Staff.am –ում մեծ նշանակություն ենք տալիս շարունակական կրթությանն ու հմտությունների բարելավմանը: Ըստ մեր խորին համոզման` 21 -րդ դարում այլևս չկան մասնագիտություններ, որոնցում հնարավոր է հմտանալ մեկ անգամ և աշխատել նույն գիտելիքներով հավետ: Իհարկե կախված մասնագիտությունից, շարունակական կրթությունը կարող է շատ կամ քիչ կարևորություն ունենալ, բայց դրա կարևորությունը հնարավոր չէ իսպառ բացառել:
staff.am-ում ներկայացնում ենք բաժին, որտեղ պարբերաբար թարմացնում ենք ինչպես տեղական ընկերությունների կողմից մատուցվող մասնագիտական թրեյնինգներ, այնպես էլ աշխարհի առաջատար համալսարանների կողմից մատուցվող օնլայն թրեյնինգներ: Բոլոր թրեյնինգները ընտրվում են մեր խմբագրի կողմից, ով նախապես հավաստիանում է դրանց արդիականության և օգտակարության մեջ:
Ստորև առանձնացրել ենք 6 հետաքրքիր ոլորտ, որտեղ առկա թրեյնինգները կօգնեն Ձեզ ձեռք բերել նոր գիտելիքներ, հմտություններ և ինչու չէ, սկիզբ դնել նոր և բարձր պահանջարկ ունեցող մասնագիտությունների:
1․ Ծրագրավորում
Ծրագրավորողների նշանակությունը գնալով էլ ավելի լուրջ տեղ է զբաղեցնում գրեթե ցանկացած բիզնեսում։ Ըստ Էլեկտրոնային տվյալների հավաքագրման (EDC) կազմակերպության կողմից կատարված ուսումնասիրության, մինչև 2023 թվականը ծրագրավորողների թիվը կհասնի 27,7 մլն-ի, իսկ մասնագետները կշարունակեն լինեն պահանջված։
2․ Մարքեթինգ/Գովազգ/ PR
Եթե Դուք գործի բերումով զբաղվում եք շուկայում բիզնեսի առաջխաղացմամբ, սակայն չունեք համապատասխան հիմնավոր կրթություն կամ գիտելիքներ, ապա այս թրեյնինգներն անհրաժեշտ են Ձեզ։ Դրանց շնորհիվ Դուք ձեռք կբերեք հիմնավոր գիտելիքներ և հմտություններ՝ կազմակերպության մարքեթինգային ռազմավարության ստեղծման և իրականացման համար։
3․ Վեբ/գրաֆիկ դիզայն
Վերջին տարիներին Դիզայնը դարձել է այսօրվա աշխատաշուկայի ամենապահանջված մասնագիտություններից մեկը: Նկատի ունենալով այս փաստը՝ մենք առանձնացրել ենք թրեյնինգներ, որոնք կօգնեն Ձեզ ստանալ նոր և շատ արդիական մասնագիտություն:
4․ Պրոդուկտի/Նախագծերի կառավարում
Եթե ցանկանում եք ավելի մանրամասն ուսումնասիրել Նախագծերի Կառավարման (ՆԿ) հիմնական տերմինաբանությունը, ինչպես նաև կիրառել ՆԿ հիմնական գործիքները և մեթոդները` ուղղված թիմի արդյունավետության բարձրացմանը, ապա առանձնացված դասընթացները հենց Ձեզ համար են:
5․ Վաճառքի/սպասարկման կազմակերպում
Ցանկացած ընկերության հաջողությունը ուղղակիորեն կախված է վաճառք և հաճախորդների սպասարկում իրականացնող աշխատակիցների գիտելիքներից և հմտություններից: Եթե ցանկանում եք վստահ լինել, որ տիրապետում եք վաճառքի արդյունավետ գործիքներին և կարող եք ավելացնել յուրաքանչյուր հաճախորդից ստացվող եկամուտը` միաժամանակ նպաստելով հաճախորդի հավատարմությանը, ապա այս ինտերակտիվ դասընթացները Ձեզ համար են:
6․ Տվյալների վերլուծություն
Թվային տեխնոլոգիաների այս դարաշրջանում արհեստական բանականությունն օրեցոր զարգանում է և մեծ կիրառություն ունի հայաստանյան առաջատար ՏՏ ընկերություններում։ Ճիշտ ժամանակն է օգտվել մեր հարթակից և ուսումնասիրել Տվյալների վերլուծության թրեյնինգները:
