Այց HSBC Bank Armenia – Ինչպիսին են լինում առաջին աշխատանքային օրերը staff.am-ի հետ

838

staff.am-ը շարունակում է այս տարվա մայիսին հայտարարված անակնկալի մասին ձեզ հետ կիսվելը: Եթե կհիշեք, մենք staff.am-ի միջոցով աշխատանքի ընդունված մասնագետներին այցելում էինք նրանց առաջին աշխատանքային օրը փոքրիկ անակնկալով և առիթն օգտագործում նաև թիմի հետ ծանոթանալու համար:

Այս անգամ այցելել էինք Էյչ-Էս-Բի-Սի Բանկ Հայաստան, Մարդկային Ռեսուրսների բաժին, շնորհավորելու և մեր փոքրիկ անակնկալով Էյչ-Էս-Բի-Սի թիմի նոր անդամ Աստղիկի աշխատանքային օրն առավել հետաքրքիր դարձնելու համար: Մի քանի շաբաթ առաջ Էյչ-Էս-Բի-Սի Բանկը Մարդկային Ռեսուրսների կառավարման բաժնի ինթերն էր փնտրում staff.am-ի միջոցով, իսկ բոլորովին վերջերս տեղեկացանք, որ Բանկն արդեն համալրել է իր թիմը: Աստղիկի համար սա իսկապես անակնկալ էր, քանի որ նա չգիտեր մեր այցելության մասին, թիմի մյուս անդամները ցանկացել էին անակնկալ մատուցել:

Астгхик

DSCN0845
«Էյչ-Էս-Բի-Սի Հայաստան», ՄՌԿ բաժնի աշխատակիցներ

Էյչ-Էս-Բի-Սի-ն առաջատար բանկ է Հայաստանում, և հանդիսանում է աշխարհի ամենահզոր ֆինանսական խմբերից մեկի՝ HSBC Group-ի անդամ: Այս միջազգային բանկի շնորհիվ, ՀՀ է ներմուծվել հաճախորդների սպասարկման և թիմի կառավարման միջազգային մի շարք ստանդարտներ:

Դե պատկերացրեք, ինչքան ոգևորված էինք մենք նման լուրջ և կարևոր ֆինանսական կառույց այցելելու համար, և ապա, հաճելիորեն զարմացած շատ ջերմ ընդունելության և մտերմիկ մթնոլորտի համար: Լուսանկարվելուց և թիմի անդամների հետ հաճելի զրույցից հետո վերադարձանք լավ և դրական տպավորություններով՝ հավատացած լինելով, որ անպայման վերադառնալու ենք:

Powered by staff.am.