staff.am-ում օնլայն CV կառուցելու առավելությունները և նրբությունները

Լավ կառուցված CV ունենալու, ինչպես նաև հարցազրույցների մասին մեր բլոգում խոսել ենք բազմիցս: Անդրադարձել ենք նաև սոցիալական մեդիայում սեփական բրենդը կառուցելու մասին, սակայն նման թեմաները միշտ արդիական են, իսկ դրանցում արծարծված խորհուրդներն ու դիտողությունները՝ օգտակար:

Այսօր քննարկելու ենք staff.am հարթակում օնլայն CV կառուցելու մասին, դրա նրբությունների և առավելությունների մասին: Դե սկսեցինք:

Ի՞նչ է օնլայն CV-ին

Գրանցվելով staff.am-ում որպես աշխատանք փնտրող` Դուք ստեղծում եք Ձեր օնլայն CV-ն աշխատանքի հայտարարություններին օնլայն դիմելու, ինչպես նաև անհրաժեշտության դեպքում Ձեր օնլայն CV-ին PDF ֆորմատով արտահանելու (download) համար: Ստորև ներկայացրել ենք օնլայն CV-ի և դրանից ստացված PDF ֆորմատով CV screenshot-ներ:

Ձեր օնլայն CV-ին կառուցելիս կարող եք տեղեկատվության մի մասը ներբեռնել Ձեր LinkedIn էջից, իսկ մնացածն արդեն լրացնել ինքներդ: Իսկ անձնական տվյալները լրացնելիս անհրաժեշտ կլինի տրամադրել մասնագիտական փորձի, կրթության և թրեյնինգների մանրամասները, լեզուների իմացությունը, հետաքրքրություններն ու ցանկացած հավելյալ տեղեկատվություն, որը Դուք կցանկանաք գործատուին ներկայացնել:

staff.am-ի միջոցով կառուցված CV-ն ունի շատ կարևոր առանձնահատկություն, դրանում Դուք կարողանում եք ներառել Ձեր մասնագիտական և soft հմտությունները: Սովորական CV-ում գուցե գործատուին տարօրինակ թվա այս ձևաչափով CV տեսնելը, սակայն staff.am –ում այս մոտեցումը միանշանակ ողջունվում է: Ավելին, մի քայլ առաջ գնալով, Դուք հնարավորություն եք ունենում գնահատել Ձեր մասնագիտական հմտությունները, իսկ շատ շուտով դրանք կկարողանաք նաև գնահատել staff.am-ի միջոցով: Եթե նկատել եք, աշխատանքի հայտարարություն տեղադրելիս գործատուները նույնպես նշում են պահանջվող մասնագիտական և soft հմտությունները, որի շնորհիվ համակարգը matching algorithm-ի միջոցով աշխատանքի և աշխատանք փնտրողի համապատասխանեցում է կատարում:

Որպես օրինակ, կարող եք բեռնել staff.am-ի օնլայն CV-ի այս նմուշը` Անի Անյան_CV

Ի՞նչ է էջի կամ օնլայն CV–ի լիարժեքությունը

Եթե արդեն ունեք անձնական էջ staff.am-ում, ապա նկատած կլինեք էջի լիարժեքություն, կամ անգլերենով Profile Completeness նշումը, ինչպես ներկայացված է նկարում.

Այստեղ նշվում է թե ինչքանով լիարժեք եք լրացրել Ձեր CV-ն՝ տրամադրելով անհրաժեշտ տեղեկատվությունը:

Եթե Ձեր անձնական էջի/օնլայն CV-ի լրաժեքությունը փոքր է 70%-ից, ապա Դուք չեք կարող դիմել աշխատանքի օնլայն, որի մասին համակարգը Ձեզ կտեղեկացնի: Ստորև ներկայացրել ենք պահանջվող տեղեկատվությունն ըստ տոկոսային կշիռների:

Մասնագիտական փորձ       25%
Կրթություն                              25%
Լեզուներ                                   15%
Հմտություններ                       15%
Հավելյալ մանրամասներ      5%
Էջի լուսանկար                        10%
Հետաքրքրություններ           5%

Խնդրում ենք առավելագույնս որակյալ կերպով լրացնել Ձեր օնլայն CV-ն, որը Ձեզանից կվերցնի ընդամենը մի քանի րոպե, սակայն կօգնի լավագույնս ներկայանալ պոտենցիալ գործատուին:

Ինչպե՞ս նկատվել գործատուների կողմից և ստանալ հարցազրույցի հրավեր

Այն անհատները, ովքեր կցանկանան նկատվել գործատուների կողմից staff.am-ի StaffSearch Engine թեկնածուների փնտրման համակարգով, պետք է ունենան առնվազն 70%-ով լրացված օնլայն CV և իրենց էջի կարգավորումներում Անձնական էջի տեսանելիություն մասում նշած լինեն «Տեսանելի»:  StaffSearch Engine համակարգի միջոցով գործատուն ընտրում է աշխատանքի համար անհրաժեշտ չափանիշներն ու պահանջները, իսկ համակարգն առաջարկում է լավագույն թեկնածուներին, ովքեր համապատասխանում են պահանջներին: Համապատասխանության դեպքում ընկերությունը հարցազրույցի հրավեր է ուղարկում թեկնածուին:

Ցանկանու՞մ եք նկատվել գործատուների կողմից: Ապա գրանցվեք staff.am-ում այսօր և լրացրեք լիարժեք օնլայն CV:

Լուսանկերներ. ինչպիսի՞ լուսանկար ընտրել

Եթե սովորական CV-ների վրա լուսանկարի առկայությունը ոչ միշտ է միարժեքորեն ընդունվում գործատուի կողմից, ապա օնլայն հարթակներում, ինչպիսին է նաև staff.am-ը, լուսանկարը շատ ցանկալի է: Ճիշտ ընտրված լուսանկարը կօգնի Ձեր օնլայն CV-ին առավել պրոֆեսիոնալ դարձնել ապագա գործատուի աչքերում: Լուսանկարի նկատմամբ կիրառվող պահանջների  մասին մենք մանրամասնորեն անդրադարձել ենք մեր Բլոգում – Լուսանկար CV-ի համար – արդյո՞ք ես ճիշտ եմ ընտրել:

Ինչպե՞ս դիմել աշխատանքի staff.am-ի միջոցով

staff.am-ում աշխատանքի կարող եք դիմել մի քանի եղանակով.
Եթե գործատուն ցանկանում է դիմումներ ընդունել միայն էլ-փոստի կամ հատուկ նշանակության ծրագրերի միջոցով (HR tools), ապա անհրաժեշտ է ուղղակի Ձեր CV-ին, որն ի դեպ կարող եք հեշտությամբ ստեղծել staff.am-ի միջոցով և արտահանել PDF ֆորմատով ուղարկել գործատուի էլ-փոստի հասցեին:

Եթե գործատուն ընդունում է դիմումներ նաև օնլայն staff.am-ի միջոցով, ապա կարող եք դիմել անմիջապես staff.am-ի միջոցով՝ սեղմելով «Դիմել հիմա» կոճակը:

Դիմել աշխատանքի staff.am-ի միջոցով, բայց որպես «հյուր»: Այս դեպքում Դուք պետք է ուղարկեք Ձեր CV-ին staff.am-ի միջոցով: Այսինքն ստացվում է վերը նշված երկու տարբերակների միքս։

Ինչ ձևով էլ որոշեք դիմել աշխատանքի, հիշե՛ք, որ գործատուն Ձեր մասին տպավորություն է կազմելու Ձեր CV-ից, կլինի դա օնլայն՝ staff.am-ի միջոցով, թե էլ․ փոստի միջոցով, կամ նույնիսկ տպված (hard copy), ընդ որում այդ ամենի համար Դուք ունենալու եք մի քանի րոպե:
[divider style=”solid” top=”20″ bottom=”20″]

Մաղթում ենք հաջողություն և խորհուրդ ենք տալիս հենց այսօր ստեղծել լիարժեք օնլայն CV staff.am-ում, եթե արդեն իսկ չունեք: