staff.am կարիերայի առաջատար հարթակի կողմից ուրախ ենք Ձեզ ներկայացնել ևս մեկ գործիք, որի նպատակն է առավել արդյունավետ դարձնել աշխատակիցների փնտրման գործառույթը գործատուների համար:
Ձեզ ենք ներկայացնում StaffSearch Engine թեկնածուների որոնման համակարգը, որը տրամադրվում է staff.am «Ընդլայնված» և «Անսահմանափակ» փաթեթների հետ: Ստորև ամփոփել ենք StaffSearch Engine համակարգի աշխատանքի տրամաբանությունն ու առավելությունները:
ԻՆՉՊԵ՞Ս Է ԱՇԽԱՏՈՒՄ ՀԱՄԱԿԱՐԳԸ
Օգտագործելով staff.am CV-ների որոնման StaffSearch Engine համակարգը Գործատուն հնարավորություն ունի աշխատանքի պահանջներին բավարարող չափանիշների օգնությամբ որոնում կատարել բազայում և թեկնածուի հմտությունների և փորձի համապատասխանության դեպքում անմիջապես համակարգից թեկնածուին հրավեր ուղարկել դիմելու այս կամ այն աշխատանքին:
Մասնավորապես.
Գործատուն համապատասխան մասնագետի փնտրման համար մուտքագրում է keyword-ներ, իսկ որոնման արդյունքներն ավելի թիրախավորելու համար կարող եք ավելացնել նաև պահանջվող հմտությունների, տարիքի և փորձի վերաբերյալ ֆիլտրներ։
Ստորև ներկայացված կարճ տեսահոլովակում կարող եք տեսնել StaffSearch Engine համակարգի աշխատանքը գործնականում:
STAFFSEARCH ENGINE ՀԱՄԱԿԱՐԳԻ ԱՌԱՎԵԼՈՒԹՅՈՒՆՆԵՐԻ ՄԻՋՈՑՈՎ ԴՈՒՔ ԿԱՐՈՂ ԵՔ.
Փնտրել պահանջվող չափանիշներին համապատասխան թեկնածուի օրեցօր աճող տվյալների բազայում:
staff.am-ում գրանցված այն օգտատերերը, ովքեր ունեն լիարժեք լրացված օնլայն CV -ներ և աշխատանք են փնտրում կհայտնվեն որոնման Ձեր արդյունքներում:
Օգտվել յուրաքանչյուր թեկնածուի մասին համապարփակ և լիարժեք տեղեկատվությունից:
Թիրախավորված որոնման արդյունքում Դուք կարողանում եք տեսնել թեկնածուի օնլայն CV-ն, որն ընդգրկում է՝ աշխատանքային փորձը, կրթության մանրամասները, մասնագիտական և սոֆթ հմտությունները, համառոտ բնութագիրը (summary), սոց. էջերին հղումները և այլն ):
Անմիջապես հրավիրել թեկնածուին դիմել հայտարարված բաց թափուր հաստիքին
Որոնման արդյունքում աշխատանքի պահանջներին համապատասխանող թեկնածուին հրավեր եք ուղարկում staff.am-ից, ընտրելով թափուր աշխատանքներից որին եք ցանկանում հրավիրել:
Կառավարել ակտիվ և պասիվ թեկնածուների ցանկը մեկ վայրում
Թիրախավորված որոնումից և պոտենցիալ թեկնածուներին հրավեր ուղարկելուց հետո Ձեր ընկերության staff.am էջում Դուք կարողանում եք տեսնել թե որ թեկնածուին ինչ հաստիքի համար եք հրավիրել և երբ։
Ստանալ staff.am Հաճախորդների գոհունակության թիմի աջակցությունը
Ռեքրութմենթի գործընթացն առավել դյուրին դարձնելու համար ցանկացած հարցի դեպքում կարող եք կապ հաստատել «Հաճախորդների գոհունակության» մեր թիմի հետ։ Մենք միշտ ուրախ ենք աջակցել մեր գործատուներին։
Հավատացած ենք, որ StaffSearch Engine-ը ևս մեկ նորույթ կլինի հայկական աշխատաշուկայում, որն ուղղված կլինի գործատու-աշխատանք փնտրող կապի առավել արդյունավետ կազմակերպմանը:
