Breavis
Մենք զբաղվում ենք տվյալների հավաքմամբ, վերլուծությամբ, և մարքեթինգային հաղորդակցությամբ՝ օգնելով մեր հաճախորդներին հասկանալ իրենց թիրախային լսարանի առանձնահատկությունները և ապահովել առաջընթաց։
2006-ից բազմակողմանի գործունեություն ծավալելով՝ մենք մշակում ենք բիզնեսի ռազմավարություններ, առաջարկում լուծումներ, հաճախորդներին տրամադրում խորհրդատվություն՝ հիմնվելով հետազոտական տվյալների վրա։
Մենք արհեստավարժորեն իրականացնում ենք հանրային կարծիքի ուսումնասիրություն և մարքեթինգային հաղորդակցություն՝ օգնելով որոշում կայացնողներին և գործարարներին գնահատել, ձևավորել ու զարգացնել անձի և (կամ) բրենդի դրական հեղինակությունը։
Ունենալով շուրջ 15 տարվա մասնագիտական փորձառություն՝ հաջողությամբ իրականացրել ենք ավելի քան 400 ծրագիր տարբեր ոլորտներում՝ պետական կառավարում, ՏՏ, հանքարդյունաբերություն, գյուղատնտեսություն, ֆինանսներ, հեռահաղորդակցություն, կրթություն, առողջապահություն և այլն։
Ուսանողների և սկսնակ մասնագետների հետ համագործակցությունը, սեփական գիտելիքով և փորձով նրանց հետ կիսվելը կարևորագույն սկզբունք է «Բրեվիս» ընկերության համար։ Մենք համոզված ենք, որ լավագույն ընկերությունները պատրաստում են իրենց անհրաժեշտ մասնագետներին՝ նրանց համար մասնագիտական աճի ու զարգացման հնարավորություններ ստեղծելով։ «Բրեվիսն» ազդեցիկ կորպորատիվ մշակույթ և աշխատանքային ձեռագիր ունեցող ընկերություն է, ով նաև ներդրում է կատարում սեփական աշխատակիցների մասնագիտական աճի համար։ Մենք մշտապես համագործակցում ենք համալսարանների հետ, վերջիններիս կարիերայի կենտրոնների հետ, մասնակցում ենք ուսանողական աշխատաշուկաների, ինչպես նաև որոշակի պարբերականությամբ կազմակերպում պրակտիկանտների հավաքագրում՝ ելնելով այդ պահին ընկերությունում առկա ծրագրային կարիքներից։ «Բրեվիսում» պրակտիկայի հնարավորություն տրվում է ինչպես ուսանողներին, այնպես էլ՝ նորավարտ մասնագետներին։
Մենք համոզված ենք, որ առավել արդյունավետ պրակտիկա և մասնագիտական զարգացում ունենալու հարցում մենթորության մշակույթն ուժեղ գործիք է։ Այդ իսկ պատճառով «Բրեվիսում» պրակտիկանտները, թիմային աջակցություն ստանալուց բացի, ունենում են նաև անհատական մենթոր՝ աշխատելով կազմված ծրագրով։ Մեր ընկերությունում մասնագիտական պրակտիկաներն անցնում են բավականին ինտենսիվ և հագեցած գրաֆիկով։
Ինչու՞ պրակտիկա անցնել «Բրեվիսում»
- Մոտիվացնող և ստեղծագործական մթնոլորտ,
- Պրոֆեսիոնալ և աջակցող թիմ՝ սովորելու և գործնական փորձ ձեռք բերելու համար,
- Պրակտիկայի ծրագրի ամբողջ ընթացքում անհատական մենթոր ունենալու հնարավորություն,
- Ոլորտի լավագույն պրոֆեսիոնալների հետ մասնագիտական հարաբերություններ ստեղծելու հնարավորություն,
- Զարգացման և մասնագիտական գիտելիքների համալրման նպատակով դասընթացների մասնակցություն,
- Պրակտիկ հանձնարարությունների կատարում՝ ստացած գիտելիքները գործնականում կիրառելու և ամրապնդելու համար,
- Մեր քաղաքի լավագույն գրասենյակում աշխատելու հնարավորություն։
Պրակտիկանտներին «Բրեվիսը» շնորհում է հատուկ հավաստագրեր, ինչպես նաև՝ տրամադրում երաշխավորագրեր։ Պրակտիկայի ընթացքում նրանց հետ կնքվում է ուսումնառության համաձայնագիր, տրամադրվում է ընկերության բրենդային նյութերով փաթեթ և աշխատանքային անհրաժեշտ պարագաներ։
What happens when like-minded people work hard toward a common goal?
They bring their ideas to life and always go a step further to create true added value for their customers and overachieve their goals.
