#ՏարինԱմփոփ DISQO-ում․ նոր անվանակարգերից մինչև աննախադեպ թիմային աճ

2093

Շարունակում ենք ամփոփել մեր գործատուների թոփ սթորիները։ Իհարկե, այս տարվա մարտահրավերներն ու դժվարություններն աննախադեպ էին ու բնականաբար դրա ազդեցություններից խուսափելն էլ անհնար էր։ Սակայն, շնորհիվ ուժերի համախմբման ու էլ ավելի եռանդով աշխատանքի, DISQO թիմին հաջողվեց արձանագրել մի շարք կարևորագույն հաջողություններ թե որպես ընկերություն, թե որպես Գործատու։


Այս տարի DISQO-ն մի քանի բիզնես վարկանիշային ու մրցանակային ցուցակներում է ընդգրկվել՝ որպես արագ աճող ընկերություն, քանի որ վերջին երեք տարիների ընթացքում ընկերության եկամուտը շուրջ չորս անգամ աճել է։

Նոյեմբերին միանգամից երկու վարկանիշային ցուցակում ենք ընդգրկվել՝ որպես արագ աճող ընկերություն. առաջինը՝ Deloitte’s Technology Fast 500-ի ցուցակում 253-րդ տեղում ենք և Los Angeles Business Journal-ի թոփ 25-ի ցանկում ենք։ Մինչ այդ էլ ամռանը ճանաչված Inc. բիզնես ամսագրի Inc 5000-ի վարկանիշային ցուցակում թոփ 1000-ում ենք ընդգրկվել կրկին որպես արագ աճող ընկերություն։

Նաև ունենք նոր թողարկած պրոդուկտներ։ Հատկանշական է Ad Measurement պրոդուկտի թողարկումը, որի շնորհիվ ոչ միայն ընկերության եկամուտն է նշանակալիորեն աճել, այլև դրա շնորհիվ այնպիսի խոշոր գործընկերներ ենք ձեռքբերել ինչպիսիք են Vevo-ն, Universal Mccain-ը, Hulu-ն և այլ խոշոր մեդիա և գովազդային գործակալություններ և բրենդեր, որոնք իրենց թվային գովազդների արդյունավետությունը մեր ստեղծած գործիքով են չափում։ Այս պրոդուկտի վրա հայաստանյան գրասենյակը հիմնադրման իսկ օրվանից ավտոնոմ աշխատանք էր տանում և այս թողարկումը կարևոր ձեռքբերում էր մեզ համար։ 

Դե իսկ տարվա սկզբին Built in Los Angeles-ը մեզ ճանաչել էր որպես լավագույն գործատուներից մեկը։

Որպես գործատու DISQO-ն ևս ունի նկատելի հաջողություններ։  Այս տարի հայաստանյան թիմը համալրվել է 32 նոր մասնագետով, այդ թվում նաև ունենալով հայրենադարձության օրինակներ։ Ի դեպ, հենց պատերազմի օրերին թիմին երկու մասնագետ է միացել Լիբանանից, որոնցից մեկն արդեն իսկ տեղափոխվել է Երևան, իսկ մյուսը կտեղափոխվի գարնանը։

«Անկախ իրավիճակից ես վստահ էի կայացրածս որոշման մեջ, քանի որ վաղուց էի ցանկանում Հայաստան վերադառնալ։ Մի շարք հնարավորություններ դիտակելուց հետո որոշեցի միանալ DISQO-ին հիմնականում երկու պատճառով. այստեղ աշխատում ենք նորագույն տեխնոլոգիաներով և բացի այդ, ընկերությունը արագ աճի փուլում է գտնվում ու այս փուլում թիմին միանալով մեծ ազդեցություն կարող եմ թողնել։ Այս ամենը ստեղծում է եզակի հնարավորություն մասնագիտական աճի համար»,- նշեց Helpdesk Techician Համբիկ Սինանյանը, ով Հայաստան է տեղափոխվել Բեյրութից այս տարվա հոկտեմբեր ամսին։ 

Մերին, ով նույնպես բոլորովին վերջերս է միացել DISQO-ին՝ որպես Data Engineer, կիսվեց աշխատանքի ու միջավայրի մասին իր տպավորություններով․

Մինչ DISQO-ին միանալը իմ նախկին աշխատանքային փորձերում ես այդքան էլ ներգրավված չեմ եղել պրոդուկտի զարգացման բուն աշխատանքներում։ Այստեղ պրոդուկտի նախագծումից մինչև այն հաճախորդին հասցնելու պրոցեսներին ներգրավված եմ ու դա շատ կարևոր է ազդեցիկ աշխատանքով զարգանալու համար։

Խոսելով թիմի զարգացումներից ու համալրումներից` շատ կարևոր է նշել, որ այս տարի նաև ձևավորվել է DISQO ղեկավարների թիմը։

Engineering Manager-ի թիմի ձևավորումը շատ կարևոր փուլ է ստարտափների համար։ Ուրախ եմ նշել, որ այս տարի մեզ հաջողվեց Երևանյան գրասնեյակում համախմբել ոլորտի լավագույն մասնագետներին ու կազմել այս թիմը՝ հիմք ստեղծելով թիմի ավելի մեծ թափով զարգացումների համար։ 2021-ին արդեն մենք կունենանք հաստիքներ թե ավագ, և թե կրտսեր մասնագետների համար,- մեկնաբանեց Ծրագրավորման թիմի տնօրեն Հարություն Բաղդասարյանը։

Որպեսզի հեռահար պայմաններում և արժեքները, և թիմի պրոցեսներին միանալն ավելի արդյունավետ լինի, DISQO-ում նոր թիմի անդամների onboarding-ի համար նոր ձևաչափեր են մշակվել։ Դրանցից մեկն օրինակ՝ meet & greet with CEO-ն է՝ գործադիր տնօրեն և համահիմնադիր Արմեն Աճեմյանի հետ հանդիպում-զրույցը։ 

«Իմ թիմին միանալու հենց երկրորդ օրը սկսեցինք հեռահար աշխատել։ Ես էլ որպես պրոդուկտի ղեկավար չէի պատկերացնում, թե ինչպես եմ թիմին և պրոդուկտին ծանոթանալու, սակայն պրոցեսներն այնքան սահուն էին, որ երկու շաբաթից ես արդեն տիրապետեցի ամենին ու պատրաստ էի ամբողջովին անցնել գործի։ Արդյունքում մեր թիմը թողարկեց ընկերության համար այնքան կարևոր Ad Measurement պռոդուկտը»,- պատմում է Տեխնիկական Պռոդուկտի Ավագ Ղեկավար Իսսա Մոստաֆան։

«ԸՆՏԱՆԻՔԻ ՀՈՎԱՆԱՎՈՐ»ԱՋԱԿՑՈՒԹՅՈՒՆ ԱՐՑԱԽԱՀԱՅՈՒԹՅԱՆԸ

Հավանաբար կհիշեք, որ մի քանի ամիս առաջ խոսեցինք DISQO-ի կողմից սոցիալական նախաձեռնությունների կոմիտե հիմնելու մասին, որի շրջանակներում թիմին հնարավորություն են տալիս մասնակցելու և մարդասիրական օգնություն ցուցաբերելու տարատեսակ հարցերում։ Այժմ եկեք ամփոփենք, թե ինչ ծրագրեր իրականացվեցին այս կոմիտեի գործունեության արդյունքում։

Առաջին նախաձեռնությունը կոչվում էր՝ «Ընտանիքի հովանավոր» կամ Adopt a family, որի նպատակը Արցախից տեղահանված ընտանիքիների վերաբնակեցումը հովանավորելն էր։ Շատ կարճ ժամանակահատվածում թիմը 13.000 ԱՄՆ դոլար հավաքեց, որը մենք նվիրաբերեցինք «Հայաստանի մանուկներ» բարեգործական հիմնադրամին (COAF) և այսպես ասած «որդեգրեցինք» 21 ընտանիքի վերաբնակեցման հոգսերը։ Սրանից առաջ էլ մի շարք դրամական նվիրատվություններ ենք ունեցել շուրջ 45.000 ԱՄՆ դոլարի չափով և այլ աշխատանքներում ենք ներգրավվել։
Այս նույն կոմիտեի շրջանակում նաև պատրաստվում ենք ծրագրավորման դասընթացներ անցկացնել պատերազմից վիրավորված զինվորների համար։

Դե իսկ, DISQO-ում նույնպես տարեկան Գաղտնի Ձմեռ պապ խաղը այս տարի արցախցի փոքրիկների համար էր։ Արդյունքում 40-ից ավելի երեխաներ տարատեսակ նվերներ ստացան այս հրաշալի թիմի կողմից։


ՆՈՐ ՁԵՎԱՉԱՓՈՎ ԹԻՄԱՅԻՆ ԻՎԵՆԹՆԵՐԸ

Այս իրավիճակում DISQO թիմը տպավորիչ միասնականություն դրսևորեց, ինչն էլ օգնեց գրանցել այսքան դրական արդյունքներ ու զարգացումներ։

Այս տարի հասկանալի պատճառներով ամանորյա հավաքույթ չենք ունեցել, և այստեղ ևս մեր միասնականությունը դեր խաղաց. Եթե նախկինում տարածաժամանակային բաժանումը թույլ չէր տալիս, որ մեր գլոբալ թիմով անցկացնեինք մեր հավաքույթները, այս տարի օնլայն հավաքույթի միջոցով բոլորս միասին էինք ու չեմ զլանա փաստել, որ նույն թիմային ոգին ու շունչը կար՝ անկախ առցանց հանդիպելու փաստից։

ԿՐԿՆԱԿԻ ԸՆԴԱՐՁԱԿ ՈՒ ԼՈՒՍԱՎՈՐ DISQO-Ի ԱՌԱՋԻԿԱ ՆՈՐՈՒԹՅՈՒՆՆԵՐԸ

Մեր զրույցի ընթացքում խոսեցինք նաև առաջիկա զարգացումների մասին ու անչափ ողջունելի էր, որ նոր թիմակիցների հավաքագրման բավականին մեծ աճ է նախատեսվում ոչ միայն տեխնիկական մասնագիտացման, այլ նաև հաճախորդների սպասարկման, ծրագրերի կառավարման, մարքեթինգի, մարդկային ռեսուրսների և կադրերի հավաքագրման ուղղություններով։

Այս ամենի համար ընդլայնելու ենք մեր գրասենյակը՝ կրկնակի ընդարձակ, լուսավոր ու DISQO-ին վայել հարմարություններով։ Եվ իհարկե շարունակելու ենք աշխատել թողարկած պրոդուկտների վրա և նախագծել նոր պրդուկտներ։

DISQO-ն այն արագ զարգացող ամերիկյան ստարթափներից է Հայաստանում, որ ներկայացուցչության բացումից հետո ոչ մի վայրկյան չի դադարել գործելուց, նոր նախաձեռնություններ հաջողելուց։ Սա, իհարկե, ամրացնում է մեր երկրի զարգացման հիմքերը և խոստանում նորանոր հնարավորություններ մեր հայ տաղանդների համար։ Մաղթենք հաջողություն գալիք տարում ու սպասենք մեր հաջորդ այցին արդեն կրկնակի ընդարձակ ու լուսավոր գրասենյակում։