Մեր օրերում յուրահատուկ, առանձնացող մտքերի համախմբումը, խնդրին տարբեր տեսանկյուններից մոտենալն ու արդյունավետ լուծում գտնելը, նոր ինֆորմացիան արագ ընդունելը և առհասարակ նոր գիտելիքներ ստանալու պատրաստակամությունը կարող են օգնել ոչ միայն լուծել առօրյայում առաջացող խնդիրները, այլ նաև գտնել աշխատանք։
Մարդկանց մեծամասնությունը ստեղծարար մտածողությունն ասոցացնում է արվեստի ամենատարբեր ճյուղերի հետ, օրինակ՝ վեպ գրելու, կտավ նկարելու կամ երաժշտություն հորինելու: Բայց սա, իհարկե, ամենևին էլ լիարժեք նկարագիր չէ մտածողության այս տեսակի համար: Հարկ է նշել, որ կրեատիվ մտածողները հանդիպում են ամենատարբեր ոլորտներում:
Ստորև Ձեզ ենք ներկայացնում staff.am հարթակում տեղադրված թափուր աշխատատեղերը ծրագրավորման, մարքեթինգի ու վաճառքի, ճարտարապետության, ժուռնալիստիկայի, դիզայնի և այլ բնագավառներում, որոնց դիմելու համար անհրաժեշտ է ստեղծարար մտածողություն։
Digitain– UI/UX ԴԻԶԱՅՆԵՐ
Digitain–ը սպորտային խաղադրույքների և խաղատան հարթակ մատակարարող ընկերություն է, որը ցանկանում է համագործակցել ճարպիկ ու ստեղծարար UI/UX դիզայների հետ։
10WEB – ԿՐԵԱՏԻՎ ԼՐԱԳՐՈՂ/ ԿՈՆՏԵՆՏ ՄՇԱԿՈՂ
10WEB–ը տեղեկատվական տեխնոլոգիաների ոլորտում առաջատար ընկերություններից է, ցանկանում է համալրել իր ընկերության թիմն աշխատասեր, կրեատիվ և տաղանդավոր լրագրողով:
Allabout.me – ԳՐԱՖԻԿ ԴԻԶԱՅՆԵՐ
AllAbout.me–ի գործունեության շրջանակը ՏՏ ոլորտում բարձր տեխնոլոգիաների նախագծումը և ծրագրավորումն է։ Պրոֆեսիոնալ մշակող-նախագծողների միջազգային թիմը փնտրում է հետաքրքիր, շնորհալի և, իհարկե, ստեղծարար մտածողության տեր աշխատակցի։
STDev– UI/UX ԴԻԶԱՅՆԵՐ
STDev տարբեր ոլորտներում փորձառություն ունեցող մասնագետների թիմը փնտրում է UI/UX դիզայներ, ով կլինի ճկուն, ուշադիր ու նախաձեռնող։
Ucom – ԿՐՏՍԵՐ ԴԻԶԱՅՆԵՐ
Կապի առաջատար օպերատորներից Ucom ընկերությունը, որը սպառողին տրամադրում է նորագույն տեխնոլոգիաներով համակցված բարձրորակ ծառայություններ, համագործակցության է հրավիրում կրտսեր դիզայների, ով կունենա դիզայնի հմտություններ, առաջնահերթությունները որոշելու և կրեատիվ առաջադրանքներ կատարելու կարողություն։
Caucasus Holidays – ԹՎԱՅԻՆ ՄԱՐՔԵԹԻՆԳԻ ՄԱՍՆԱԳԵՏ
Caucasus Holidays տուրիստական կազմակերպությունը, որը մասնագիտացված է մշակութային, կրոնական, արկածային տուրիզմի տուրեր կազմակերպելու ոլորտում, ունի թվային մարքեթինգի մասնագետի թափուր հաստիք: Աշխատասեր և ստեղծարա՞ր եք, սիրո՞ւմ եք թիմային աշխատանք, ուրեմն աշխատանքի այս առաջարկը Ձեզ համար է:
2HZ – ՍՈՑ․ ՄԵԴԻԱ ՄԱՐՔԵԹԻՆԳԻ ՄԱՍՆԱԳԵՏ
2HZ միջազգային ընկերությունը, որը մասնագիտացած է արհեստական բանականության հիման վրա խոսքի մշակման տեխնոլոգիաներում, հրավիրում է աշխատելու իր ստարթափ թիմում սոց. մեդիա մարքեթինգի ոլորտում փորձառու, որակավորված, և ամենակարևորը ՝ ստեղծագործ մասնագետի։
Disperse – ՍՏԱՐԹ-ԱՓ ՃԱՐՏԱՐԱՊԵՏ
Disperse նորաբաց միջազգային ստարթափ թիմը, որը ճարտարապետության ոլորտում առաջարկում է արհեստական բանականության վրա հիմնված տեխնոլոգիական լուծումներ, փնտրում է ճարտարապետ, ով կլինի նախաձեռնող ու խնդիրներին կտա արդյունավետ, պրոֆեսիոնալ և հետաքրքիր լուծումներ:
Control Print – ԴԻԶԱՅՆԵՐ
Control Print գովազդային, տպագրական և դիզայներական գործակալությունը աշխատանքի է հրավիրում հմուտ դիզայների, ով կկարողանա խնդիրներին արդյունավետ լուծումներ տալ ՝ բացառիկ ստեղծագործականության շնորհիվ։
Deltapro – ՄԱՐՔԵԹԻՆԳ ՄԵՆԵՋԵՐ
Deltapro շինարարական ընկերությանը, որը տարիներ շարունակ հանդես է գալիս որպես լավագույն լուծումների առաջարկողը հայաստանյան շուկայում, անհրաժեշտ է ստեղծարար, վերլուծական և ռազմավարական մտածողություն ունեցող մարքեթոլոգ։
Իսկ վերջում մի քանի խորհուրդ այն մասին, թե ինչպես զարգացնել ստեղծարար մտածողությունը՝
փորձեք կոտրել կարծրատիպերն ու մտածել «քառակուսուց դուրս»,
լայնացրեք Ձեր մտահորիզոնը՝ կարդալով գրքեր, որոնք ոչ մի առնչություն չունեն Ձեր մասնագիտության հետ, կամ մասնակցելով տարբեր ոլորտներում կազմակերպվող միջոցառումների,
խնդիրներին նայեք մի քանի տեսանկյունից, այդպիսով անհրաժեշտ լուծումների քանակը անհամեմատ շատ կլինի,
լուծեք հանելուկներ ու խաչբառ,
մի սահմանափակեք Ձեր երևակայությունը,
բացահայտեք աշխարհը, որը գտնվում է Ձեր հարմարավետության գոտուց դուրս։
