Հաջողակ աշխատանքային հարցազրույց ունենալ նշանակում է ճիշտ կերպով և ճիշտ արժեքով վաճառել Ձեր հմտությունները: Չնայած որ սեփական ուժերի վրա կենտրոնանալն ու հարցազրույցի բոլոր հարցերին տպավորիչ պատասխանելը կարող են շատ հեշտ թվալ, այնուամենայնիվ, կարևոր է նաև իմանալ, թե ինչը կարող է խոչընդոտել հարցազրույցի հաջող ընթացքին։ Սխալները կարող են մի աշխատանքի գին արժենալ։
Համոզվելու համար, որ չեք հիասթափեցնի Ձեր գործատուին, հաշվի առե՛ք այս հինգ սխալները և իմացե՛ք, թե ինչպես կարող եք խուսափել դրանցից։
Սխալ 1․Դուք ամեն ինչին ասում եք «այո՛»
Հաճախ մարդիկ կարծում են, որ շատ պատրաստակամ լինելը մեծացնում է աշխատանքի ընդունվելու հավանականությունը։ Բայց մշտական «այո»-ն այդքան էլ ճիշտ չէ։ Այդպես կարելի է վարվել, եթե խոսքը վերաբերվում է Ձեր առաջին աշխատանքին կամ պրակտիկային, երբ կարիերան սկսելու համար ամեն ինչի պատրաստ եք (նամանավանդ, երբ առաջարկվող աշխատանքը Ձեր ուժերից վեր է)։ Իրականում, ամեն ինչին համաձայնվելով, կարող եք այնպիսի տպավորություն ստեղծել, որ աշխատանքին դիմելիս չեք ծանոթացել Ձեր պարտականությունների հետ և հիասթափեցնել գործատուին։
Այսպիսով, պետք է ազնվորեն խոսել մասնագիտական կարևոր հմտությունների մասին և, եթե կան որոշ բաներ, որտեղ թերանում եք, ապա ցույց տվեք սովորելու պատրաստակամություն։
Օրինակ, staff.am-ում աշխատանք փնտրողները լրացնում են իրենց օնլայն CV-ն և նշում իրենց հմտությունների և գիտելիքների տիրապետման մակարդակը։ Իսկ մենք հնարավորություն ենք տալիս գնահատել նշված մասնագիտական հմտությունները՝ այդպիսով օբյեկտիվորեն ներկայանալով պոտենցիալ գործատուներին:
Այցելե՛ք staff.am/verify ծանոթանալու, թե ինչպես կարող եք գնահատել Ձեր հմտությունները:
Սխալ 2. Դուք ցույց եք տալիս, որ բարելավվելու կարիք չունեք
Անկախ նրանից, թե ինչ մասնագիտություն ունեք և թե ինչքան փորձառու եք, երբեք չպետք է ասել, որ ամեն ինչ գիտեք։
Գործատուները փնտրում են մարդկանց, ովքեր պատրաստ են հարմարվելու և զարգացնելու իրենց հմտությունները ընկերությունում։ Թեկնածուն, որն այլևս աճելու տեղ չունի, դժվար թե կարողանա արժանանալ գործատուի հավանությանը։
Բայց այդ ամենևին չի նշանակում, որ չպետք է հպարտ լինել սեփական կարիերայով։ Խոսեք Ձեր գիտելիքների մասին, ներկայացրեք, թե ինչպես կարող եք ներդնել Ձեր հմտությունները և գիտելիքներն աշխատանքն ավելի լավ կատարելու համար։ Ահա այսպես կկարողանաք համոզել գործատուին, որ Դուք արժանի թեկնածու եք։
Եկեք խոստովանենք, որ ոչ ոք էլ չի սիրում ամենագետներին: 🙂
Սխալ 3. Դուք անչափ շատ եք նախապատրաստվում հարցազրույցին
Չնայած որ հարցազրույցին նախապես պատրաստվելը շատ կարևոր է հաջողության հասնելու համար, չի կարելի թաքցնել, թե էությամբ ինչպիսի մարդ եք իրականում։ Այսպիսով, փորձել բառ առ բառ գործատու ընկերության մասին ամեն ինչ հիշել և յուրաքանչյուր հարցին պատրաստի պատասխան ունենալ, հարցազրույցին ներկայանալու լավ մոտեցում չէ։
Հարցազրույց անցկացնողը ցանկանում է իմանալ, թե ինչ բնավորություն ունեք, ինչպես եք կարողանում պատասխանել տարբեր հարցերին: Գործատուն ակնկալում է սահուն զրույց ունենալ Ձեզ հետ, այլ ոչ թե արդեն նախապես պատրաստված հարց ու պատասխան։
Սխալ 4. Դուք անցնում եք անձնականի
Ձեր հմտությունները և փորձը ներկայացնելը հիանալի է։ Բայց, օրինակ, Ձեր նախկին տնօրենի հետ 
ունեցած փոքրիկ վեճի մասին խոսելը լավ չէ։ Անկախ ամեն ինչից հարցազրույցի ընթացքում անձնական թեմաներից խոսելը կնվազեցնի աշխատանքի ընդունվելու Ձեր շանսերը։ Ինչքան էլ որ հարցազրույցը սահուն և մտերմիկ մթնոլորտում ընթանա, այն չպետք է շեղվի մասնագիտական ձևաչափից։
Սխալ 5. Դուք ասում եք, որ պերֆեկցիոնիստ եք
Երբ Ձեզ հարցնում են, թե որն է Ձեր թույլ կողմը, ապա Ձեր պատասխանն անչափ կարևոր է։ 
Անկախ նրանից, թե ինչ աշխատանքի համար եք Դուք հարցազրույցի եկել, այս հարցն ամեն պահ կարող է ծագել, ինչը նշանակում է, որ պետք է պատրաստ լինել լիարժեք պատասխանելուն։ Պերֆեկցիոնիստ երևալու և քեզ անսխալական ցույց տալու փոխարեն խոսեք Ձեր թույլ կողմերից մեկի մասին։ Ցույց տվեք, որ չնայած դա հիմա թույլ կողմ է, այն հետագայում կարող է ուժեղ կողմի վերածվել։ Այդպես տպավորություն կստեղծվի, որ այդ ընկերությունը հնարավորություն կընձեռի Ձեր հմտություններն ավելի բարելավելու համար։
Վերը ներկայացված նյութն առավել մանրամասն քննարկվելու է մարտի 2-ին կայանալիք #LoftHRClub հանդիպմանը, որտեղ Ձեզ գործնական խորհուրդներ կտրամադրվի, թե ինչպես գտնել աշխատանք, ինչ ներառել ռեզյումեի մեջ, ինչպես ներկայանալ հարցազրույցին և պատասխանել ամենակարևոր և հաճախ հանդիպող հարցերին:
Անհամբերությամբ սպասում ենք Ձեզ։ Գրանցվեք և հրավիրեք նաև Ձեր ընկերներին։ 🙂
