Welcome to Twitter! Այսպես է ողջունում մեզ Twitter -ը, երբ առաջին անգամ մուտք ենք գործում թվիթների աշխարհ։ Փոքր-ինչ ուսումնասիրելով՝ նկատում ենք նաև Հայաստանում այս պահին ակտուալ հեշթեգերն ու մարդկանց, որոնց պետք է հետևենք։
Եվ այս ամենում թերևս ամենաէականը նա է, որ հատուկ առաքելությամբ ենք ակտիվացրել մեր հաշիվները Twitter-ում: Այստեղ մենք մարտիկներ ենք, իսկ մեր զենքը մեր թվիթներն են։
Գուցե, իհարկե, հարց առաջանա, թե ինչո՞ւ Twitter-ը․
պատասխան 1, որովհետև քաղաքական գործիչները, միջազգային լրատվականները ու լրագրողները, աշխարհահռչակ մարդիկ այս հարթակն են օգտագործում իրենց կարծիքներն արտահայտելու ու պաշտոնական հայտարարություններ կատարելու համար։
պատասխան 2, այստեղ կարող եք շատ կարճ բովանդակության միջոցով ձեր ձայնը լսելի դարձնել ու ազդեցություն ունենալ գործընթացների վրա։
Իսկ այժմ «StaffLIVE. Մեդիա դաշտում պատերազմելու կանոնները» լայվ թողարկումից առանձնացրել ենք մի քանի կարևոր խորհուրդ Armenian Social Media Army-ի առաջամարտիկներից, թե ինչպես Twitter-ում առավել արդյունավետ մարտ վարենք ու հաղթական դրոշը պարզենք։
- Հեշթեգ (#Hashtag)․ արդեն նկատեցիք, որ հեշթեգերը Twitter-ում նույնպես շատ կարևոր են։ Այն ինֆորմացիայի մեկնաբանման բանալին է։ Եթե ձեր կողմից ինչ-որ գրառում է կատարվում Twitter-ում և նշվում են հատուկ հեշթեգեր, ապա ձեր գրառումը շատ արագ տարածում է ստանում։
Ամենակարևորը պետք է ուշադիր լինել գրելաձևին և առավելագույնը նշել 2-3 հեշթեգ։ - Եթե նոր եք ակտիվացրել ձեր էջը Twitter-ում, միանգամից շատ մարդկանց մի հետևեք:
- Կատարեք քիչ քանակությամբ ռեթվիթներ: Առավել նախընտրելի է quote թվիթներ անել, որի ընթացքում դուք հնարավորություն ունեք նաև հակիրճ տեքստ ու հեշթեգ ավելացնել։
- Հաճախ կատարեք նաև սեփական գրառումներ, որը կարող եք վերցնել պաշտոնական ու վստահելի էջերից՝ նշելով նաև աղբյուրները։
- Օգտագործեք վիզուալներ ու տեսանյութեր ձեր թվիթի տեսանելիությունը բարձրացնելու նպատակով։
- Մի տարածեք հակառակորդ կողմի նորություններն ու գրառումները, անգամ եթե ընդդեմ կարծիք եք արտահայտում։
Եվս երկու կարևոր խորհուրդ ձեր հաշիվը Twitter-ում անվտանգ պահելու համար․
- Անցեք երկու քայլով վերստուգում (Two factor verification),
- Գրանցեք ձեր հեռախոսի համարը։
Այս կանոններին հետևելով մի կողմից Twitter-ը կհասկանա, որ գործող անձ է զբաղվում այդ հաշվով, այլ ոչ թե բոտ, իսկ մյուս կողմից էլ կկարողանաք ձեր չափաբաժին մասնակցությունն ունենալ արցախյան պայքարում։
Եվ վերջում #TweetResponsibly – #ԹվիթիրՊատասխանատվությամբ, #ՀաղթելուԵնք!
Մեդիա դաշտում պատերազմելու բոլոր կանոններին հետևեք StaffLIVE մեր հերթական թողարկման տեսանյութում։
