Ուրախ ենք Ձեզ ներկայացնել «Դարձի՛ր StaffBlog հեղինակ» մեր նախագծի հաջորդող թողարկումը: Նախագծի նպատակն է քննարկումներ ծավալել HR ոլորտում առկա կարևոր թեմաների շուրջ։

Ինչո՞ւ է Ձեր  CV-ին անտեսվում ՄՌԿ մասնագետի կողմից

Ձեզ ծանո՞թ է իրավիճակը, երբ բազմաթիվ CV-ներ եք ուղարկում, բայց պատասխան չեք ստանում։ Ժան Միշել Գաութերը, ով InternsME.com կայքի հիմնադիրն ու գործառնական տնօրենն է, իր Ted Talks-ում ելույթի ընթացքում խոսել է հենց այն մասին, թե ինչու է Ձեր CV-ին անտեսվում, և ինչ կարելի է անել դրանից խուսափելու համար։

Մինչ InternsME.com–ի հիմանդրումը՝ աշխատանք փնտրելու ընթացքում, Ժան Միշել Գաութերի հետ հետաքրքիր դեպք է պատահել։

21 տարեկանում հիասթափվելով դեղագործության ոլորտից՝ Ժանը որոշել է նոր աշխատանք գտնել։ Նա որոշել է դիմել այլ ոլորտներ և, իհարկե, սկսել է այնպես, ինչպես բոլորը՝ էլեկտրոնային նամակին կցել է իր CV-ին, նամակը սկսելով «Հարգելի պարոն/տիկին» նախադասությամբ և ուղարկել է գործատուներին։ Ոչ մի պատասխան չստանալով՝ նա որոշել է հետևել ծանոթ փայլուն գիտնականներից մեկի խորհրդին՝ «Եթե քո մեթոդաբանությունը չի աշխատում, փոխիր այն»։ Նա որոշել է դիմել «Emirates» ավիաընկերությանը՝ օգտագործելով փոքրիկ հնարք․ իր CV-ին ուղարկելիս նամակում նշել է, որ իրեն ավիաընկերության գործառնական տնօրենն է խորհուրդ տվել դիմել աշխատանքի համար։ Բնականաբար նրան պատասխանել են շատ արագ, սակայն որոշ կոմունիկացիայից հետո նրա սուտը բացահայտվել է և նա չի ստացել աշխատանքը։

pic2

Ի՞նչ կարելի է եզրակացնել այս պատմությունից նախ մի ստեք գործատուին, հետո միշտ անհատականացրեք ձեր մոտեցումը

Նույնը վերաբերում է նաև մոտիվացիոն նամակներին: Ժան Միշել Գաութերը նշում է, որ մի անգամ հարցրել է բավականին մեծ ընկերություններից մեկի ՄՌ տնօրենին, թե ինչն է ստիպում նրան առանձնացնել այս կամ այն դիմումն աշխատանքի համար, ինչից նա կարող է ոգևորվել: Նա նշել է որ դա մոտիվացիոն նամակն է, անհատականացված նամակը, որը կարող է բացատրել, թե ինչու է հենց այդ թեկնածուն համապատասխանում աշխատանքին, կարող է իսկապես ոգևորել իրեն, իր թիմին և ստիպել դիտարկել նրան: Նա նաև նշել է, որ այն մարդիկ, ովքեր ուղարկում են մոտիվացիոն նամակ, միշտ պատասխան են ստանում, եթե նույնիսկ այդ պատասխանը հարցազրույցի հրավեր չէ, միևնույն է, նրանց պատասխանում են և բացատրում մերժման պատճառը: Սա վերաբերում է նաև աշխատանքից դուրս իրավիճակներին, մարդիկ հակված են ավելի լավ և հաճույքով պատասխանել այն նամակներին, որոնք անհատականացված են:

Այստեղ առաջանում է նաև մեկ այլ հարց՝ մեզանից քանի հոգի է վստահ, որ իր CV-ին ճիշտ է ներկայացնում, թե ով ենք մենք, ինչ կարող ենք անել, արդյո՞ք այն ցույց է տալիս մեր հետաքրքրությունները։

key

Օգտագործեք բանալի բառեր

CV-ին, այդ սահմանափակող, միջին չափսի թուղթը 50-ից 100 տարիների ընթացքում աշխատանքի դիմելու հիմնական մեթոդն է եղել։ Այսօր համացանցում հրապարակված ցանկացած ազատ հաստիքի համար դիմում են 500-1000 երիտասարդ, ովքեր բավականաչափ փորձ չունեն, և հաճախ նրանց CV-ների մեծ մասը չեն դիտարկվում, քանի որ պարզապես չեն նկատվում էլեկտրոնային փոստում ճիշտ բանալի բառեր չպարունակելու պատճառով: Այսօր աշխատանքային կայքերի և ՄՌ պորտալների մեծ մասն աշխատում է բավականին պարզունակ ալգորիթմով՝ պարզապես համապատասխանեցնում է բանալի բառերը: Դրանք սքանավորում են ձեր CV-ին, ապա՝ աշխատանքային հայտարարությունը, և գտնում են համապատասխանությունները՝ առաջարկելով թեկնածուներ, այսինքն՝ աշխատանքային փորձ չունեցող նորավարտ երիտասարդները դառնում են խոցելի խումբ այս դեպքում:

pic3

Լուրջ վերաբերվեք CV-ի արտաքին տեսքին

CV-ները, որոնք պարունակում են ուղղագրական սխալներ կամ կազմված են շատ վատ ձևաչափով, իհարկե, նույնիսկ արժանի են հայտնվել աղբամանում և եթե նույնիսկ որևէ հաջողությամբ անցնեն հաջորդ փուլ, ապա շատ քիչ հավանական է, որ ՄՌ պատասխանատուն այն կդիտարկի: Բացի այդ՝ սովորաբար, ՄՌ պատասխանատուները բավականին զբաղված մարդիկ են և պարզապես Ձեզ հնարավորություն չեն տա շարունակել, եթե CV-ին կազմված է անփութորեն:

videocv

Վիդեո-CV-ներ

Վերջին ժամանակներում առաջ է եկել նաև մեկ այլ կոնցեպտ՝ վիդեո CV-ին: Որոշ ուսումնասիրություններ ցույց են տալիս, որ վիդեո CV-ները հարցազրույցի հրավիրվելու մոտ 150% ավելի մեծ շանս են տալիս: Լավ գաղափար է նաև ուղարկել վիդեո ուղերձ որպես մոտիվացիոն նամակ, դրանք ՄՌ մասնագետի համար կարող են իսկական նվեր դառնալ, քանի որ նրանք փնտրում են թեկնածուների, ովքեր կարող են իրենց ոգևորել, որոնց դիմումները նրանք կցանկանան ցույց տալ իրենց գործընկերներին, որոնք ցույց կտան, որ այն ուղարկված է հետաքրքիր, անկեղծ մարդու կողմից: Այս առումով վիդեո CV-ին կարող է հրաշալի լուծում դառնալ՝ ցույց տալու համար ձեր անհատականությունը, ապացուցելու, որ հենց դուք եք համապատասխանում աշխատանքին և ստիպելու իրենց նամակը «Հարգելի պարոն/տիկին» արտահայտությամբ սկսող մարդկանց նույնպես փոխել իրենց մեթոդաբանությունը: Հավատացեք, դուք նույնպես հաճելիորեն զարմացած կլինեք, թե ինչքան ձեզ դուր կգա վերջնական արդյունքը:

Նյութի հիմքը TEDx Talks-ի ընթացքում Ժան Միշել Գաութեր – ի ելույթն է, որն ամբողջությամբ կարող եք դիտել այստեղ՝ https://goo.gl/G3gSLP

Տվյալ նյութերի շարքն իրականացվում է Անի Մերուժանի Մարգարյանի հետ՝ ծառայելով Հայաստանում ՄՌԿ ոլորտի ամրացմանը։ Այս նպատակին ուղղված` որոշել ենք նախևառաջ հնարավորինս շատ նյութեր հասանելի դարձնել հայերեն տարբերակով։

business«Դարձի՛ր StaffBlog հեղինակ» նախագիծը կրում է շարունակական բնույթ և ենթադրում է, որ Դուք նույնպես կարող եք ունենալ Ձեր հեղինակային հրապարակումը StaffBlog-ում՝ խոսելով HR ոլորտին առնչվող կարևոր թեմաների մասին։ Նախագծին մասնակցելու համար սեղմեք «Մասնակցել» կոճակին և լրացրեք անհրաժեշտ ձևանմուշը, որից հետո մենք կապ կհաստատենք Ձեզ հետ։

ԻՄԱՆԱԼ ԱՎԵԼԻՆՄԱՍՆԱԿՑԵԼ

Powered by staff.am.