Սննդի որակի վերահսկման մասնագետ

ՄԵՐ ՊԱՏՄՈՒԹՅՈՒՆԸ ․ ․ ․ ՄԵՆՔ ՍՏԵՂԾՈՒՄ ԵՆՔ ՊԱՏՄՈՒԹՅՈՒՆ

Մր. Գիրոս ընկերությունը հունական արագ սննդի ցանց է, որը հիմնադրվել է 2009 թվականի մայիսի 1-ին: Մեր առաջին մասնաճյուղն իր դռները բացել է Թումանյան 40 հասցեում և բավականին կարճ ժամանակահատվածում հասցրել է սիրվել մեր հաճախորդների կողմից: Շնորհիվ հաճախորդամետ մոտեցման՝ մեր ընկերությունը վայելում է մեր մշտական հաճախորդների անկեղծ սերն ու նվիրվածությունը, ինչը մեզ ստիպում է շարունակ կատարելագործվել և ընդլայնվել: Մր․ Գիրոսի ստեղծման պատմությունը լի է հաջողություններով և նորարարություններով։ Այսօր, արդեն, մենք ունենք 13 մասնաճյուղ Երևան քաղաքում:

ՄԵՐ ԱՇԽԱՏԱԿԻՑՆԵՐԸ Մր․ Գիրոս ընկերությունը դեմ է խտրականության ցանկացած դրսևորման և փորձում է հնարավորություն ընձեռել յուրաքանչյուր դիմորդի, ով ցանկանում է աշխատել ընկերությունում։ Մենք խրախուսում ենք հատկապես ուսանողներին՝ այդ կերպ փորձելով լուծել նաև երիտասարդների զբաղվածության խնդիրը։ Դառնալով Մր․ Գիրոս ընկերության աշխատակից՝ Դուք դառնում եք Մր․ Գիրոս ընտանիքի կարևոր մասնիկը։ Յուրաքանչյուր աշխատակից պարտավոր է առաջնորդվել մեր ընկերության կարևորագույն աշխատանքային սկզբունքներով՝ Պատասխանատվություն, Կարգապահություն, Թիմային աշխատանք և պահպանել մեր արժեքները՝ Մաքրասիրություն, Հյուրընկալություն, Ճշտապահություն, Պահպանողականություն, Որակ, Արագություն։

Ելնելով մեր կազմակերպության ընդյալման և շարունակական զարգացման միտումներից՝ մեր աշխատակիցները պարբերաբար մասնակցում են վերապատրաստման ծրագրերի և անցնում թեստավորումներ՝ կատարելագործվելու նպատակով։

Մր․ Գիրոս ընկերության յուրաքանչյուր աշխատակից գիտակցում է, թե որքան կարևոր է յուրաքանչյուր հաճախորդի բավարարվածությունը և փորձում մատուցել որակյալ սպասարկում և ծառայություններ։