#ՏարինԱմփոփ DIGITAIN-ում․ տարվա լավագույն գործատու մրցանակակիրը նոր Դիջիշենքում

2306

2020-ը իր թվային տվյաներով շատ խոստումնալից էր բոլորիս համար, բայց աշխարհում կատարվող իրադարձություններն իրենց հետքն ունեցան մարդկանց և բիզնեսների վրա։ Չնայած 2020-ի բոլոր մարտահրավերներին՝ Դիջիթեյնում տարին շատ ակտիվ էր և արդյունավետ։ Այս տարվա ընթացքում Դիջիթեյնը գրավեց մի շարք բարձունքներ և ձեռք բերեց նոր համագործակցություններ։


571 ՆՈՐ ԴԻՋԻԹԵՅՆՑԻ

2020-ի ընթացքում Դիջիթեյնն իր թիմը համալրել է ավելի քան 571 նոր աշխատակցով։ 571 նոր Դիջիթեյնցի այս տարի իր դերն է ստանձնել ՀՀ լավագույն աշխատակազմերից մեկում։ Իսկ դե տարվա ամենապահանջված հաստիքները, իհարկե, ինժիներական հաստիքներն են եղել։ Լինելով միջազգային խոշոր ընկերություն՝ Դիջիթեյնի կազմն ունի բազմաշերտ մշակութային գունավորում։

Այս տարի մեր միջազգային ընտանիքին են միացել աշխատակիցներ երկու մայրցամաքներից՝ Եվրոպա և Աֆրիկա, իսկ գալիք տարում պլանավորում ենք ունենալ այլ մայրցամաքներում աշխատակիցներ ևս։ Յուրաքանչյուր նոր աշխատակից իր հետ նոր գույներ ու մշակույթ է բերում՝ դառնալով մեր թիմի անբաժան մաս :), – Digitain-ում մեծ ոգևորությամբ կիսվեցին այս տարվա նորություններով։

ԵՐԿՈՒ ՏԱՍՆՅԱԿ ԻՆՏԵՐԱԿՏԻՎ ԿՈՐՊՈՐԱՏԻՎ ՇԱՐՔԵՐ

Դիջիթեյնի կորպորատիվ մշակույթը նույնպես շատ ակտիվ էր։ Տնից աշխատելով՝ էլ ավելի էր կարևորվել ընկերության ներքին մշակույթի պահպանումը, արժեքների տարածումն ու թիմային ոգու բարձրացումը։ 2020-ի ընթացքում Դիջիթեյնի ներքին հաղորդակցության հարթակների միջոցով նախատեսվել և իրականացվել է մոտ երկու տասնյակ ինտերակտիվ կորպորատիվ շարքեր՝ անդրադառնալով յուրաքանչյուր հաստիքի և Դիջիթեյնցիների համար հետաքրքիր ոլորտների։


500 ԱՇԽԱՏԱԿՑԻ ՄԱՍՆԱԿՑՈՒԹՅՈՒՆ ԱՐՏԱՔԻՆ, ՆԵՐՔԻՆ ԵՎ ԱՐՏԱՍԱՀՄԱՆՅԱՆ ԴԱՍԸՆԹԱՑՆԵՐԻ

Կարևորելով աշխատակիցների աճը և զարգացումը՝ Դիջիթեյնում 2020-ի ընթացքում ավելի քան 500 աշխատակից մասնակցել է դասընթացների՝ ներքին, արտաքին, ինչպես նաև արտասահմանյան։ Դիջիթեյնը, կարևորելով բոլոր և յուրաքանչյուր աշխատակցի դերն ու նշանակությունը, հոգ է տանում իր աշխատակիցների մասին՝ մտավոր, հոգեբանական, ֆիզիկական, աշխատանքային ոլորտներում։ Աշխատակիցներին ստեղծված իրավիճակին հոգեբանորեն կոփելու նպատակով անցկացվել են վեբինարներ կորպորատիվ քոուչի և ոլորտի առաջատար մասնագետների հետ համատեղ։ Դիջիթեյնցիները մասնակցել են կորպորատիվ յոգայի դասընթացների, հմտությունների զարգացման վեբինարների և վերապատրաստումների։ Մշակութային արժեքների պահպանման համար ներքին հարթակներում կազմակերպվել են առցանց տուրեր, վիկտորինաներ, համերգներ և գինու ուրբաթ երեկոներ։


ՆՈՐ ԲԻԶՆԵՍ ՀԱՄԱԳՈՐԾԱԿՑՈՒԹՅՈՒՆՆԵՐ

Ընկերությունը հաջողություններ է գրանցել նաև բիզնես համագործակցությունների տեսանկյունից։

Թեև ավելի քան երեք ամիս տևած միջազգային խիստ համաճարակը այդքան էլ նպաստավոր չէր ոլորտի համար, Դիջիթեյնի ղեկավարության ու աշխատակիցների ստեղծագործ և բիզնես գաղափարների շնորհիվ ձեռք բերեցինք բազմաթիվ նոր համագործակցություններ։ Այս տարի ընկերությունը շուկա է հանել մի քանի նոր պրոդուկտ՝ դրանցից յուրաքանչյուրի մեջ ներդնելով իր թիմի հավատարմությունը, ստեղծագործ միտքն ու ջանքերը։

ՆՈՐԱՐԱՐ, ՆՈՐԱՁԵՎ ԵՎ ՀԱՐՄԱՐԱՎԵՏ ԴԻՋԻՇԵՆՔԸ

2020-ի Դիջիթեյնի մեծագույն ձեռքբերումներից մեկը նոր շենքի շինարարական և ներքին հարդարման աշխատանքների ավարտն էր։

Արդեն հեռավար աշխատանքից վերադառնալուց հետո Դիջիթեյնցիներն աշխատանքը վերսկսեցին սեփական շենքում։ 10 հարկանի Դիջիշենքը գնտվում է Երևանի սրտում՝ Երևանյան լճի հարևանությամբ։ Մոտ վեց ամիս է, ինչ շենքն իր դռներն է բացել ստեղծագործ Դիջիթեյնցիների համար՝ ապահովելով նորարար, նորաձև և հարմարավետ միջավայր։ Հենց այտեղ են Դիջիթեյնի պայծառ նախագծերն իրականություն դառնալու։ Նոր շենքում կան մտագրոհների, նոր գաղափարների գեներացման և դրանց իրականցման համար բոլոր մոտիվացիոն նախադրյալները։

ՏԱՐՎԱ ԼԱՎԱԳՈՒՅՆ ԳՈՐԾԱՏՈՒ

Չնայած 2020-ի բոլոր ձեռքբերումներին, նոր համագործակցություններին ու համալրումներին՝ Դիջիթեյնցիներն ամենամեծ ձեռքբերումներից են համարում Տարվա լավագույն գործատուի մրցանակակրի մոտ աշխատելը։ Այս մրցանակին Դիջիթեյնն արժանացել է մեր ոլորտում ամենահեղինակավոր տարեկան մրցանակաբաշխության ընթացքում՝ SBC Award-ի կողմից արժանանալով պատվավոր առաջին տեղին:


Դիջիթեյնի նորություններն այս տարի բավականին շատ էին ու բազմաբնույթ՝ ներառելով կազմակերպության զարգացման բոլոր ուղղությունները․ մոդեռն գրասենյակ, նոր թիմակիցներ, նոր մրցանակներ, կորպորատիվ շարքեր, դասընթացներ, սոցիալական ծրագրեր և այլն։ Թերևս այդքան էլ հեշտ չէ մեկ տարին ամփոփել մեկ նախադասությամբ, բայց մեկ բառով միգուցե ավելի հեշտ լինի՝ Դիջիթարմացում 🙂 Մաղթենք հաջողություններով լի տարի ու սպասենք 2021-ի նոր Դիջիթարմացումների։