Pano LLC

Աշխատանքի նկարագրություն՝

<<Պանո>> Սահմանափակ պատասխանատվությամբ Ընկերությունը աշխատանքի է հրավիրում փորձառու վաճառքի տնօրենի՝ վաճառքի թիմը արդյունավետ կառավարելու և նոր ռազմավարական մոտեցումներ ներդնելու նպատակով։

/am/vacharhki-tnoren-21

Աշխատանքային պարտականություններ

1. Մշակել ռազմավարական նպատակներին հասնելու պլաններ, ընդլայնել գործող շուկան, զարգացնել ընկերության եկամտաբերությունը և դերը շուկայում, ապահովել մրցունակ դիրք,
2. Ղեկավարել և արդյունավետ կազմակերպել վաճառքի բաժնի աշխատանքը,
3. Համակարգել տարեկան վաճառքի և բյուջեի կանխատեսումները,
4. Իրականացնել շուկայում ապրանքների վաճառքի ուսումնասիրություն,
5. Խթանել առևտրի աճի բարձրացումը և բարելավումը,
6. Կազմակերպել ապրանքների ճիշտ և ժամանակին մատակարարումը,
7. Հետևել իրացված ապրանքների դիմաց վճարների ժամանակին ստացմանը,
8. Կատարել տարեկան վաճառքի կանխատեսում վերլուծությունների արդյունքում և ներկայացնել Ընկերության ղեկավարությանը,
9. Հաշվարկել ապրանքների վաճառքի գները՝ ընկերության գնային քաղաքականությանը համապատասխան, կազմակերպել գների իջեցման, զեղչերի, ակցիաների և այլ մարքեթինգային միջոցառումներ,
10. Ստեղծել հաճախորդների, պոտենցիալ գնորդների տարածքային շուկայի արտադրողների հետ հիմնարար կապեր,
11. Կազմել կոմերցիոն առաջարկներ,
12. Իրականացնել դեբիտորական պարտքերի նկատմամբ վերահսկողություն,
13. Խնդրահարույց դեբիտորական պարտքերի հետ կապված ցուցաբերել անհատական մոտեցում, անհրաժեշտության դեպքում համագործակցել իրավախորհրդատուի հետ՝ դատական հայցերի փաստաթղթերի նախապատրաստման հարցերում,
14. Կազմել վաճառքների պլան և իրականցնել վերահսկողություն դրա կատարման նկատմամբ, կազմել վաճառքի կանխատեսում հաջորդ ամսվա համար ոչ ուշ, քան յուրաքանչյուր նախորդ ամսվա 15-ը,
15. Իրականացնել այցեր հաճախորդներին՝ բանակցությունների վարման, արտադրանքի ցուցադրման, ճանաչողական սեմինարների անցկացման նպատակով,
16. Բացահայտել հաճախորդների պահանջները արտադրանքի հետ կապված, տրամադրել պաշաճ տեղեկատվություն Ընկերության համապատասխան ստորաբաժանումներին, համաձայնեցնել հաճախորդների պատվերները և պահեստում առկա տեսականին,
17. Իրականացնել տեղեկատվական աջակցություն հաճախորդներին․ տեղեկացնել հաճախորդներին տեսականու հետ կապված բոլոր փոփոխությունների մասին, գների բարձրացման և նվազման մասին, պահանջարկի խթանման հետ կապված ակցիաների մասին, արտադրանքի պահեստ մուտքագրման ժամկետների մասին,
18. Ընկերության այլ բաժինների հետ ստեղծել և անհրաժեշտ մակարդակի վրա պահել գործնական հարաբերությունները՝ Ընկերության երկարաժամկետ կայուն զարգացման և փոխարդյունավետ համագործակցության նպատակներից ելնելով։
19. Ընկերության տեղեկատվական համակարգերում, մասնավորապես` 1C ծրագրում, պահպանել հաճախորդների արդի տվյալները, թարմացնել տեղեկատվությունը նախագծերի կարգավիճակի և դրանց ժամկետների վերաբերյալ։
20. Վարել վիճակագրություն վաճառքների և առաքումների վերաբերյալ,
21. Աշխատանքային կանոնակարգին համապատասխան ներկայացնել հաշվետվություններ աշխատանքի արդյունքների մասին։
22. Վերահսկել հաճախորդների ֆինանսական կարգապահությունը և զգուշացնել վճարումների ժամկետների մասին:
23. Բոլոր ռազմավարական փաստաթղթերը, մոտեցումներն ու մտահղացումները ներկայացնել Ընկերության տնօրենի հաստատմանը կամ բանավոր համաձայնեցմանը՝ նախքան դրանց պրակտիկապես կիրառելը։
24. Իրականացնել ընկերության ընթացիկ կառավարման հետ կապված այլ աշխատանքներ։

Անհրաժեշտ հմտություններ

• Առնվազն հինգ տարվա աշխատանքային փորձ տվյալ պաշտոնում,
• Շուկայական տնտեսություն, ձեռներեցություն և բիզնես վարելու հիմունքներ,
• Ապրանքների տեսականին, դասակարգումը, բնութագրերը և նպատակը,
• Գնագոյացման մեթոդները, ռազմավարությունը և տակտիկան,
• Շուկայի զարգացման և ապրանքների պահանջարկի ձևավորման օրինաչափությունը,
• Կառավարման, մակրո և միկրո տնտեսության, բիզնեսի վարչարարության տեսությունը,
• Գործնական շփման էթիկան,
• Գործնական կապեր հաստատելու կանոնները,
• Ժամանակակից տեխնիկական կապի և հաղորդակցման միջոցների, համակարգչի օգտագործման մեթոդները․ մասնավորապես կարևոր է MS office-ի և 1C ծրագրի իմացություն,
• Բանակցություններ վարելու գերազանց հմտություններ,
• Թիմ ղեկավարելու գերազանց հմտություններ,
• Սթրեսակայունություն
• Վերլուծական մտածողություն,
• Ժամանակի կառավարման հմտություններ,
• Անգլերենի և ռուսերենի գերազանց իմացություն

Պահանջվող թեկնածուի մակարդակը: Ավագ

Աշխատավարձ: 500000 AMD - 800000 AMD Մաքուր ամսական

Լրացուցիչ տեղեկություն