Ժամանակներն արդեն փոխվել են և նախքան ձեռքսեղմումը գործատուի մոտ առաջին տպավորությունը կարող եք թողնել էլեկտրոնային ճանապարհով։ Նոր թափուր աշխատատեղի ի հայտ գալուն պես HR մենեջերները կսկսեն օնլայն փնտրտուքները։
Այս պարագայում նրանց օգնության է հասնում staff.am CV Search Engine-ը (տե՛ս, նկ․ 1)։ Մեկ բաժակ սուրճ կամ թեյ, հանգիստ աշխատանքային մթնոլորտ և ընդամենը որոնման մեկ click staff.am-ում։ Արդյունքն ապշեցուցիչ է․ Ձեր անձնական էջերը պրոֆեսիոնալ կերպով հայտնվում են HR մենեջերների առջև և նրանք փորձում են staff.am ցանցից ընտրել լավագույնին։
Պարզից էլ պարզ է, որ Google-ում որոնման ժամանակ ցուցադրված առաջին երեք արդյունքներն այցելվում են մոտ 2/3 օգտատերերի կողմից։ Նույն կերպ և staff.am-ում։
Համոզված եմ, որ այս պահին Ձեզ անհանգստացնում է այն հարցը, թե ինչպես լրացնել էջը, որ անմիջապես գրավի գործատուի ուշադրությունը։ staff.am Ձեր անձնական էջում ամենակարևոր տարրերից մեկը համառոտ բնութագիրն է։ Բավականին շատ են այն մարդիկ, ովքեր պարզապես ներբեռնում են իրենց փորձի և հմտությունների մասին տվյալները՝ բաց թողնելով ամենակարևորը: Ասես կառուցեք կայք առանց Գլխավոր էջի։
Ահա և StaffBlog-ում ներկայացնում ենք 3 պարզ քայլ Ձեր անհատական բրենդը փայլուն կերպով գործատուին ներկայացնելու համար։
Քայլ 1. Հաշվի առեք գործատուի առանձնահատկությունը
Ձեր համառոտ բնութագիրը և անհրաժեշտ տվյալները լրացրեք կոնկրետ գործատուի համար։ Ով է Գործատուն, ինչ ընկերություն է և ինչպիսի մասնագետ են փնտրում։ Ինքներդ Ձեզ հարցրեք՝
Ի՞նչ կցանկանայիք, որ գործատուն իմանա Ձեր մասին։
Ի՞նչ կցանկանայիք, որ գործատուն անի բնութագիրը կարդալուց հետո։
Ի՞նչ կցանկանայիք, որ գործատուն զգա Ձեր բնութագիրը կարդալուց հետո։
Եթե արդեն ունեք հարցերի պատասխանները, ապա անցնենք հաջորդ քայլին։
Քայլ 2. Պատրաստեք հում բովանդակությունը
Դուք հավանաբար խճճվել եք համառոտ բնութագիր գրելու շատ տարբերակների մեջ, չգիտեք ինչպես գտնել վստահելի ուղեցույց։ Հավատացած եղեք, որ այս հաջորդականությունն առավել ընդունելի է։
Հաղթանակներ։ Մեկ նախադասությամբ նշեք Ձեր ձեռքբերումները, թե ինչ արժեք եք ստեղծել (նոր ծրագրի նախաձեռնում, շահույթի մեծացում շնորհիվ բիզնես կապերի ստեղծման և այլն)։
Արժեքներ և սկզբունքներ: Ներկայացրեք Ձեր արժեքները, գործելաոճը և սկզբունքները, թե ինչն է Ձեզ ոգեշնչում: Օրինակ, կրեատիվությունը, բազմազանությունը և «հաղթել-հաղթել» մոդելի վրա հիմնված հարաբերությունների ստեղծումը։
Ձեր ուժեղ կողմերը։ Նկարագրեք այն հմտությունները, որոնց Դուք վստահորեն ավելի լավ եք տիրապետում, քան մյուսները։ Օրինակ․ «Ես կարող եմ կազմակերպած բիզնես հանդիպումները դարձնել հաճելի և արդյունավետ», կամ «Սիրում եմ լսել ոչ միայն ասված խոսքերը, այլ նաև չասված։ Ինձ ասել են, որ ես ամենալավ ունկնդիրներից եմ»։
Կարևոր վիճակագրական տվյալներ: Ավելացրեք մի քանի փաստեր, հավաստի տվյալներ, օրինակ, իրականացրել եմ 6 տարբեր գործառույթներ բիզնես ոլորտում մինչև Վաճառքի մենեջեր նշանակվելը։
Տարբերակում: Առանձնացրեք հատկանիշներ, որոնք միայն Ձեզ են բնորոշ և տարբերում են մյուս թեկնածուներից, օրինակ․ «Ես սիրում եմ օգտագործել հումորիս զգացումը լարված իրավիճակները հարթելու և թիմին աշխատանքի արդյունքի վրա կենտրոնացնելու համար»։
Մեջբերումներ, պարգևատրումներ: Կարող եք ներառել մեջբերումներ կամ օրինակ Ձեր անունը նշել ինչ-որ հայտնի համալսարանի, հիմնադրամի կամ կազմակերպության հետ։
Այլ կերպ ասած, համառոտ բնութագիրը պետք է լինի Ձեր եռաչափ պատկերը։ Հիշեք, պետք է Ձեր բնութագիրը լինեք ԴՈՒՔ։ Պետք է փայլի Ձեր անհատականությունը։
Քայլ 3. Վճռորոշ քայլ
Ժամանակն է գրենք բնութագիրը։ Առաջին նախադասությամբ սովորաբար պետք է գործատուին ներկայացնել թե ինչ եք անում։ Հմմ․․․ եկեք խուսափենք այդ ոչ օրիգինալ տարբերակից։ Մեր նպատակը կարդալու ցանկություն առաջացնելն է։ Առաջին նախադասությունը նույնիսկ կարող է լինել պռովոկացիոն։ Կարող եք սկսել կամ հարցադրումով, կամ էլ ուղղակի գրեք Ձեզ բնութագրական մի քանի բառ ու առանձնացնեք կետադրական նշաններով, օրինակ․
Վճռական, նպատակասլաց մենեջեր և սոցիալապես գիտակից մարդ։
Ցանկանում ե՞ք կարդալ ավելին։ Իհարկե՛։
Այժմ շարունակեք կառուցել բովանդակությունը՝ հետևելով քայլ երկուսի հաջորդականությանը։
Ահա, կարծես թե արդեն պատրաստ է համառոտ բնութագիրը։ Իսկ ինչպե՞ս հասկանալ բնութագրի լավ կամ վատ լինելը։ Ես, օրինակ, միշտ կրկնակի ստուգելու կողմնակից եմ եղել։ Առաջարկում եմ երկու թեստ, որոնք Ձեր համառոտ բնութագիրը կդարձնեն առավել կատարյալ։
Նազելի Բադալյան
Մարքեթինգի և հաղորդակցության մենեջեր, staff.am
