Առաջատար տեխնոլոգիաների ձեռնարկությունների միությունը (ԱՏՁՄ)-ն նշեց իր նորամուտը COWO Meridian: Գրասենյակի նորամուտին ներկա էին ԱՏՁՄ վարչության անդամներ, ԲՏԱ և Էկոնոմիկայի նախարարության ներկայացուցիչներ, տեխնոլոգիական ոլորտի 20-ից ավելի ընկերություն, տեխնոլոգիաներով հետաքրքրված հյուրեր։
Առաջատար տեխնոլոգիաների ձեռնարկությունների միության (ԱՏՁՄ) գործադիր տնօրեն Սարգիս Կարապետյանը տեխնոլոգիական համայնքի հետ կիսվեց միության ծրագրերի՝ «Արմաթ» ինժեներական լաբորատորիաների, «ԻննոԻջեւան», «Հայաստանի տեխնոլոգիական ապագա» նախագծերի մասին, ինչպես նաև խոսեց Դիջիթեք տեխնոլոգիական ցուցահանդեսի մասին, որն այս տարի տեղի կունենա հոկտեմբերի 13-15-ը։
Դիջիթեքն ամեն տարի մոտ 80,000 այցելու ունի, որոնք գալիս են ծանոթանալու գլոբալ տեխնոլոգիական թրենդներին: Այս տարի ցույց ենք տալու, որ տեխնոլոգիաներն ամենուր են։ Այս տարի ցուցահանդեսին կլինեն նաեւ միջազգային թոփ մեդիաներ, որոնց շնորհիվ կկարողանանք համաշխարհային շուկային ծանոթացնել մեր տեխնոլոգիական համայնքի պրոգրեսի հետ,-նշել է ԱՏՁՄ գործադիր տնօրեն Սարգիս Կարապետյանը։
Միջոցառման ընթացքում տեղի ունեցավ նաև hardware ծրագրեր մշակող ընկերությունների փակ քննարկում։
Առաջատար տեխնոլոգիաների ձեռնարկությունների միությունը (ԱՏՁՄ) Հայաստանում գործող ՏՏ և բարձր տեխնոլոգիաների ընկերությունները, միջազգային կորպորացիաները, կազմակերպություններն ու հաստատությունները միավորող բիզնես ասոցիացիա է, որի առաքելությունն է Հայաստանի տեխնոլոգիական վերազինումը, ընկերություն հիմնելու, զարգացնելու, միջազգային շուկա դուրս բերելու գործընթացներն ավելի դյուրին դարձնելը։
Ի դեպ, նշենք, որ staff.am-ը և ԱՏՁՄ-ն այս տարի հանդես եկան համագործակցության նոր ու հաջողված ձևաչափով Digitec 2022-ի շրջանակներում։ Շարունակեք հետևել staffmedia.am-ին staff.am և ԱՏՁՄ նոր գործընկերության մասին նորությունը բաց չթողնելու համար։
