a222l
Սկիզբ / Հարցազրույցներ / StaffBlog հարցազրույց․ 5 րոպե Ալ Եսայանի հետ

StaffBlog հարցազրույց․ 5 րոպե Ալ Եսայանի հետ

WCIT-ի շրջանակներում StaffBlog-ի թիմը զրուցել է ակնառու մասնագետների հետ և տվել մի քանի պարզ հարց։ Հավատացած ենք՝ կհավանեք:

Մեր զրուցակիցն է Ալ Եսայանը, ճանաչված գործարար եւ ներդրող: Նրա ջանքերով Հայաստանում ստեղծվել են ՏՏ ոլորտի մի շարք ընկերություններ եւ աշխատատեղեր։ Ալ Եսայանն այս պահին հանդիսանում է IntelinAir ստարթափի հիմնադիր տնօրենը։

Մեկ նախադասությամբ նկարագրեք Ձեզ որպես մասնագետ։ Ինչո՞վ եք զբաղվում։

Եթե ընդամենը մեկ նախադասությամբ, ապա ես զբաղվում են նոր գաղափարներ գեներացնելով և դրանք ի կատար ածելով։

Եթե հնարավորություն ունենայիք ճանապարհորդել ժամանակի մեջ և հանդիպել ինքներդ Ձեզ 18-20 տարեկան հասակում, ի՞նչ կարևոր խորհուրդներ կտայիք երիտասարդ Ալ Եսայանին։

Առաջինը՝ ես խորհուրդ կտայի ավելի խորն ուսումնասիրել այն ամենն, ինչ հետաքրքրում և հուզում է ինձ, անպայման չէ որ դա լինի իմ ընտրած մասնագիտությունը, այլ ուղղակի թեմաներ, որոնք ինձ մեծապես ոգևորում են։

Երկրորդ խորհուրդը, որ հնարավորինս վաղ հասակում գտնեի մենթոր, այսինքն` մարդ, ով ինձ կուղղորդեր կարիերայի և  մասնագիտական առումներով։

Երրորդը՝ խորհուրդ կտայի միանշանակ կարդալ շատ ավելի շատ։

Ի՞նչ է հաջողությունը և ձախողումը Ձեզ համար։ 

Չեմ հավատում ձախողմանը․ համենայն դեպս, ինձ համար նման հասկացություն չկա։ Ձախողումները դիտարկում եմ որպես դասեր և քայլ առաջ դեպի հաջողություն։ Ձախողելով սովորում ես և ամեն անգամ փորձում նոր ռազմավարություն, ինչն էլ ի վերջո հանգեցնում է ցանկալի հաջողությանը։

Ինչ վերաբերվում է հաջողությանը, ապա այն մտածելակերպ է, ընթացք է, ուղի, այլ ոչ թե վերջնակետ։ Եթե ես զգում եմ, որ հաջողակ եմ, ուրեմն այդպես էլ կա։ Պետք չէ ուշադրություն դարձնել թե ինչպիսի տեսք ունի իրավիճակը շրջապատի համար կողքից, կարևորը ինքս ինչ եմ մտածում և ինչպես եմ մարմնավորում հաջողությունը։

 

Եթե հնարավորություն ունենայիք փոխելու ցանկացած 3 բան աշխարհում, ցանկացած ոլորտում, որ 3-ը կընտրեիք։

Առաջինը կփոխեի, թե ինչպես են այսօր մարդիկ միմյանց վերաբերում, մարդկային շփումը կդարձնեի ավելի անկեղծ ու անմիջական։

Երկրորդը կփոխեի, թե ինչպես ենք մենք վերաբերվում շրջակա միջավայրին, չէ որ մենք դրա մասնիկն ենք և գոյություն չենք կարող ունենալ առանց դրա։

Երրորդը կփոխեի, թե ինչպես ենք մենք քաջալերում և սատարում մեկմեկու մեր երազանքների և նպատակներին հետևելու համար։ Այսինքն՝ կուզեի, որ ավելի շատ կարևորեինք մեր ուժեղ կողմերը, ոգևորեինք միմյանց առանց կենտրոնանալու այն սահմանափակումների վրա, որոնք առկա են։

Եվ ամենավերջում, ի՞նչ գիրք խորհուրդ կտաք մեր օգտատերերին, ստեղծագործություն, որ ինքներդ էլ կարևորում եք։

«Finding your element», Sir Ken Robinson. Խորհուրդ եմ տալիս նաև դիտել Sir Ken Robinsoni TedTalkերը։ Իսկ գիրքն իսկապես շատ լավն է․ ի դեպ, ինքս էլ մի քանի տարին մեկ վերընթերցում եմ։

 

Զրուցեց Լուիզա Ավետիսյանը

Լուսանկարի աղբյուրը՝ IFC

Այցելեք staff.am այսօր և ստեղծեք Ձեր օնլայն CV-ին

Հեղինակը՝ StaffBlog

Դիտեք նաև

john

StaffBlog հարցազրույց․ «Հայաստանի ապագան պայծառ է»

«Վերափոխելով բանականությունը» խորագրով «Գլոբալ ինովացիոն ֆորում»-ի ընթացքում աշխարհի 20 երկրների ավելի քան 90 գիտնականներ, նորարարության և …

Leave a Reply

Your email address will not be published. Required fields are marked *