Ավելի քան 20 տարի օդորակման, ջեռուցման, հովացման և օդափոխության համակարգերի տեղադրմամբ զբաղվող առաջատար ընկերություններից մեկի՝ «Սան-տեք»-ի փորձառության հիման վրա հիմնադրվել է «Սան-հիթ» ընկերությունը:
Առաջ շարժվելով ու տեխնոլոգիական զարգացումների զարկերակը զգալով` 2024-ին հիմնադրվում է «Սան-հիթ» ընկերությունը, որն իր շուրջն է հավաքում ավելի քան 10 տարվա փորձառություն ունեցող արևային կայանների գրագետ չափագրման ու տեղադրման ոլորտի մասնագետների, ովքեր իրենց հարուստ գիտելիքները ներդնում են ընկերության զարգացման, տարածման և հզորացման գործում՝ ապահովելով Հայաստանի տնտեսական առաջընթացը:
Մենք առաջարկում ենք համաշխարհային առաջատար ընկերությունների կողմից արտադրված պրեմիում դասի արևային վահանակներ, փոխակերպիչներ և կուտակիչներ։
Արևային ընկերությունը եկել է նոր խոսքով, նոր մոտեցումներով ու այն տեսլականով, որ անհրաժեշտ է Հայաստանում ամրապնդել այլընտրանքային էներգետիկ անվտանգության հնարավորությունները: Մենք առաջարկում ենք այլընտրանքային էներգիայի կիրառման արդյունքում հասնել բնական գազի նկատմամբ առավելության:
Այս ամենը իրականություն է դառնում, քանի որ մենք առաջարկում ենք նորարական լուծումներով օդորակման, ջեռուցման, հովացման և օդափոխության համակարգերի նախագծում և տեղադրում, որով ամբողջովին կարևայնացնեք ձեր տարածքը:
Իսկ Ձեր էլեկտրական ավտոմեքենան կարող եք լիցքավորել մեր էլեկտրական լիցքավորիչ կայանների միջոցով:
Մենք վերցնում ենք արևի ճառագայթները ու նվազեցնում ձեր ծախսերը՝ ապահովելով կայուն որակ:
