Նոյեմբերի 29-ին Engineering City-ում տեղի կունենա BDA Armenia (Business Development Advisors) և staff.am համագործակցությանն ուղղված միջոցառումը՝ նպատակ ունենալով աջակցել և հզորացնել միջազգային, ստարթափ և գործող ընկերություններին, ինչպես նաև օգնել գտնել համապատասխան մասնագետներ՝ HR & Գործատուի բրենդավորման արդյունավետ գործիքներ կիրառելու շնորհիվ։

Միջոցառման ընթացքում մասնակիցներին կներկայացվեն այն առավելությունները և հնարավորությունները, որոնք կարող են ձեռք բերել ընկերությունները BDA Armenia-ի և staff.am-ի հետ համագործակցելիս: 

BDA_cover

Միջոցառման մասին առավել մանրամասն կարող եք ծանոթանալ ստորև և հաստատել Ձեր մասնակցությունը՝ անցնելով գրանցման հղմամբ։ Իսկ մինչ միջոցառումը և համագործակցության մեկնարկը, staff.am կարիերայի հարթակը հատուկ հարցազրույց է ունեցել Business Development Advisors կազմակերպության տնօրեն Ամալյա Եղոյանի հետ։

Միջոցառման մանրամասները

Ողջույն Ամալյա, ուրախ ենք  հարցազրույց ունենալ Ձեզ հետ և, այսօր կարող ենք վստահությամբ նշել, զրուցել Հայաստանում ամենաարդի թեմաներից մեկի շուրջ։

editՎերջին ժամանակներս հաճախ ենք լսում միջազգային ընկերություններից, որ ցանկանում են ներկայացուցչություն բացել Հայաստանում և տեխնիկական թիմ հավաքագրել։ Կնշե՞ք խնդրեմ, թե այս ոլորտում ինչ դեր է ստանձնում BDA-ը և ովքեր են հիմնական շահառուները։

Շնորհակալություն հարցազրույցի համար։ Նախ նշեմ, որ վերջին մի քանի տարիների ընթացքում իմ աշխատանքի մեծ մասը նվիրված է եղել նոր ընկերություններին, բիզնեսներին դեպի Հայաստան ուղղորդելուն։ Ունենք բազմաթիվ հաջողության պատմություններ, սակայն կարելի էր ավելի մեծ արդյունքներ գրանցել համակարգված աջակցություն ցուցաբերելու դեպքում։ Շփման մեջ լինելով աշխարհի գրեթե բոլոր մեծ հայկական համայնքների հետ՝ պարզեցի, որ շատերն են ցանկանում  գործարարությամբ զբաղվել հայրենի երկրում, շատերն են հաճախ լսում «ինչու՞» ներդրումներ կատարել Հայաստանում, սակայն քչերին է ցույց տրվում դեպի «Ինչպե՞ս» ճանապարհը… «Ինչպես», որը ներառում է բիզնեսը Հայաստանում սկսելու ճանապարհային քարտեզը՝ ենթակառուցվածքների, կադրերի, գործընկերների, մարտահրավերիների և այլ կարևոր գործոնների համադրմամբ։ Ուրախ եմ, որ Ձեռնարկությունների ինկուբատոր հիմնադրամն ինձ վստահեց իր կողմից 2007 թ.-ին հիմնված «Բիզնես Դեվելոփմենթ Ըդվայզըրս» ընկերության տնօրենի պատասխանատվությունը, որի շրջանակներում էլ կաջակցենք բիզնեսներին ստեղծելու իրենց տեխնոլոգիական, ինժեներական և նորարարական կենտրոնները Հայաստանում։

editԻսկ թիրախային ի՞նչ նպատակներ ունի BDA-ը և ի՞նչ գործիքներ են կիրառվում այդ ուղղությամբ։

BDA-ի հիմնական առաքելությունն է դիրքավորել Հայաստանը համաշխարհային շուկայում՝ որպես բիզնեսների համար բարձր տեխնոլոգիական, ինժեներական, նորարար լուծումներ ձևավորող մրցունակ երկիր՝ հիմնված ստեղծագործ մտքի, ճկունության և միջազգային չափորոշիչներին համապատասխան բիզնես էթիկայի վրա։

Մեր երեք հիմնական ուղղություններն են՝

rec (1)Խթանել միջազգային ընկերություններին հիմնել իրենց տեխնոլոգիական, ինժեներական, նորարարության կենտրոնները, մասնաճյուղերը Հայաստանում։

rec (1)Աջակցել արտապատվիրման և արտահանման շուկայի ընդլայնմանը՝ շեշտադրելով հայկական ընկերությունների արժեքները, կարողություններն ու առկա հաջողությունները։

rec (1)Աջակցել հայկական սկսնակ ընկերություններին վաճառել իրենց արտադրանքը միջազգային շուկայում, ինչպես նաև գտնել համապատասխան գործընկերներ։

rec (1)Կազմակերպել բիզնես ուղղվածությամբ միջոցառումներ միջազգային գործընկերներին հայաստանյան շուկան ներկայացնելու նպատակով…

Այսինքն, եթե կարճ ասեմ՝ նոր աշխատատեղեր, նոր շուկա, նոր կապեր և գործընկերներ։

Մեր կողմից կիրառվող գործիքներն՝ ուղղված վերը նշվածի իրագործմանը, ամփոփվելու են մեկ կարևոր գործոնի մեջ՝ ինքս միշտ հասանելի եմ լինելու պատասխանելու այն մարդկանց հարցերին ու մտահոգություններին, ովքեր ցանկանում են հիմնել բիզնես, բայց չգիտեն ինչպես….օգնականի միջոցով շփումներ չի լինելու, էլեկտրոնային նամակներս էլ անձամբ եմ կարդում ու պատասխանում ։)

editՄիանշանակ, չենք չափազանցնի, եթե ասենք, որ Հայաստանը դառնում է տեխնիկական ոլորտի մասնագետների մայրաքաղաք ամբողջ աշխարհում և օրեցօր աճում է ներդրումային գրավչությունը։ Ի՞նչ քայլեր են նախատեսվում տեխնիկական տաղանդներին և նորաբաց ընկերություններին միմյանց ներկայացնելու ուղղությամբ։

Հարցադրումը շատ կարևոր է, քանի որ ներդրողների ու մեր երկրի միջև էմոցիոնալ ու էթիկական  կապվածության ձևավորումից հետո, հերթը հասնում է մտավոր կապի ստեղծմանը, որի կրողը առկա մասնագիտական պոտենցիալն է… Համաձայն չեմ, որ ռեսուրսներ չունենք, այլ կնշեմ, որ ռեսուրսների գնահատումը և դասակարգումը համակարգված չէ…Ահա թե ինչու մեր առաջին գործընկերը staff.am ընկերությունն է լինելու։ Մեր համագործակցության մեկնարկը կտրվի նոյեմբերի 29-ին։ Վստահ եմ, որ staff.am և BDA ջանքերով մեր երկիր մուտք գործող կամ հենց մեր երկրում արդեն առկա ու մեծանալ ցանկացող ընկերություններն ու տաղանդաշատ մասնագետները կհանդիպեն…

BDA_ISB
ՀՀ-ում Ֆրանկոֆոնիա գագաթնաժողովի շրջանակներում անցկացված տնտեսական ֆորումի արդյունքում ISB ընկերության ներկայացուցիչ Գևորգ Թորոսյանը հետաքրքրություն է հայտնել Հայաստանի բարձր տեխնոլոգիաների ոլորտում ներդրում անելու և ISB հետազոտական կենտրոն հիմնելու կապակցությամբ։ ISB ընկերությունն իր գործունեությունը մեկնարկելու նպատակով համագործակցում է BDA-ի և staff.am-ի հետ։

editԱկնառու է Ձեր գործունեությունը․ իսկ ապագայում ինչպիսի՞ հեռանկարներ կան BDA-ի գործունեության ընդլայնման հետ կապված։

Հայաստանում իրականում շարունակում ենք այն, ինչ անում էինք վերջին տարիների ընթացքում, պարզապես փաթեթավորում ենք բոլոր ծառայությունները, թիրախավորում ենք, հաղորդում նոր որակ և ներկայացնում մեր հեռանկարային գործընկերներին։ Չի բացառվում, որ ընդլայնենք ծառայությունների շրջանակը՝ կախված կոնկրետ պահանջներից։ Առհասարակ, ուզում եմ նշել, որ մեզ հետ աշխատանքը նաև ունի ճկունության մեծ տոկոս, քանի որ ի վերջո նպատակ ունենք տեսնել տվյալ բիզնեսին Հայաստանում՝ համոզված լինելով, որ մեր երկիրը սիրված, գնահատված և ցանկալի կետ է վերջիններիս համար։

editԵվ վերջում, կարող ենք եզրափակել մեր հարցազրույցը Ձեր մասնագիտական խորհուրդներով։ Ինչ խորհուրդ կտայիք այն ընկերություններին, որոնք ցանկանում են Հայաստանում #tech բիզնես ոլորտում առաջին քայլերը կատարել։

button   Ճանաչել Հայաստանը,ուսումնասիրել մեր երկրի մշակույթը, բնությունը, ճարտարապետությունը ու ամենակարևորը՝ մարդկանց հոգին ու հոգեբանությունը, սկսել ճիշտ և փորձառու անձանց հետ, նշում եմ անձանց, որովհետև յուրաքանչյուր հարաբերությունում անկախ կառույցի հայտնի լինելուց կարևոր են այն անհատները, ում հետ սկսվում են առաջին քայլերը….սրա արդյունքում կառաջանա էմոցիոնալ կապ մեր երկրի հետ։

buttonՄիանգամից չկենտրոնանալ գեղեցիկ չափազանցված ու «ամենա» նախածանցը պարունակող դրական բառերի վրա… հասկանալ մարտահրավերները, հնարավոր ձախողումների սցենարները, երկրում առկա բարդություններն ու խնդիրները… սրա արդյունքում կառաջանա էթիկական կապ մեր երկրի ու մեզ հետ և կշահենք բոլորս, եթե բիզնեսը կամ ներդրողը, ճիշտ համադրելով հնարավորություններն ու մարտահրավերները, խնդիրներն ու սպասվելիք օգուտները, ցանկություն կհայտնեն աշխատել մեր երկրում։

buttonԱնկախ վերը նշված կարևոր կետերից, ամենակարևորներից է պահանջվող մասնագետների հայտնաբերումը։ Հմուտ մասնագիտական ռեսուրսներ, գործընկերներ, համապատասխան հմտություններով աշխատուժ…պետք է նշեմ մեկ անգամ ևս, որ Հայաստանում առկա է պոտենցիալ և այս պոտենցիալի թիրախային դասակարգման ու համակարգման միջոցով կարելի կլինի ունենալ հաջողված ներդրումային միջազգային պայմանագրեր։ Կարող է մի փոքր այլ կերպ հնչի, բայց ուզում եմ ավարտել այսպես՝ գործարքները, որոնք կնքվում են խորովածի ու խմիչքի սեղանի շուրջ նեղ ընկերական շրջապատի ազդեցությամբ, ենթակա են անարդյունավետ ու ձախողված շարունակության, որն անուղղակիորեն վնասում է մեր երկրի համբավը և պատճառ հանդիսանում սուբյեկտիվ գնահատականների…պետք է աշխատել մասնագետների, փորձառուների հետ՝ իրավաբանական ու ֆինանսական խորհրդատվական համակարգերի մշտական ներգրավմամբ։

Մեր թիմը պատրաստ է ծախսել օրական 24 ժամ, միայն թե վստահ լինենք, որ մեր երկրին նկատած և աշխատել ցանկացող յուրաքանչյուր ոք Հայաստանի մասին խոսելու է հպարտությամբ:

Շնորհակալություն ենք հայտնում Ամալյա Եղոյանին օգտակար հարցազրույցի և BDA Armenia-ի գործունեության մասին առավել մանրամասն տեղեկատվություն տրամադրելու համար։ 

BDA Armenia-ի հետ կապ հաստատելու համար կարող եք հետևել ստորև կոնտակտային տվյալներին`

facebook (1)

Business Development Advisors

mail

info@ebusinessadvise.com

Powered by staff.am.