«Առողջը նույնպես կարող է լինել համեղ»,- հանդիպում-զրույց սննդաբան (դիետոլոգ), գաստրոէնտերոլոգ Վարդանուշ Պետրոսյանի հետ

3503

Այս անգամ մեր հանդիպում-զրույցը սննդաբան (դիետոլոգ), գաստրոէնտերոլոգ և պարզապես լավ մարդ Վարդանուշ Պետրոսյանի հետ է:

Նախ շնորհակալություն ենք հայտնում տրամադրած ժամանակի և հյուրընկալության համար, հաճախ ենք թիմով լինում այստեղ և միշտ շատ գոհ հեռանում:

Վարդանուշ, Դուք առողջ և ճիշտ սննդի ջատագով եք և շատ հարուստ փորձ ունեք այս ոլորտում՝ օգնելով բազմաթիվ մարդկանց որդեգրել առողջ ապրելակերպը:
StaffBlog-ում շատ ենք կարևորում մեր ունկնդրին հետաքրքիր և օգտակար ընթերցանությամբ ապահովելը, և հավատացած ենք, որ աշխատավայրում օրվա մեծ մասն անցկացնող ընթերցողին, և առհասարակ բոլորին էլ կհետաքրքրի այն օգտակար խորհուրդները, որոնք ակնկալում ենք Ձեզանից:

– Հարգելի Վարդանուշ, կխնդրեի մի փոքր պատմել Ձեր գործունեության և Ինգրիդիենտի ստեղծման մասին, որն արդեն նման է մի մեծ ընտանիքի իր պրոֆեսիոնալ աշխատակազմով և հավատարիմ հաճախորդներով:

DSCN0760

Ինգրեդիենտի պատմությունը կախված է իմ սննդաբան աշխատելու հետ: 2004 թվականից սկսվել է խորհրդատվական տարբերակով, որպես բժիշկ-սննդաբան: Ժամանակի ընթացքում կարիք առաջացավ նշանակումներ կատարելու, սակայն դրանք հասանելի չէին շուկայում (անշաքար դեսերտներ, ամբողջահատիկ մակարոնեղեն, անգլյուտեն հացեր): Կար պահանջարկ, բայց արտադրողներ չկային, ահա այստեղից էլ առաջացավ գաղափարը՝ ստեղծել սրճարան-խանութ, որտեղ նշված բոլոր առողջ սննդամթերքները կլինեին հասանելի: Մեկ տարի առաջ բացվեց Ինգրեդիենտը, այժմ մտածում ենք երկրորդը բացելու մասին: Մեր հիմնական նպատակը մարդկանց կրթելն է ՝ հիմնվելով բժշկական գիտելիքի վրա և ապացուցելը, որ առողջը նույնպես կարող է լինել համեղ, մենք ձանձրալի և տխուր թվացողը մատուցում ենք համեղ և գեղեցիկ: Մեր հաճախորդները մեզ վստահում են:

Առօրյա զբաղվածությունը թույլ չի տալիս աշխատող մարդկանց ճիշտ կազմակերպել սնվելու գրաֆիկը: Ի՞նչ խորհուրդներ կառանձնացնեք նրանց համար:

Սովորաբար տալիս ենք ընդհանուր խորհուրդներ՝ սնվել առողջ, չխմել գազավորված ըմպելիքներ, չուտել տապակած սնունդ: Սակայն եթե խոսքը աշխատող մարդու մասին է, կարող ենք մի փոքր փոփոխություններ կատարել:

tick (3)Նախաճաշել, ճաշել – կարևորել սնունդը և ուտել
Շատերն առավոտյան շտապում են աշխատանքի, չեն նախաճաշում, ճաշի ժամանակ համակարգչի դիմաց ուտում են ինչ-որ մի բան, երբ երեկոյան հոգնած գալիս են տուն, փորձում են օրվա հոգնածությունը սննդի միջոցով կոտրել: Սնունդը՝ որպես վառելիք, պետք է օգտագործել հենց առավոտյան և ցանկալի է օրը սկսել նախաճաշով:

tick (3)Դանդաղեցնել կյանքի տեմպը ուտելու ժամանակ – վայելել սնունդը
Չսնվել ոտքի վրա, չվազել, նստած դանդաղ, երկար ծամել: Գուցե պարզ բաներ են, սակայն շատերի համար իրենց պարզության հետ մեկտեղ՝ անիրականանալի: Իհարկե, կարևոր է՝ ինչ ես ուտում, բայց շատ ավելի կարևոր է՝ թե ինչպես: Պետք է կտրվել աշխատանքի ռիթմից՝ վայելելով ուտելիքը, հակառակ դեպքում օրվա ընթացքում առաջացած բացասական էմոցիաները, աշխատանքում ծագած խնդիրները, հոգսերը կարծես մարդն ուտում է իր սննդի հետ:

tick (3)Չմոռանալ հեղուկի մասին
Օրվա ընթացքում ցանկալի է խմել 1,5-2լ ջուր, եթե իհարկե չկան հակացուցումներ: Կարևոր է չջրազրկվելը, այսինքն չսպասել ծարավի զգացողությանը:
Հետևելով այս երեք խորհուրդներին՝ հավատացած եղեք, որ Ձեր կյանքում շատ փոփոխություններ կլինեն:

Ինչպիսի՞ սնունդ օգտագործել լանչին, որպեսզի չտուժի/բարձրանա մարդու աշխատունակությունը:

PTA06_17_Magnesium_02_Fotolia_147640978_L_Kopie_01

Խոսեցինք ինչպես ուտել, սակայն շատ կարևոր է նաև՝ ինչ ենք ուտում: Խորհուրդ կտամ նախօրոք պատվիրել ուտելիքը, քայլելով գնալ այնտեղ, ճաշել և կրկին վերադառնալ աշխատանքի: Շատ ավելի լավ է քայլել հետո ուտել, քան հակառակը:
Լանչը միայն սնվելու համար չէ, այս ընթացքում շատ կարևոր է քայլելը, հատկապես նստակյաց աշխատանքի դեպքում:
Ցանկալի է ուտել բարդ ածխաջրեր, դրանց են՝ ամբողջահատիկ ցորենը, հաճարը, վարսակի փաթիլները, լոբեղենը, ոսպեղենը, ինչպես նաև բանջարեղենը խաշած, շոգեխաշած, ապուրի ձևով կամ թարմ վիճակում և վերջում կարելի է մի փոքր քաղցր, միրգ կամ հատապտուղ: Ճիշտ սնունդ ընդունելուց հետո դուք չեք զգա ոչ մի ծանրություն, քնելու ցանկություն չի առաջանա, ընդհակառակը, կդառնաք ավելի առույգ:

-Առաջիկայում մեզ սպասվում են շոգ ամառային օրեր, ի՞նչ միջոցներ կարելի է կիրառել աշխատունակությունը և տոնուսը պահպանելու համար:

Fruit-Infused-Waters-from-Green-Blender (1)
Կան ուտելիքներ, որոնք ըստ էության սառեցնում են, օրինակ, ցիտրուսային մրգերը՝ լիմոն, նարինջ, հատապտուղներ, դաղձ: Կարելի է այս բոլոր բաղադրիչներին ավելացնել ջուր և խմել օրվա ընթացքում:

-Վարդանուշ, հետևում ենք Ձեզ և գիտենք, որ անցկացնում եք վարպետաց դասեր ինչպես Ինգրեդիենտի շրջանակներում, այնպես էլ այլ հարթակներում: Առաջիկայում ե՞րբ է նախատեսված հաջորդ վարպետաց դասը:

Շատ վաղուց է ինչ ուզում եմ անել, սակայն վերջերս միշտ հրավիրում են, ուզում եմ սկսել մեզ մոտ: Հունիսի երկրորդ կեսին կլինի աղցանների և սոուսների հետ կապված վարպետաց դաս, դրան հաջորդող շաբաթը՝ դեսերտների: Տեղեկանալու համար կարող եք հետևել իմ մասնագիտական էջին :

Հետևե՛ք վերոնշյալ խորհուրդներին, բարելավե՛ք Ձեր կյանքի որակն ու համը: Սնվե՛ք առողջ և ունեցե՛ք առողջ միտք: Հետևե՛ք մեր StaffBlog -ին նման հետաքրքիր նյութերի համար:

Water-Weight-Gain DSCN0765
DSCN0747
DSCN0748
DSCN0757
DSCN0745եղինակ՝
Շուշանիկ Ղազարյան

Powered by staff.am.