staff.am-ում դրական լիցքերի պակաս երբեք չի լինում, իսկ այս անգամ ուրախությունը կրկնակի էր, քանի որ staff.am-ի թիմն այցելեց այն ընկերություններին, որոնք իրենց թիմը համալրել էին նոր աշխատակիցներով՝ staff.am-ի հարթակից օգտվելով:
Ավելի վաղ, մայիսի 1-ին, մենք ներկայացրել էինք մեր անակնկալի մասին, որը կայանում էր հետևյալում. մայիսի 1-ից հետո մեր օգտատերերը, աշխատանք գտնելով staff.am-ի միջոցով, առաջին աշխատանքային օրը ստանում էին հատուկ նվեր staff.am-ի կողմից: Մեր թիմը մեծ ոգևորությամբ այցելեց առաջին 4 ընկերությունները՝ հանձնելու մեր նվերները:
«ԻՐՏԵԿ» Նունե, Իրավաբան
Առաջին այցը դեպի «ԻՐՏԵԿ» իրավական տեղեկատվական ընկերություն էր, որի թիմը համալրել և իրավաբանի թափուր հաստիքը զբաղեցրել էր Նունեն: Իրտեկ ընկերությունը բավականին երկար տարիների փորձ ունի իրավական-խորհրդատվական ոլորտում, և մենք ուրախ ենք համագործակցել այս ընկերության հետ:
«ԹԱՅՄԼԵՍՍ»՝ Ադրինե, Մարքեթինգի ղեկավարի օգնական
Հաջորդիվ այցելեցինք մեր բոլորի կողմից շատ սիրելի «ԹԱՅՄ» սրահների ցանցի գրասենյակ և հանդիպեցինք ինչպես Ադրինեին, այնպես էլ թիմի մյուս անդամներին:
«ՊԱՐԱԴԻԳՄԱ ԱՐՄԵՆԻԱ»՝ Քրիստինա, Հաշվապահ
Պարադիգման, առաջատար խորհրդատվական-հետազոտական ընկերություն է, որն ի դեպ համագործակցում է staff.am-ի հետ StaffBlog-ում ՄՌԿ մասնագետների համար օրենսդրական և հաշվապահական թեմաների շուրջ դայջեսթներ տրամադրելով: Ընկերությունը 200-ից ավելի դիմումներ էր ստացել այս հաստիքի համար և մենք անչափ ուրախ էինք հանդիպել ինչպես Քրիստինայի, այնպես էլ թիմի մյուս անդամների հետ:
«Սեմինա Քընսալթինգ»՝ Լիանա, Ֆինանսական գործառնությունների մասնագետ
Օրվա վերջին այցը դեպի «Սեմինա Քընսալթինգ» ընկերություն էր: «Սեմինա»-ն առաջատար խորհրդատվական ընկերություն է, որը Հայաստանում համագործակցում է գինեգործության ոլորտի ընկերությունների հետ, և իր ներդրումն ունի ՀՀ-ում գինեգործության մշակույթի զարգացման գործում: Ուրախ էինք հանդիպել ինչպես Լիանային, այնպես էլ «Սեմինա»-ի թիմի մյուս անդամների հետ:
Մեր կարգախոսն է «Ամեն ինչ դեռ առջևում է», և անչափ կարևոր է այս հետաքրքիր ճանապարհն անցնել միասին: Այն դրական էներգիան, որը ստացանք մեր այցելությունների ժամանակ, կարծում ենք կբավականացնի մինչև մեր մյուս այցելություն: Իհարկե, անպայման կշարունակենք ներկայացնել մեր «հաջողության պատմությունների» մասին StaffBlog-ում և ինչպես միշտ անհամբեր կսպասենք Ձեր արձագանքին, թե՛ որպես ընկերություն, թե՛ որպես անհատ:
