Սկիզբ / Խորհուրդներ / Ինչպես գտնել աշխատանք, եթե չունեք աշխատանքային փորձ

Ինչպես գտնել աշխատանք, եթե չունեք աշխատանքային փորձ

Գուցե և Դուք նոր եք ավարտել և փնտրում եք Ձեր մասնագիտությամբ աշխատանք, կամ արդեն ամիսներ շարունակ Ձեր առաջին աշխատանքի փնտրտուքների մեջ եք և չեք կարողանում գտնել Ձեզ համապատասխանը։ Միգուցե նաև ցանկանում եք փոխել Ձեր աշխատանքի ոլորտը։ Եվ բոլոր դեպքերում բախվում եք մեկ խնդրի․

Դուք չեք կարող գտնել աշխատանք առանց աշխատանքային փորձի, բայց նաև չեք կարող ձեռք բերել փորձ առանց աշխատանքի։ 

Անկախ նրանից, որ երևույթն ինքնին հիասթափեցնող է, աշխատանք գտնելու պարադոքսն այսօր շատ ու շատ երիտասարդների և նորավարտների համար մեծ խոչընդոտ է դառնում իրենց կարիերայի ճանապարհին։ Այս առեղծվածային հանելուկը հաղթահարելն առաջին քայլն է, որ հնարավորություն է տալիս կարիերայում ինչ-որ հաջողությունների հասնել։ Իսկ ե՞րբ մենք մեզ կզգանք ինքնավստահ մեր կարողությունների և ունակությունների մեջ և կհաղթահարենք այդ խոչընդոտը։ Իհարկե, երբ որ մեզ աշխատելու և մեր կարողությունները ցույց տալու հնարավորություն ընձեռեն։ Որպես կանոն, ընդունված է ասել, որ որքան վաղ սկսենք մեր կարիերան, այնքան ավելի արագ հաջողության կհասնենք։

Լավ, ընդունենք, որ ինչ-ինչ պատճառներով մենք չենք կարողացել ավելի վաղ սկսել մեր կարիերան։ Այդ դեպքում, միթե՞ ամեն ինչ կորած է, և ապարդյուն կարող են անցնել աշխատանքի ընդունվելու մեր բոլոր ջանքերը։

Բնավ ոչ, StaffBlog-ն առանձնացրել է 5 թույլատրելի հնարքներ, որոնց պետք է հետևել նման իրավիճակում։

1 Աշխատեք անվճար․ Իհարկե, իդեալական տարբերակ չէ, բայց ամեն դեպքում “անվճար” բառը բոլորի համար ականջահաճո արտահայտություն է։ Եթե Ձեր ուղեկցող նամակը սկսվում է․ “Ես փնտրում եմ նոր հնարավորություն ինչ-որ բան սովորելու, հմտություններ ձեռք բերելու համար, պատրաստ եմ նաև անվճար աշխատել”, ապա այս ձևով Դուք անմիջապես կգրավեք գործատուների ուշադրությունը։

Շատ կարևոր է նաև պահպանել հանգստություն, չէ՞ որ կամավորությունը նույնպես աշխատանք է, ժամանակավոր բնույթ է կրում և միշտ չէ, որ լինելու եք սկսնակ։ Առավել ևս, ներկա պահին քանի որ չունեք աշխատանք, ունեք ժամանակ, որը կարելի է ավելի արդյունավետ օգտագործել։


2 Աշխատեք ցածր աշխատավարձով․ Եթե ցանկանում եք աշխատել մի ոլորտում, որը Ձեզ համար նոր է, Դուք պետք է վաստակեք այդ աշխատանքը։ Նախապես բնականաբար տեղեկացված կլինեք, թե ինչքան աշխատավարձ կստանայիք, եթե այդ ոլորտում աշխատեիք։ Առաջարկեք Գործատուին, որ այդ աշխատավարձի կեսը բավարար կլինի Ձեզ սկզբանական շրջանում աշխատելու համար։ Երբեք մի մտահոգվեք ցածր աշխատավարձի, նույնիսկ կամավորական աշխատանքի համար, եթե Ձեր նպատակը առաջին աշխատանքային փորձ ձեռք բերելն է։


3 Ընդգծեք Ձեր սոֆթ հմտությունները․ Սոֆթ հմտություններն այն կարողություններն են, որոնք որևէ առնչություն չունեն գիտելիքի հետ։ Եվ ամենակարևոր առավելությունն այն է, որ նրանք չափելի չեն։ Պատկերացրեք Ձեր CV-ի մեջ նշեք, որ ունեք գերազանց “հաղորդակցման հմտություններ”, “ժամանակի կառավարման հմտություններ”, որոնք կարող են օգնել աշխատել  առանց աշխատանքային փորձի։ Իսկ Ձեր ցանկալի աշխատանքի համար անհրաժեշտ հմտություններն ընդգծելու համար նախապես մտածեք, թե որոնք են առավել կարևոր այդ մասնագիտությամբ աշխատելիս։ Օրինակ, վաճառքի ոլորտում անհրաժեշտ հմտություններն էականորեն տարբերվում են մարդկային ռեսուրսների կառավարման ոլորտում պահանջվող հմտություններից։

4 Պատկերավոր ձևով ներկայացրեք Ձեր կենսափորձը` համեմատելով աշխատանքային փորձի հետ․ Բնականաբար աշխատանքային փորձը կարող է կապ չունենալ կենսափորձի հետ։ Դուք հնարավոր է արդեն անցել եք կյանքի այնպիսի ճանապարհ, որը կարող եք համեմատել, օրինակ, “Նախագծի մենեջեր”-ի աշխատանքի և պարտականությունների հետ։ Գործատուին ներկայացրեք, թե ինչպես կարող եք օգտագործել ձեռք բերված հմտություններն ու կարողություններն աշխատանքի ժամանակ։

3
5 Փոխանակեք․ Դուք չունեք աշխատանքային փորձ, բայց ունեք մեկ հատկանիշ, որն ունի մեծ արժեք՝ ժամանակ։ Վերաբերվեք Ձեր ժամանակին որպես մեծ առավելություն։ Եթե Դուք նաև օժտված եք ստեղծագործական հմտություններով, ապա փաթեթավորեք Ձեր ժամանակը խանդավառության, էներգիայի և նախաձեռնության փաթեթով։ Ու հետևեք, թե ինչքան հրաշալի կարող է լինել արդյունքը։

“Արինեն համալսարանի շրջանավարտ էր, և շատ շուտով կավարտվեր նրա մասնագիտական պրակտիկան միջազգային անշարժ գույքի գործակալությունում։ Վերջին օրն էր, որ նա այցելում էր ընկերություն։ Նա նայում էր իր շուրջը, հետո տնօրենի գրասեղանին, աշխատակիցների վազքին և մտազբաղ հայացքներին։ Եվ այդպես, նրա մոտ մի միտք ծագեց․ այս ընկերությունում գործերն այնքան շատ են, բոլորը զբաղված են ։ Իսկ այդ մտքին հաջորդեց Արինեի հաջորդ հարցը՝ ուղղված տնօրենին։ Հարց, որ կարելի էր գնահատել մոտ 60.000$ այդ ֆիրմայի համար։ 
– Պրն․ տնօրեն, զգացվում է, որ այժմ շատ զբաղված եք։ Ինչ կանեիք Ձեր բիզնեսի զարգացման համար, եթե շաբաթը բաղկացած լիներ 8 օրից։
Պատասխանը երկար սպասեցնել չտվեց։ Եվ տնօրենն անմիջապես պատասխանեց, որ կզբաղվեր նոր շուկայի ուսումնասիրությամբ։ Արինեն, իրեն չկորցնելով, պատրաստակամություն հայտնեց կատարել նոր շուկայի ուսումնասիրությունն անվճար։ Իհարկե, նաև նշելով, որ իր մասնագիտական կրթությունը հնարավորություն է տալիս զբաղվել այդ գործով”։

ֆինալ

Այսպես, առեղծվածային հանելուկն արդեն ունի իր պատասխանը։ Եվ առաջին աշխատանքի ձեռք բերումն այժմ այնքան էլ անհասկանալի պարադոքս չի թվում։ 

 

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

eb_cover-final size

Գործատուի բրենդավորման 4 կարևոր գործիք staff.am-ից

Հայաստանում ավելի ու ավելի շատ ընկերություններ են սկսել ուշադրություն դարձնել Գործատուի բրենդավորմանը՝ դիմելով սոց․ ցանցերի, …

Leave a Reply

Your email address will not be published. Required fields are marked *