staffmedia.am-ի «Տարին ամփոփ» հոդվածների շարքում այս անգամ պատմում ենք միջազգային խոշոր ընկերություններին թվային տրանսֆորմացիաների լուծումներ տրամադրող մեր գործընկերոջ՝ HackTech-ի մասին, իսկ ավելի կոնկրետ՝ անցնող տարվա ընթացքում HackTech-ի ունեցած նվաճումների և հաղթանակների մասին։
HackTech-ի 2023-ը շատ տպավորիչ է։ Եթե հաշվի առնենք, որ ՏՏ ոլորտի համար անցնող տարին մարտահրավերների պակաս չուներ, HackTech-ի ձեռքբերումները կրկնապակվում են։ Դե ինչ, սկսենք։
Մարտահրավերների հաղթահարում, ընդլայնվող թիմ, նոր գործընկերներ
Գաղտնիք չէ, որ դրամի կտրուկ արժևորումն ԱՄՆ դոլարի նկատմամբ իր բացասական ազդեցությունն ունեցավ ՏՏ ոլորտի վրա և այն դարձավ 2023 թվականի լուրջ մարտահրավերներից մեկը:
Հաշվի առնելով վերը նշվածը՝ կարող ենք այսօր միանշանակ արձանագրել, որ HackTech ընկերությունը պատվով հաղթահարեց այդ մարտահրավերը։ Ընկերությունը ոչ միայն չկրճատեց հաստիքները, այլ շարունակեց համալրել իր թիմը նոր տաղանդներով, ավելացնելով ևս 19 մասնագետ և հասնելով 75-ի։
Հատկանշական է, որ նման մարտահրավերներով լի տարում HackTech-ը ձեռք է բերել 4 նոր խոշոր միջազգային գործընկեր՝ ElToro, BL.INK, IronSide, FranchiseRamp: Կարևոր ենք համարում արձանագրել այն փաստը, որ բոլոր նոր համագործակցությունները եղել են գործընկերների ուղղորդումների միջոցով, ինչը, կարծում ենք, կատարված որակյալ աշխատանքի ամենախոսուն ապացույցն է։
Ժամանակակից AI արտադրանքներ, որոնք ձևավորում են ապագան
Ընկերությունը սկսել է իր առաջին AI նախագիծը, որը հիմնված է հաճախորդների աջակցության համակարգերից մինչև ավտոմատացված բիզնես գործընթացների վրա: Ընկերությունը կիրառում է այս գործիքներն իր արդյունավետությունը բարձրացնելու, ծախսերը նվազեցնելու և օգտատերերին ավելի անհատականացված փորձառություն տրամադրելու համար: HackTech-ն իր գործընկերներից մեկի համաֆինանսավորմամբ պատրաստվում է մտնել ԱՄՆ շուկա իր սեփական AI պրոդուկտով:
Կամրջող հաջողություն մեծ շրջանառությունների աճի պայմաններում
Այս տարվա ընթացքում HackTech-ը մեծացրել է շրջանառությունը՝ 1,6 միլիոն ԱՄՆ դոլարից հասցնելով այն 3 միլիոն ԱՄՆ դոլարի: Մեկ տարվա ընթացքում ընկերությունը վճարել է մոտ 700.000 դոլար հարկ:
Կիսվենք ընկերության ևս մի քանի հաջողությունով։
- Ընկերության 3 աշխատակից ձեռք է բերել PMI-ACP սերտիֆիկատներ։
- Ընկերության CPO-ն եղել է «European Product Summit 2023»-ի առաջին հայ մասնակիցը։
- Ընկերությունում շարունակական բնույթ են կրել «Առաջնորդության» հետ կապված workshop-երի կազմակերպումը:
- Ամեն տարի ընկերությունը կազմակերպում է ինթերնշիփեր և այս տարին ևս բացառություն չէր՝ եռամսյա ինթերնշիփի ավարտից հետո, երեք մասնակից աշխատանքի առաջարկի հնարավորություն ստացան և միացան HackTech թիմին։
HackTech-ի մասնակցությունը տարբեր նախագծերում
2023 թվականին ընկերությունն ակտիվ է եղել նաև տարբեր միջոցառումների ու նախագծերի մասնակցությամբ։
- HackTech-ը, լինելով Digitec Expo-ի հովանավոր և ապահովելով 2022 թվականի իր մասնակցությունը, գործատուի բրենդավորման տեսանկյունից ունեցել է բավականին մեծ հաջողություն:
- Ընկերությունը միացել է ԱՏՁՄ-ին որպես անդամ։
- HackTech-ը մասնակցել, ինչպես նաև կազմակերպել է երեք խոշոր սոցիալական նախագծեր՝ գույքի և տեխնիկայի նվիրատվություն Արմաթ ինժեներական լաբարատորիային, աջակցում ՈՄԱ «Գմբեթ2» նախագծին և աջակցություն արցախահայությանը։
Նոր գրասենյակ, որտեղ հանդիպում են նորարարությունը և ոգեշնչումը
Չէինք կարող ամփոփել HackTech-ի հաղթական տարին, առանց խոսելու ընկերության համար անչափ կարևոր և սպասված իրադարձության մասին։ 2023-ի կարևորագույն ձեռքբերումներից է նոր գրասենյակ տեղափոխվելը, որը յուրահատուկ է` մատնանշելով այն փաստը, որ գրասենյակի տարածքը վարձակալությամբ չէ: HackTech-ի համար երկար սպասված նոր գրասենյակի պաշտոնական բացումը տեղի ունեցավ դեկտեմբերի 8-ին՝ ընկերության համար շատ կարևոր գործընկերների մասնակցությամբ:
Թիմի և համայնքի զարգացում
Տարվա ընթացքում տեղի ունեցած միջոցառումներից ցանկանում ենք հատկապես մատնանշել HackTech-ի 8-ամյակի միջոցառումը, ինչպես նաև պատմամշակութային արժեքներ կրող պարբերական թիմբիլդինգները:
HackTech-ի թիմբիլդինգներից անմասն չեն մնացել նաև իրենց գործընկերները, որոնք Թայլանդից, ԱՄՆ-ից և Ռուսաստանից ժամանել են Հայաստան՝ թիմերի հետ ավելի ջերմ հարաբերություններ կառուցելու։
2024 թվականի նպատակները և սպասումները
HackTech-ի 2023 -ն ամփոփենք գալիք տարվա նպատակներով և սպասումներով։ Դրանք են.
- Էլ ավելի մեծացնել թիմը՝ ներգրավվելով մոտիվացված և տաղանդավոր երիտասարդների՝ հասնելով մինչև 100 թիմակցի
- Հասնել 5 միլիոն ԱՄՆ դոլար տարեկան շրջանառություն
- Դառնալ AWS-ի սերտիֆիկացված գործընկեր
- Ավելացնել սոցիալական ծրագրերը և համայնքային գործունեությունը
- Մասնակցել ոլորտի 5 միջոցառման
- Կազմակերպել 5 միջոցառում գրասենյակում։
Դե ինչ, staffmedia.am-ին մնում է միայն մաղթել այս երիտասարդ, խելացի և նպատակասլաց թիմին նորանոր ձեռքբերումներ, որպեսզի 2024-ը միասին ամփոփելիս բոլոր նպատակներն ու սպասումները տասնապատկված լինեն։
