ՀՀ Վարչապետի աշխատակազմի Անվտանգության խորհրդի գրասենյակ

ՀՀ Սահմանադրության 2015 թվականի փոփոխություններով՝ 155-րդ հոդվածի 2-րդ մասով, սահմանվել է, որ պաշտպանության ոլորտի քաղաքականության հիմնական ուղղությունները սահմանում է Անվտանգության խորհուրդը, որը Սահմանադրության 152-րդ հոդվածի 1-ին մասի համաձայն գլխավորում է վարչապետը: Սահմանադրական նշված փոփոխություններով Անվտանգության խորհրդին տրվել է սահմանադրական մարմնի կարգավիճակ, որը պաշտպանության ոլորտի քաղաքականության հիմնական ուղղություններին վերաբերող հարցերով ընդունում է որոշումներ, իսկ իր իրավասության մեջ մտնող այլ հարցերով` խորհրդատվական բնույթի որոշումներ: