Մեկնարկել է Webb Fontaine-ի կողմից հովանավորվող նոր կրթական ծրագիրը՝ Sourcemind-ը

4552

Webb Fontaine -ի կողմից ստեղծված նոր կրթական նախաձեռնությունը՝ Sourcemind-ը, առաջարկում է անվճար կրթական ծրագրեր այն երիտասարդներին, ովքեր ուզում են մուտք գործել ՏՏ ոլորտ։ 


Webb Fontaine-ի կողմից հովանավորվող կրթական նոր ծրագիրը՝ Sourcemind-ը, բացել է իր դռները երիտասարդների համար՝ հնարավորություն տալով նրանց մուտք գործել տեխնոլոգիական աշխարհ։

Webb Fontaine

Ծրագրի հիմնական նպատակն է օգնել երիտասարդներին դառնալ ոլորտի մասնագետ։ Դասընթացներն ամբողջությամբ անվճար են և հասանելի 18 տարեկանից բարձր բոլոր անձանց համար։

Webb Fontaine կազմակերպությունը ստանձնել է սոցիալական պատասխանատվություն, որի ռազմավարության հիմքում ՏՏ համայնքի զարգացումն է ամբողջ աշխարհում:

Sourcemind նախաձեռնության նպատակն է՝ մեծապես նպաստել Հայաստանում տեխնոլոգիական ոլորտի զարգացմանը` տրամադրելով անվճար կրթություն ոլորտի առաջատար մասնագետների կողմից:

2021 թ.-ի հունիսին Sourcemind-ը սկսեց իր առաջին ՛՛Back-End Software Engineering Pathway՛՛ ծրագիրը: Այս թրեյնինգի առաջնային նպատակն էր  ուսանողներին տալ  ծրագրավորման ֆունդամենտալ գիտելիքներ, առաջադեմ հմտություններ և գործնական փորձ, որոնք անհրաժեշտ են հաջողության հասնելու և առաջատար ընկերություններում աշխատանքի անցնելու համար։

Webb Fontaine

Առաջին երեք ամիսների ընթացքում մասնակիցները սովորեցին ծրագրավորման հիմունքներ, ձեռք բերեցին գործնական փորձ՝ աշխատելով իրական նախագծերի վրա: Ծրագիրը ներառում էր  դասախոսություններ, առաջադրանքներ և նախագծեր, գործնական ուսումնական ծրագիր, ինչպես նաև հանդիպումներ հայտնի բանախոսների հետ: Այս փուլը հաջողությամբ ավարտելուց հետո մասնակիցները շարունակում են խորացնել իրենց գիտելիքները “Back-End Software Engineering” մասնագիտացման ծրագրի շրջանակներում։

Մեր հիմնական նպատակն է որակյալ կրթությունը դարձնել ավելի հասանելի՝ վերացնելով ֆինանսական խոչընդոտները և ընդունելության բարդ պայմանները։ Այս պահի դրությամբ առաջին ծրագիրը հաջողված էր 5 ուսանողների համար, որոնք միանգամից ստացան աշխատանքի առաջարկ Webb Fontaine-ից և այլ ՏՏ կազմակերպություններից։ Հենց սա էլ մոտիվացնում է մեզ և հավաստում, որ մենք տրամադրում ենք որակյալ կրթություն՝ աշխատաշուկայում ուսանողներին դարձնելով մրցունակ։ Մենք պատրաստվում ենք ընդլայնել մասնագիտացման ծրագրերի շրջանակն ավելի շատ ուսանողների ներգրավելու համար։ Sourcemind ծրագրի ղեկավար Կարինե Վարդազարյան

Արդյունքում, Sourcemind-ում նախնական ընդունելության գործընթացը մեծ հետաքրքրություն առաջացրեց  շրջանավարտների, ինչպես նաև համալսարանների վերջին կուրսի ուսանողների շրջանում, որոնք ցանկանում էին սկսել իրենց կարիերան ՏՏ ոլորտում: Այն նաև հետաքրքիր հարթակ դարձավ այլ մասնագետների համար, ովքեր ցանկանում էին փոխել իրենց մասնագիտությունը և սկսել կարիերա ՏՏ ոլորտում։

Sourcemind-ի հաջորդ ծրագիրը կմեկնարկի 2021 թվականի հոկտեմբերին և կպատրաստի AI/ML մասնագետներ: Առաջին փուլի ընթացքում դիմորդները պետք է  լրացնեն հայտը և հաջողությամբ հանձնեն մասնագիտական թեստեր: Այս թեստերը ստուգում են տրամաբանությունը և մաթեմատիկայի հմտությունները: Վերջին փուլը հարցազրույցն է, որի ընթացքում ուշադրություն են դարձվում մասնակցի կոմունիկացիոն և թիմում աշխատելու հմտություններին։

Մենք բոլորս գիտակցում ենք կրթության և գիտության ոլորտներում բարելավումներ և փոփոխություններ կատարելու անհրաժեշտությունը` հնարավորություն տալով երիտասարդներին մուտք գործել ՏՏ ոլորտ։ Այս նախաձեռնությունը հանդիսանում է Webb Fontaine-ի կորպորատիվ սոցիալական պատասխանատվության ռազմավարության մի մասը, որի հիմանական նպատակն է օգնել լուծել շուկայում առկա խնդիրը՝ լրացնել որակյալ կադրերի բացը։

Մեր հաջողության հիմքը հենց մեր աշխատակիցներն են, ուստի այժմ մեր հերթն է ներդրում անել հենց ՏՏ համայնքի զարգացման մեջ՝ օգնելով երիտասարդներին ապագայում դառնալ տեխնոլոգիական ոլորտի առաջնորդներ։ Այս նախաձեռնությունը կհանգեցնի երտիտասարդների որակավորման բարձրացմանը, որոնք պատրաստ կլինեն աշխատանքի ընդունվել ՏՏ ընկերություններում և խնդիր չեն ունենա մասնագիտական և կոմունիկացիոն հմտությունների առումով: Մենք նպատակ ունենք հարթակ տրամադրել ավագ և կրտսեր մասնագետներին՝ համագործակցելու և միմյանցից սովորելու համար՝ միաժամանակ խթանելով կրթական մշակույթը և ստեղծելով առողջ միջավայր ընկերությունների ու մասնագետների համագործակցության համար։Webb Fontaine ընկերության ՏՏ հետազոտության և զարգացման գծով տնօրեն Արա Շամիրզայան

Sourcemind-ի դասախոսները տարբեր ընկերությունների առաջատար մասնագետներն են։ Սա թույլ է տալիս Sourcemind-ի ուսանողներին պատկերացում կազմել, թե ինչպիսին է  ոլորտը, ինչպիսին են այնտեղ աշխատող մարդիկ՝ նախքան աշխատանքի անցնելը։

Բացի վերապատրաստումից Sourcemind-ը հանդիսանում է գաղափարների փոխանակման, նորարարությունների հարթակ:

Powered by staff.am.