ աշխարհի համար յուրահատուկ տարի էր: Այս առումով, կարող եմ նշել` Սինոփսիսի և իմ փոքր թիմի համար նույնպես: Իմ թիմը ձևավորվել է համավարակի ժամանակաշրջանում, երբ մեր աշխատակիցները աշխատում էին և շարունակում են աշխատել առցանց։ Այս մարտահրավերը հաջողությամբ դիմագրավվել է թիմային աշխատանքի արդյունքում: Թիմ բիլդինգները պարբերական են թիմի ոգին բարձր պահելու, ինչու չէ, միայն գործով չապրելու համար: Արդյունքում մենք հաջողությամբ ընդլայնել ենք մեր թիմը թե՛ Երևանում, թե՛ Գյումրիում», – նշում է Միքայելը։

Ըստ նրա՝ չնայած անսովոր աշխատանքային պայմաններին՝ 2021 թվականի ընթացքում մշակվել և հաճախորդներին են տրամադրվել բազմաթիվ հետաքրքիր և անհատական նախագծեր։

«Կա մի քանի լուրջ ձեռքբերում իմ թիմի կողմից, և, հավանաբար, ամենաուշագրավը նոր նախագծման/վերիֆիկացման համակարգին անցումն էր, որը կբարձրացնի բազմաթիվ թիմերի արտադրանքի մշակման արտադրողականությունը:

Մենք պատասխանատու ենք նորարարությունների համար։ Չնայած համաճարակային իրավիճակին, որը թույլ չի տալիս մեզ աշխատել գրասենյակում, թիմը մնաց լիարժեք ֆունկցիոնալ, երբեմն նույնիսկ ավելի արդյունավետ», – ասում է ընկերության Sr A&MS Circuit Design Manager-ը։

Սինոփսիս

150-ից ավելի նոր աշխատակից՝ Երևանում և Գյումրիում

Տարին ակտիվ էր նաև մասնագետների հավաքագրման ուղղությամբ։ Սինոփսիս Արմենիայի մեծ թիմին միացել է ավելի քան 150 աշխատակից Երևանում և Գյումրիում: Ընկերությունը հատկապես կարևորում է թիմում կանանց և աղջիկների ներգրավվածությունը, որն այսօր կազմում է մոտ 35%: 

«2021-ը եղել է բուռն տարի նոր նախագծերի տեսանկյունից, նաև թիմի ընդլայնման առումով: Մեր թիմն ընդլայնվել է նաև Գյումրիում։ Հուսով ենք՝ նման կերպով կշարունակենք 2022-ում ևս: Իսկ մեր նվաճումներից կարող ենք նշել աշխարհով մեկ սփռված բազում գոհ պատվիրատուները և առողջ աշխատանքային միջավայրը», – ասում է Անահիտը։

Աշխատանքը համավարակի պայմաններում՝ հեռակա, ապահով, հարազատների կողքին

«Թիմի համար հատկապես կարևոր էր ղեկավարության կողմից իր հանդեպ դրսևորած հոգատարությունն ու վստահությունը «կովիդյան նոր միջավայրում» գործող աշխատանքային պայմանների պարագայում:  Աշխատելով տնից, չլինելով անմիջական գրասենյակում՝  թիմն ապացուցեց, որ ճիշտ է գնահատում ժամանակի մարտահրավերները հնարավորինս արդյունավետորեն իրականացնելով դրված նպատակները։ Մեկ այլ կարևոր հաղթանակ էր անձամբ ինձ համար թիմում պահել առողջ, ընկերական միջավայր, երբ ունենք նոր աշխատակիցներ, բայց միևնույն ժամանակ չենք հաճախում գրասենյակ: Դա մեզ հաջողվել է», – նշում է Անահիտը։

Սինոփսիս

«Այս տարվա իմ կարևոր բացահայտումը կհնչի այսպես՝ փորձեք հավասարակշռել ձեր կյանքը՝ առավելագույնը ստանալու համար տրված ժամանակահատվածում: Սա կարող է շատ ընդհանրական հնչել, բայց սա շատ օգտակար է աշխատանքի մեջ, որպեսզի մենք կարողանանք գտնել կյանքի և աշխատանքի ավելի լավ հավասարակշռություն՝ միաժամանակ արդյունավետ և երջանիկ լինելու համար», – ասում է Միքայելը։

Նրա խոսքով՝ համավարակը թույլ է տվել վերլուծել և վերագնահատել իրենց ռեսուրսները և ավելի արդյունավետ ճանապարհներ գտնել հաղթահարելու մարդկային անմիջական շփման բացակայության հետ կապված դժվարությունները, հեռակա բարելավման և զարգացման հնարավորությունները․ «Այս առումով, իմ ըմբռնումն այն է, որ մենք երբեք չենք վերադառնա նախակովիդյան իրականությանը։ Հաջորդիվ, ամենայն հավանականությամբ, գերիշխող կլինի հիբրիդայինը, որն աճի ու զարգացման անսահման հնարավորություններ է տալիս»։

Անգամ համավարակով պայմանավորված խստացումների վերացումից հետո Սինոփսիս Արմենիայի թիմն ընտրեց տնից աշխատելու տարբերակը՝ առաջնայնություն տալով աշխատակիցների առողջությանը, անվտանգությանն ու wellbeing-ին։  

«Այս պայմաններում առավել կարևոր էր նաև անհրաժեշտ պահին գտնվել ընտանիքիդ, երեխայիդ կողքին, ինչն ավելի բարդ էր գրասենյակ հաճախելու պարագայում: Թեև դժվար է գտնվել տանը և ամբողջությամբ կենտրոնանալ աշխատանքի վրա, բայց հաջողությամբ հանձնված նախագծերը վկայում են այն մասին, որ ընկերության աշխատակիցները հաղթահարել են այդ խնդիրը։ Բարձր պատասխանատվության և ժամանակի ճկուն օգտագործման արդյունքում մենք կարողացանք ճիշտ բաշխել օրվա անհրաժեշտ պահին ընտանիքին հատկացված անհրաժեշտ ուշադրությունը: Հետկովիդյան աշխարհը թույլ կտա ունենալ ավելի ճկուն հիբրիդային աշխատելաոճ գրասենյակ վերադառնալուց հետո», – ասում է Անահիտը։

2 տարի տնից՝ առանց շփման պակասի և ինքնազարգացման հնարավորություններով

«Գրեթե 2 տարի աշխատելով տնից՝ շատ դժվար է աշխատակիցներին պահել մոտիվացված, քանի որ սոցիալական շփումն ու միջավայրը մեծ դեր են խաղում ոգևորվածության և մոտիվացման վրա: Լինելով թիմի ղեկավար՝ մեզ վրա մեծ պատասխանատվություն է դրված լրացնել այս բացը: Տարվա ընթացքում եղել ենք հետևողական մեր աշխատակիցների առողջության, ծագող խնդիրների հարցում։ Օնլայն հարթակներում պարբերաբար խաղեր ու միջոցառումներ էինք կազմակերպում։ 

Մեր թիմի անդամներն իրենք ենք ընտրում «Thumbs Up»  և «Excellence» մրցանակներին արժանի իրենց թիմակիցներին», – մանրամասնում է Անահիտը։

 «Մեր ընկերությունում պարտադիր է որոշակի ժամանակ հատկացնել ինքնազարգացման համար, ինչը մենք հաջողությամբ իրականացնում ենք առցանց հարթակների կամ փորձի փոխանակման հանդիպումների միջոցով: Սա չափազանց կարևոր է, քանի որ ես ունեմ սկսնակ աշխատակիցներ, և նրանց աճը մեծապես կախված է փորձի փոխանակման մոտեցումներից և ուսուցման մեխանիզմներից: Մեր առցանց թրեյնինգները հնարավորություն են տալիս նաև հաղորդակցվել մեր գործընկերների հետ Հայաստանից դուրս, զարգացնել այլ մշակույթների հետ շփման հմտությունները», – հավելում է Միքայելը։

2022-ի բարձր հավակնությունները

2022 թվականի համար ընկերությունը մեծ պլաններ ունի թե՛ թիմի աճի մասով, թե՛ նախագծերի իրականացման։

«2022-ի հավակնությունները սովորականի պես բարձր են։ Նախատեսում ենք, որ թիմը կաճի, կունենանք 2-3 անգամ ավելի շատ նախագծեր, ինչպես նաև կներմուծենք նոր տեխնիկական ուղղություններ և նորարարական լուծումներ», – նշում է Միքայելը։

«2022-ին թիմը մեծացնելու, նորանոր նախագծերի մեջ ներգրավվելու պլաններ ունենք, որոնց ուղղությամբ արդեն տարվում են համապատասխան աշխատանքներ: Թեև ներկայիս պայմաններում դա մի փոքր բարդ է կազմակերպել, բայց ջանք չենք խնայում հաջողության հասնելու և հայաստանյան մասնաճյուղն էլ ավելի արժեքավոր դարձնելու համար», – պատմում է Անահիտը։


Powered by staff.am.