Մեդիագրագիտության վերաբերյալ վերլուծական աշխատանքի կատարման և գործիքակազմի մշակման հայտերի մրցույթ
Վերջնաժամկետ՝ 05 Հուլիս 2024
Աշխատանքի պայմաններ՝ Պայմանագրային
Կատեգորիա՝ Հաղորդակցություն/Լրագրություն/PR
Աշխատանքի տեսակը՝ Ճկուն գրաֆիկ
Գտնվելու վայրը՝ Երևան
Աշխատանքի նկարագրություն՝
Ծառայություն մատուցողը՝ Փորձագետ (անհատ կամ թիմ)
Աշխատանքի բնույթը՝ Հետազոտության անցկացում, մեդիագրագիտության գործիքակազմի մշակում և քարոզարշավի մշակում
Վայրը՝ ՀՀ մարզեր, Երևան
Ծրագիրը՝ «ՁԳՏՈՒՄ ավելի լավ ապագայի համար. համայնքների և քաղաքացիական հասարակության դիմակայունություն Հայաստանում (STRIVE)»
Հաշվետու է՝ «STRIVE» ծրագրի ղեկավարին
Աշխատանքների իրականացման տևողություն՝ 2 ամիս, ակնկալվող սկիզբ՝ 2024թ. հուլիս
Դիմելու վերջնաժամկետ՝ 2024թ. հուլիսի 5
ԱՌԱՋԱԴՐԱՆՔԻ ՀԻՄՆԱԿԱՆ ՆՊԱՏԱԿԸ
- «STRIVE» ծրագրի ընդհանուր նկարագիրը
ՁԳՏՈՒՄ ավելի լավ ապագայի համար. համայնքների և քաղաքացիական հասարակության դիմակայունություն Հայաստանում (STRIVE) ծրագիրը նպատակ ունի բարելավել Հայաստանի քաղաքացիական հասարակության կազմակերպությունների (ՔՀԿ-ների) դիմակայունությունը, հաշվետվողականությունը և նորարարության կարողությունները։ Ծրագիրն աջակցում է ՔՀԿ-ների կազմակերպական կարողությունների բարելավմանը, նպատակային ֆինանսական աջակցության տրամադրմանը, ոչ ֆորմալ խմբերի կողմից սոցիալական ինովացիոն ծրագրերի իրականացմանը, ՔՀԿ-ների միջև ցանցերի և համագործակցության ուժեղացմանը, կամավորության և երիտասարդների առաջնորդության զարգացմանը:
Ծրագրի արդյունքներից մեկն այն է, որ ՔՀԿ-ները և մեդիա կազմակերպություններն իրականացնեն ապացույցների վրա հիմնված հետազոտություն և կրթական նախաձեռնություններ՝ պայքարելու ապատեղեկատվության դեմ և բարձրացնելու մեդիագրագիտության և քննադատ մտածողության հմտությունները։
2. Աշխատանքի բովանդակությունը
Ա․ Մշակել մեդիագրագիտության վերաբերյալ վերլուծական աշխատանք` ընդգրկելով քաղաքականություն և շեշտադրելով հետևյալը․
- ՔՀԿ-ների ներկայիս ներգրավվածությունը ապատեղեկատվության դեմ պայքարում
- Փաստերը, որոնք հնարավորություն կտան մեդիա ոլորտը կարգավորող հիմնական դերակատարներին և քաղաքականություն մշակողներին հասկանալու խնդիրները և ձեռնարկելու անհրաժեշտ քաղաքականություն կամ արձագանք
- Հայաստանում մեդիա միջավայրի ներկայիս մարտահրավերները, որոնք անդրադառնում են ՔՀԿ-ների աշխատանքի լուսաբանման և տեսանելիության ապահովման վրա։
Բ․ Նշված քաղաքականությունն իր մեջ պետք է ներառի նաև մեդիագրագիտության վերաբերյալ և ապատեղեկատվությունը հատկորոշելու գործիքակազմ (օրինակ` ինչպես ստուգել տեղեկատվության հուսալիությունը, ինչպես բարելավել քննադատ մտածողությունը և այլն):
Գործիքակազմը պետք է լինի օգտագործողի համար մատչելի և ներառի գործնական տեղեկություն և առաջարկություններ՝ թիրախավորելով բոլոր քաղաքացիներին՝ անկախ կրթությունից, կարծիքից կամ դիրքից։ Գործիքակազմը նախատեսվում է տարածել թվային հարթակներում, ինչպես նաև ՔՀԿ-ների և համայնքային կենտրոնների միջոցով։
/am/mediagragitowtyan-veraberyal-verlowtsakan-ashkhatanki-katarman-ew-gortsikakazmi-mshakman-hayteri-mrtsowyt
Աշխատանքային պարտականություններ
- Իրականացնել մեդիագրագիտության ոլորտում աշխատող քաղհասարակության հիմնական դերակատարների քարտեզագրում և հատկորոշել ոլորտի՝ Հայաստանում առկա խնդիրները և կարիքները
- Կարիքների գնահատման հիման վրա դուրս բերել նոր թեմաներ և ընդգրկել վերլուծական աշխատանքի բովանդակության մեջ
- Մշակել մեդիագրագիտության գործիքակազմ, որը հնարավորինս հասանելի կլինի հաշմանդամություն ունեցող անձանց
- Մշակել վերլուծական աշխատանքի և գործիքակազմի տարածման արշավ՝ STRIVE-ի թիմի կողմից իրականացնելու նպատակով
- Իրականացնել գործիքակազմի վերաբերյալ առցանց/անցանց տեղեկատվական հանդիպումներ ՔՀԿ-ների հետ՝ ներգրավելով 150-200 անձանց
- Վերլուծել արշավների ընթացքում առաջ եկած ռիսկերն ու խնդիրները և նախանշել դրանց կառավարման ուղիները
- Ներկայացնել վերջնական վերլուծական աշխատանքը և գործիքակազմը՝ հայերեն լեզվով, էլեկտրոնային տարբերակով (ներառել նաև կիրառման համար ռուսերեն/անգլերեն հավելյալ նյութեր և հղումներ)։
ԺԱՄԱՆԱԿԱՑՈՒՅՑ/ՀԱՇՎԵՏՎՈՒԹՅՈՒՆ
I. Պայմանագրի կնքման օրվանից 10-րդ օր. Նախնական հաշվետվություն՝ ժամանակացույց, աշխատանքային պլան,, շահառուների, գործընկերների ցանկ։
II. Պայմանագրի կնքման օրվանից 20-րդ օր. Քարտեզագրման և կարիքների գնահատման մասին հաշվետվություն։
III. Պայմանագրի կնքման օրվանից 45-րդ օր. Վերլուծական աշխատանքի և գործիքակազմի նախնական ներկայացում: Արշավի իրականացման նախնական տարբերակի ներկայացում:
IV. Պայմանագրի կնքման օրվանից 60-րդ օր. Վերլուծական աշխատանքի և գործիքակազմի վերջնական հանձնում, առցանց/անցանց իրազեկման հանդիպումների արդյունքների ներկայացում։
Անհրաժեշտ հմտություններ
Պահանջվող որակավորումներ և հմտություններ
- Լրագրության և/կամ հաղորդակցության ոլորտի կրթություն,
- Համապատասխան ոլորտում աշխատանքային փորձ,
- Նմանատիպ հետազոտական աշխատանքների կատարման և ուղեցույցների մշակման փորձ,
- Միջազգային ծրագրերում աշխատելու փորձ,
- Աշխատանքային հանդիպումներ պլանավորելու, իրականացնելու փորձ,
- Հայաստանյան ՔՀԿ-ների մասին տեղեկացվածություն,
- Հայերեն լեզվի լավ իմացություն,
- Վարժ գրելու, վերլուծելու և հաղորդակցման հմտություններ,
- Անհատական և թիմում աշխատելու կարողություն,
- Անգլերեն լեզվի իմացությունը ցանկալի է։
Դիմելու համար պահանջվող փաստաթղթեր
- Ինքնակենսագրական (CV)՝ հնարավորինս բացված ձևաչափով (օր․ Europass ձևաչափով)
- Նախկինում կատարված նմանատիպ աշխատանքների օրինակներ՝ էլեկտրոնային տարբերակով, առկայության դեպքում՝ հղումներով
- Նախատեսվող աշխատանքի մասին հակիրճ նկարագիր՝ ներառյալ բյուջե և ժամանակացույց
- 1-2 երաշխավորների կոնտակտներ (ներառյալ նախորդ գործատուի):
Պահանջվող թեկնածուի մակարդակը: Ավագ
Լրացուցիչ տեղեկություն
Ինչպե՞ս դիմել
Խնդրում ենք հայտադիմումներն ուղարկել հետևյալ էջին՝ https://neareast.bamboohr.com/careers/378
Կապ կհաստատվի միայն ընտրված թեկնածուների հետ։
Անձնական հմտություններ
Վերլուծական հմտություններ
Հետազոտական աշխատանք
Ճշգրտություն
Տարածեք այս հայտարարությունը սոց․ մեդիայի միջոցով։
Կոնտակտներ
Վեբ կայք http://www.neareast.org
Հեռախոսահամար` (098) 022-475
Հասցե՝ 36/7 Mashtots street, Երևան, Հայաստանի Հանրապետություն