«Այբ» ակադեմիայի տնօրեն

«Այբ» կրթական շարժման գաղափարը մարդկային կյանքը և մեր երկրի ապագան կրթությամբ վերափոխելն է:

«Այբ» կրթական հիմնադրամը ստեղծվել է 2006 թվականին նրանց կողմից, ովքեր իրենց ձեռքբերումները համարում են կրթության արդյունք և նպատակ ունեն սեփական ներդրմամբ ստեղծելու որակյալ կրթություն ապահովող համակարգեր:

«Այբ» կրթական հիմնադրամի առաքելությունն է՝ ձևավորել սովորելու գերազանցության մշակույթ և աջակցել հայկական կրթության զարգացմանը։ «Այբ»-ն իր գործունեության ընթացքում նախաձեռնել է բազմաթիվ կրթական նախագծեր՝ խթանելով համակարգային փոփոխություններ կրթության ոլորտում: Մենք ձգտում ենք Հայաստանը դարձնել միջազգային չափանիշներին համապատասխան հայալեզու կրթական նոր ու որակյալ հարթակ ապահովող երկիր: