"SOS Children's Villages" Armenian Charity Foundation

Աշխատանքի նկարագրություն՝

"Երևան" մասնաճյուղի "Երևան" ընտանիքների ամրապնդման ծրագրի համակարգողի ղեկավարության ներքո, սոցիալական աշխատողը աջակցում է ընտանիքների ամրապնդման ոլորտում ծրագրի զարգացմանը՝ ելնելով կազմակերպության տեսլականի, առաքելության, արժեքների, ինչպես նաև ապրանքանիշի և հաստատված ռազմավարությունների, քաղաքականությունների և ուղեցույցների պահանջներից:

Սոցիալական աշխատողը պատասխանատու է աջակցելու մանկալքության վտանգի ենթակա և/կամ դժվարին իրավիճակում հայտնված երեխաներին և նրանց ընտանիքներին, ինչը ներառում է անմիջական աշխատանք երեխաների, ծնողների (խնամակալների) և համայնքների հետ, հիմնվելով մասնագիտացված սոցիալական աշխատանքի փորձի, էթիկայի և արժեքների վրա, ընտանիքների շարունակական զարգացման և ինքնաբավության հասնելու նպատակով:

/am/erewan-masnachyowghi-sotsialakan-ashkhatogh-12

Աշխատանքային պարտականություններ

• Աջակցել ընտանիքների ամրապնդման ծրագրի համակարգողին՝ որակյալ ծառայություններ մատուցելու և վերջիններս կատարելագործելու ուղղությամբ:
• Ելնելով տարբեր աղբյուրներից (ուղղորդման, ինքնուղղորդման, բացահայտման), աջակցել դեպքերի հայտնաբերմանը, որոնք առնչվում են այն երեխաներին, ովքեր կանգնած են իրենց կենսաբանական ընտանիքների խնամքից զրկվելու վտանգի առաջ:
• Սերտ համագործակցելով բազմամասնագիտական թիմի հետ և օգտագործելով տարբեր աղբյուրներ, սոցիալական աշխատանքի մեթոդներ՝ իրականացնել երեխաների և ընտանիքների բազմակողմանի գնահատում՝ նրանց կարիքները, ինչպես նաև ուժեղ կողմերը հայտնաբերելու և համարժեք ծառայություններ սահմանելու համար:
• Բազմամասնագիտական թիմի, խնամակալների և երեխաների ակտիվ մասնակցությամբ պատրաստել ընտանիքի զարգացման պլաններ:
• Համագործակցելով այլ կառույցների հետ կազմակերպել, ապահովել և համակարգել ընտանիքների զարգացման պլաններով նախատեսված ծառայությունների մատուցումը՝ երեխաներին և ընտանիքներին:
• Ծրագրային շրջանակներում մշտապես կապ պահպանել երեխաների և նրանց ընտանիքների հետ՝ ընտանիքի զարգացման պլանի իրականացման ողջ ընթացքում՝ հեռախոսազանգերի, տնայցերի և հանդիպումների միջոցով:
• Հիմնվելով ՀՀ օրենսդրության և/կամ ՍՕՍ ՄԳ միջազգային կազմակերպության ուղեցույցների պահանջների վրա, պատշաճ կերպով փաստաթղթավորել դեպքի վարման բոլոր փուլերի ընթացքում իրականացված երեխային/ընտանիքին առընչվող գործողությունները և միջամտությունները՝ կիրառելով տեղեկատվության հավաքագրման մեթոդներ և գործիքներ:
• Ընտանիքի զարգացման պլանով սահմանված նպատակների ուղղությամբ պարբերաբար իրականացնել երեխայի/ընտանիքի կարիքների և զարգացման վերագնահատում, այնուհետև որոշում կայացնել դեպքի փակման վերաբերյալ՝ համագործակցելով բազմամասնագիտական թիմի և ընտանիքի անդամների հետ:
• Ընտանիքների ամրապնդման ծրագրի տվյալների բազա մշտապես մուտքագրել տվյալներ՝ ապահովելով վերջիններիս որակը և օգտագործել զեկույցներն ու մուտքագրված տվյալները՝ երեխաների և ընտանիքների անհատական զարգացումը վերահսկելու նպատակով: Ընտանիքների ամրապնդման ծրագրի համակարգողին ապահովել արդի պահանջների վերաբերյալ նոր տեղեկատվությամբ, ինչպիսիք են նոր զեկույցները, երեխաների իրավունքների պաշտպանության կամ սոցիալական այլ ոլորտներին առընչվող իրավական դաշտի փոփոխությունները:
• Ընտանիքների ամրապնդման ծրագրի համակարգողի պահանջով՝ ազգային օրենսդրությանը համապատասխան, երեխաների պաշտպանության պետական հաստատություններին մշտապես տեղեկացնել դեպքերի վարման ընթացքի վերաբերյալ:
• Աջակցել ծրագրի համակարգողին՝ ընտանիքների ամրապնդման սոցիալական ծրագրի արտաքին գնահատման և ինքնագնահատման գործընթացում:
• Պարբերաբար հավաքել տեղեկատվություն՝ ծրագրի վերահսկման և գնահատման պլանում սահմանված տարբեր ցուցանիշների վերաբերյալ և զեկուցել ծրագրի համակարգողին, ինչպես նաև աջակցել վերջինիս՝ համապատասխան հաշվետվությունների ստեղծման գործում:
• Պարբերաբար մասնակցել խմբակային մասնագիտական քննարկումներին, ինչպես նաև անհատական և խմբակային սուպերվիզիաներին:
• Պահպանել անձնական և մասնագիտական զարգացումը, որպեսզի համապատասխանել փոփոխվող աշխատանքային պահանջներին: Մասնակցել վերապատրաստումներին և հետևողական լինել կազմակերպչական գործընթացներին, օրենսդրությանը և մասնագիտական պրակտիկայի կատարելագործմանը:
• Պարբերաբար կապ պահպանել ծառայություններ մատուցողների հետ՝ ապահովելով ծառայությունների մատուցման համապատասխանությունն ընտանիքի զարգացման պլանով նախատեսված գործողություններին և նպատակներին:
• Ջատագովել յուրաքանչյուր երեխայի կամ նրա ընտանիքի համար՝ վերջիններիս սոցիալական իրավունքներն պաշտպանելու կամ անհրաժեշտ ծառայություններ ստանալու համար:
• Ներդրում ունենալ ընտանիքների ամրապնդման սոցիալական ծրագրի կողմից ձեռնարկված համայնքի զարգացման գործում՝ մասնավորապես իրազեկվածության բարձրացմանն ուղղված միջոցառումների, համայնքային ռեսուրսների մոբիլիզացիային ուղղված քայլերի և համայնքային գործընկերների ունակությունների ձևավորման միջոցով:
• Աջակցել ընտանիքների ամրապնդման սոցիալական ծրագրի համակարգողին՝ լավագույն փորձի և հուզիչ պատմությունների փաստաթղթավորման գործընթացում:
• Պարբերաբար հետևել սոցիալական ոլորտի զարգացումներին, ինչպես նաև ազգային օրենսդրության փոփոխություններին, քաղաքականություններին, պրակտիկային, որոնք առնչվում են թիրախային խմբում գտնվող երեխաներին:

Անհրաժեշտ հմտություններ

• Բարձրագույն կրթություն սոցիալական աշխատանքի ոլորտում;
• Առնվազն 3 տարվա սոցիալական աշխատանքի փորձ։
• Երեխաների իրավունքների պաշտպանության ոլորտին առնչվող իրավական և ընթացակարգային փաստաթղթերի գերազանց իմացություն։
• Հայերեն և ռուսերեն լեզուների գերազանց իմացություն, անգլերեն լեզվի իմացությունը դիտարկվում է որպես առավելություն:
• Հաղորդակցության հմտություններ։
• Սուղ ժամկետներում և լարված իրավիճակներում աշխատելու կարողություն:

Պահանջվող թեկնածուի մակարդակը: Ավագ

Լրացուցիչ տեղեկություն