«Միջնաբերդ Ալկո»-ի գործնեությունը կարելի է բնութագրել հին ավանդույթների և նորարարությունների համադրությամբ: Թիմը բաղկացած է ինչպես փորձառու աշխատակիցներից, ովքեր երկար տարիների փորձ ունեն ալկոհոլային խմիչքների արտադրության մեջ, այնպես էլ երիտասարդներից, որոնք իրենց ստեղծագործ էներգիան կիրառում են մեր աշխատանքում:
«Միջնաբերդ Ալկո»-ի արտադրության տեխնոլոգիան հիմնված է բազմակի ֆրակցիոն թորման վրա և պարունակում է հետևյալ փուլերը`
- մրգի մթերում, մշակում և խյուսի ստացում ՝ հետագա խմորումների համար,
- խմորման արդյունքում խյուսը վերածվում է թորման համար պիտանի նյութի,
- այնուհետև թորման նյութից բազմակի ֆրակցիոն թորման միջոցով ստացվում է բարձրորակ թորվածք (էթիլ սպիրտ):
- ստացված թորվածքը (էթիլ սպիրտը) պահպանվում է բարձրորակ չժանգոտող պողպատե տարաների մեջ ՝ մինչև երկու ամիս ժամկետով, ինչի արդյունքում այն «հանգստանում» է,
- այնուհետև կատարվում է էթիլ սպիրտի կուպաժավորում, կուպաժի մշակում և շշալցում:
Վերոնշյալ գործընթացը ներկայացնում է արտադրության տեխնոլոգիայի կարճ և ընդհանրացված նկարագրությունը, որտեղ ներկայացված չեն բոլոր գաղտնիքները, առանձնահատկություններն ու նրբությունները:
