ՀԱՊՀ հիմնադրամ մանկապարտեզի Դաստիարակ
Վերջնաժամկետ՝ 11 Հուլիս 2024
Աշխատանքի պայմաններ՝ Պայմանագրային
Կատեգորիա՝ Կրթություն
Աշխատանքի տեսակը՝ Ամբողջ դրույք
Գտնվելու վայրը՝ Երևան
Աշխատանքի նկարագրություն՝
Մրցույթն անցկացվում է երկու փուլով՝ թեստավորման և հարցազրույցի:
Թեստավորման փուլն անցկացվում է՝ ըստ ՀՀ ԿԳՄՍՆ մշակած հարցաշարի: Հարցազրույցի փուլի հարցաշարը կազմում է հաստատությունը և յուրաքանչյուր մասնակցի հետ հարցազրույցն անցկացնում առանձին:
Մրցույթին մասնակցելու համար պետք է ներկայացնել՝
- դիմում,
- կրթության մասին փաստաթուղթ (դիպլոմ),
- անձը հաստատող փաստաթուղթ /անձնագիր, նույնականացման քարտ/,
- աշխատանքային ստաժի վերաբերյալ տեղեկանք կամ աշխատանքային գրքույկ (առկայության դեպքում),
- ինքնակենսագրություն,
- մեկ լուսանկար` 3x4 չափի,
Այլ պետությունների քաղաքացիները` Հայաստանի Հանրապետությունում աշխատելու իրավունքը հավաստող փաստաթուղթ, հրատարակված հոդվածների ցանկ կամ գիտական կոչումը հավաստող փաստաթղթեր (դրանց առկայության դեպքում):
/am/haph-himnadram-mankapartezi-dastiarak-2
Աշխատանքային պարտականություններ
Սաների ուսումնադաստիարակչական աշխատանքներում կիրառել մանկավարժական արդի տեխնոլոգիաներ, մեթոդներ և հնարներ:
Անհրաժեշտ հմտություններ
Միջին կամ բարձրագույն մասանգիտական կրթություն՝ համապատասխան որակավորմամբ և վերջին տասը տարվա ընթացքում նախադպրոցական կրթության ոլորտում առնվազն երեք տարվա մանկավարժության ստաժ:
Պահանջվող թեկնածուի մակարդակը: Չսահմանված
Լրացուցիչ տեղեկություն
Ներկայացված փաստաթղթերի բնօրինակները համեմատվում է պատճենների հետ և բնօրինակները վերադարձվում է դիմում ներկայացնող անձին: Եթե ներկայացված փաստաթղթերի ցանկն ամբողջական չէ կամ առկա են թերություններ, մասնակիցը կարող է մինչև փաստաթղթերի ընդունման ժամկետի ավարտը վերցնել և համալրել դրանք:
Փաստաթղթերն ընդունվում են մինչև հուլիսի 11-ը ներառյալ, ամեն օր՝ ժամը 08:30-17:30, բացի շաբաթ, կիրակի և ոչ աշխատանքային այլ օրերից:
Հասցե՝ քաղաք Երևան, Տերյան 105, 19-րդ մասնաշենք:
Հեռախոսահամար՝ (010) 581100 /ներքին – 3/ Էլեկտրոնային փոստի հասցե՝ kindergarten@polytechnic.am
Մասնագիտական հմտություններ
Մանկավարժական մատուցում
Անձնական հմտություններ
Դրական վերաբերմունք
Ժամանակի կառավարում
Խնդիրների լուծում
Ճկունություն
Ուշադիր
Մենթորություն
Ներկայացման հմտություններ
Նպատակասլաց
Սթրեսակայունություն
Արագ կողմնորոշվելու կարողություն
Տարածեք այս հայտարարությունը սոց․ մեդիայի միջոցով։
Ընկերության մասին
Հայաստանի ազգային պոլիտեխնիկական համալսարանը հանրապետության միակ ինժեներական համալսարանն է, այն ստեղծվել է 1933-ին՝ Շինարարական և Քիմիատեխնոլոգիական ինստիտուտների միավորմամբ: ՀԱՊՀ-ն իրավահաջորդն է Կ. Մարքսի անվան պոլիտեխնիկական ինստիտուտի (ԵրՊԻ) և Հայաստանի պետական ճարտարագիտական համալսարանի։ Նորաստեղծ ինստիտուտը, ունենալով 2 ֆակուլտետ և 107 ուսանող, կոչված էր հմուտ կադրեր ապահովելու շինարարական հրապարակի վերածված հանրապետության շինարդյունաբերությանը և բուռն զարգացող քիմիական արդյունաբերությանը: Պոլիտեխնիկականը դարձավ երկրի արդյունաբերության մշտական ուղեկիցը, որի հաջողությունները միաժամանակ և փոխադարձաբար պայմանավորված էին ինստիտուտի ընդլայնմամբ և զարգացմամբ:
Աճելով Հայաստանի արդյունաբերության տեմպերին համընթաց՝ 1980-1985թթ. Պոլիտեխնիկը դարձավ Հայաստանի խոշորագույն բարձրագույն ուսումնական հաստատությունը և Խորհրդային Միության առաջատար ինժեներական դպրոցներից մեկը՝ իր շուրջ 25 հազար ուսանողներով և 65-ից ավելի մասնագիտություններով: 1991թ. նոյեմբերի 29-ին Երևանի պոլիտեխնիկական ինստիտուտը վերակազմակերպվեց՝ անվանվելով Հայաստանի պետական ճարտարագիտական համալսարան(ՀՊՃՀ): ՀՀ Կառավարության որոշմամբ 2005թ. համալսարանին վերադարձվեց նրա ավանդական «Պոլիտեխնիկ» անունը: Իսկ 2014թ. նոյեմբերի 13-ին Հայաստանի պետական ճարտարագիտական համալսարանը վերանվանվեց Հայաստանի ազգային պոլիտեխնիկական համալսարան:
ՀԱՊՀ կենտրոնական կրթահամալիրը գտնվում է Երևանում, իսկ մասնաճյուղերը՝ Գյումրիում, Վանաձորում և Կապանում, որոնք իրենց հերթին մարզի գիտական մտքի հզոր կենտրոններ են: Համալսարանին կից գործում են նաև ՀԱՊՀ նախակրթարանը, ավագ դպրոցը և քոլեջը։
Համալսարանն իրականացնում է միջին, բարձրագույն և հետբուհական մասնագիտական կրթության 4 հիմնական կրթական ծրագրեր` միջին մասնագիտական, բակալավրի, մագիստրոսի և ճարտարագետ հետազոտողի որակավորման աստիճանների շնորհմամբ։
Բացի ուսումնական ստորաբաժանումներից, Համալսարանում գործում են մի շարք աջակցող կենտրոններ, մշակութային, մարզական, սոցիալական և ուսանողական սննդի օբյեկտներ։ Համալսարանն ունի Գիտատեխնիկական գրադարան` ավելի քան 1 միլիոն միավոր գրականությամբ, համակարգչային լայն ցանց` ավելի քան 2000 ժամանակակից համակարգիչներով և տեխնոլոգիական կարողությամբ մի շարք լսարաններ։
Պոլիտեխնիկն այսօր ազգային բարձրագույն տեխնիկական կրթության առաջատարներից է և հեղինակություն է վայելում ոչ միայն մեր երկրում, այլև նրա սահմաններից դուրս։ Այն տեխնիկական գիտությունների խոշոր գիտահետազոտական կենտրոն է։ Այստեղ կատարվում են հետազոտություններ բարդ տեխնիկական համակարգերի մաթեմատիկական մոդելավորման, նանոտեխնոլոգիաների, տեղեկատվական տեխնոլոգիաների և ինֆորմատիկայի, մեքենագիտության և նյութագիտության, էներգետիկայի և էլեկտրատեխնիկայի, ռադիոտեխնիկայի և միկրոէլեկտրոնիկայի, քիմիական տեխնոլոգիաների և մեքենաշինության, ավտոմատացման և կառավարման համակարգերի, ինչպես նաև` կիրառական մաթեմատիկայի բնագավառներում։
Համալսարանում ձևավորվել և շարունակում են ձևավորվել ինստիտուտներ, որոնք խորացված են տվյալ կրթության ոլորտում և միտված են ապահովելու ավելի խորքային գիտելիքներ։ Պոլիտեխնիկն ունի համագործակցության շուրջ 200 պայմանագրեր միջազգային գործընկեր համալսարանների և հետազոտական կենտրոնների հետ ամբողջ աշխարհում: Համալսարանում տարեկան իրականացվում են ավելի քան 30 միջազգային գիտահետազոտական և դրամաշնորհային ծրագրեր: Դրանք ֆինանսավորվում են տարբեր միջազգային գործակալությունների և ֆոնդերի կողմից, ինչպիսիք են՝ «Erasmus+», ESPAQ, «DOCMEN», «MARUEEB», «InnoCENS» և «eDrone»: ՀԱՊՀ-ի ոչ ակադեմիական ակտիվ գործընկերների շարքում կարելի է առանձնացնել Synopsys, National Instruments, Microsoft, Kaspersky Lab, Autodesk, Magate, Chronimet Mining, Impex High Tech, Schneider Electric, Simens, Beelin, РосАтом, «Տաշիր Գրուպ» և մի շարք այլ առաջատար միջազգային ընկերություններ և հաստատություններ: Համալսարանը, արդեն երկար տարիներ հաջողությամբ մասնակցելով մի շարք գիտահետազոտական (INTAS, USAID, NATO Science, SCOPES, DAAD, FP, МНТЦ և այլն) ծրագրերի, սերտորեն անդամակցում է բազմաթիվ առաջատար արտասահմանյան բուհեր և գիտահետազոտական կենտրոններ միավորող այլ կոնսորցիումների: ՀԱՊՀ-ն խրախուսում է ուսանողների մասնակցությունը փոխանակման ծրագրերում: Համալսարանի ուսանողական համակազմի անքակտելի մասն են կազմում օտարերկրյա ուսանողները: Պոլիտեխնիկում գիտական հետազոտություններն անցկացվում են ինչպես ինստիտուտներում/ֆակուլտետներում, այնպես էլ հետազոտական բազային լաբորատորիաներում։ Գործում են գիտությունների թեկնածուի և դոկտորի գիտական աստիճանների շնորհման 6 մասնագիտացված խորհուրդներ։
Իր գործունեության 90 տարիների ընթացքում Պոլիտեխնիկը երկրին տվել է ավելի քան 130 հազար շրջանավարտ, որոնք ձևավորել են Հայաստանի Հանրապետության ճարտարագիտական ներուժը, գիտատեխնիկական հանրությունը և արդյունաբերական ղեկավարությունը։
Հասցեն անփոփոխ․ ինժեներական խաչմերուկ՝ Պոլիտեխնիկ
www.polytech.am
Դիտել ավելին
Դիտել հակիրճ
Արտոնությունների փաթեթ
Կոնտակտներ
Վեբ կայք https://polytech.am/
Հեռախոսահամար` +37410563520
Հասցե՝ 105 Տերյան փողոց, Երևան, Հայաստանի Հանրապետություն