Անակնկալ այցելություն Ginosi Apartels Yerevan Office

958

2017 թվականի ընթացքում առիթ ունեցանք այցելելու բազմաթիվ օգտատերերի, ովքեր staff.am-ի միջոցով գտել էին իրենց ցանկալի աշխատանքը:

Տարեվերջյան հերթական անակնկալ այցելությունը Ginosi Apartels երևանյան գրասենյակ էր, որտեղ թիմին էր միացել Անահիտ Խանոյանը՝ զբաղեցնելով Corporate Regional Manager-ի թափուր աշխատատեղը:

Բավականին հաճելի զրույց ունեցանք Անահիտի և HR թիմի հետ:

Անահիտը նշեց, որ ընկերության հանդեպ հետաքրքրությունը առաջացել էր staff.am սոց․ մեդիա մարքեթինգի արդյունավետ քայլերի շնորհիվ։ Եվ staff.am-ն ունեցել է բավականին մեծ ազդեցություն հենց Ginosi Apartels-ի նման հաճելի կորպորատիվ մշակույթ ունեցող և շուկայում տարբերվող ընկերության թիմը համալրելու գործում:

Թափուր հաստիքի առկայության ժամանակ, Անահիտն ինքնազբաղված էր, մինչդեռ իր ֆեյսբուքյան էջում հաճախ էր նկատում Ginosi ընկերության հայտարարությունը։ Սկզբից կարծիք կար այն մասին, որ Ginosi-ն ՏՏ ոլորտի ընկերություն է, սակայն նկատելով ընկերության մասին StaffBlog-ի մեր պատրաստած հրապարակումը, որտեղ մանրամասն նկարագրված են ընկերության գործունեությունը, ընկերության աշխատանքային մշակույթն ու արտոնությունների փաթեթները,  Անահիտը որոշում է անմիջապես դիմել Corporate Regional Manager-ի աշխատանքի համար՝ այսպիսով հաջողությամբ միանալով ընկերության թիմին։

ginosi1
Շատ ուրախ ենք նման կարևոր գործում մեր ներդրումն ունենալու համար։ Եվ  հետևելով մեր առաքելությանը՝ վստահ ենք, որ գալիք տարում շատուշատ առիթներ ենք ունենալու շնորհավորելու մեր օգտատերերին, ովքեր կգտնեն իրենց ցանկալի աշխատանքը, և գործատու ընկերություններին՝ իրենց թիմերը լավագույն մասնագետներով համալրելու համար։

Powered by staff.am.